Hosea 4:9 - BAIBLO ALOO NGMAMI KLƆUKLƆU Ɔ

⁹ Ma gbla nyɛ tsuo nyɛ tue: ma mi no gu jio, osɔfo jio, ma gbla nyɛ tue ngɛ yayami nɛ nyɛ peeɔ ɔ he.

Hosea 4:9 ပူးပေါင်းရင်းမြစ်များ

Abɛ Womi 11:31

Nɔ nɛ peeɔ nɔ́ nɛ da a, e naa e hiɔwo ngɛ zugba nɛ ɔ nɔ tete po. Lɔ ɔ he ɔ, yiwutsotsɛmɛ, kɛ yayami peeli hu ja a gbla a tue kɛ̃.

Abɛ Womi 12:14

Munyu kpakpahi nɛ jeɔ nɔ ko nya mi, kɛ níhi nɛ e tsuɔ ɔ, lɔ ɔmɛ a he hiɔwo e naa.

Abɛ Womi 5:22

Yiwutsotsɛ ɔ, lɛ nitsɛ e he yayamihi nɔuu lɛ maa du lɛ klama; e he yayami kpa amɛ nɔuu a kɛ maa fi lɛ.

Yesaya 24:2

Tue gblami kake lɛ ngɛ ha nɔ tsuaa nɔ, osɔfo jio, ma a jio, nyɔguɛ jio, nyɔmtsɛ jio, ní helɔ jio, ní jualɔ jio, nɔ nɛ ngɛ nɔ pae ha nɔ jio, nɔ nɛ ya ngɛ nɔ pae jio, niatsɛ jio, dɛgulɔ jio.

Yesaya 3:10

Nihi nɛ peeɔ nɔ́ nɛ da a, a bua maa jɔ, nɛ a nɔ́ tsuaa nɔ́ maa ya nɔ saminya. A maa ye a dengme gbomi mi ngɔɔmi.

Yeremia 5:31

Gbali ɔmɛ a sɛ gbi ɔ, lakpa sɔuu; nɔ́ nɛ mɛɛ a fa osɔfo ɔmɛ ke a pee ɔ, lɔ ɔ osɔfo ɔmɛ peeɔ. Nɛ ye ma a hu suɔ ja. Se nyagbe ɔ, kɛ a maa pee kɛɛ?”

Ezekiel 44:10

Yawɛ de mi ke, “Levi bi nɛ a kɛ Israel ma nɛ piɛ ɔ kua mi, nɛ a ya ja amagahi ɔ, ma gbla a tue.

Ezekiel 44:12

Akɛnɛ a nyɛɛ Israel ma a hɛ mi kɛ ya ja amagahi, nɛ a ha a pee yayami kɛ si mi he je ɔ, imi Nyɔmtsɛ Yawɛ, i ngɛ ye he kita kae ke ma gbla a tue kokooko.

Hosea 1:4

Yawɛ de Hosea ke, “Wo bi ɔ biɛ ke ‘Yezreel’; ejakaa e be kɛe kulaa nɛ ma gbla Israel matsɛ ɔ tue ngɛ nihi nɛ e nɛ̃, Yehu kpata a hɛ mi ngɛ Yezreel ɔ a he. Ma ha nɛ Yehu nɔ yemi ɔ se maa po.

Hosea 10:10

Ma tua ma yayami peeli nɛ ɔmɛ, nɛ ma gbla a tue. Je mahi maa pee kake kɛ wo mɛ, nɛ a maa gbla a tue ngɛ a yayami babauu ɔ he.

Hosea 12:2

Yawɛ kɛ Yuda ma a ná. E maa gbla Israel ma a hu tue ngɛ a je mi bami he. A he yayami ɔmɛ a he ɔ, e maa gbla a tue.

Hosea 12:3

Israel bi ɔmɛ a nɛ̃, Yakob nu e nyɛminyumu hayo ɔ nɛ a tsɛɛ lɛ Esau ɔ nane seja benɛ mɛ ni enyɔ ɔmɛ a ngɛ a nyɛ muklii mi nɛ a fɔ we mɛ lolo ɔ; nɛ benɛ Yakob ba wa a, e kɛ Mawu fia atlibo.

Hosea 7:2

E bɛ a juɛmi mi gblee kaa bɔ tsuaa bɔ nɛ pee ɔ, a he yayami nɛ ɔmɛ tsuo fɔɔ si paa ngɛ ye hɛ mi nɛ i ngɛ hyɛe.”

Hosea 8:13

A gbeɔ lohwehi kɛ sãã bɔ kɛ haa mi, nɛ lo ɔ nɛ a kɛ ba sã bɔ ɔ lɛɛ mɛ nitsɛmɛ a yeɔ. Se imi Yawɛ, ye bua jɔɛ a he. Ma kai a he yayami ɔmɛ, nɛ ma gbla a tue kokooko ngɛ he; ma kpale mɛ kɛ ho Egipt ya!

Hosea 9:15

Yawɛ ke, “Israel ma a je a yayami peemi ɔ tsuo sisi ngɛ Gilgal, nɛ lejɛ ɔ a he bɔni mi tai peemi kɛ je. Yi wu tso níhi nɛ a pee ɔ a he ɔ, ma fie mɛ kɛ je zugba a nɔ. I be mɛ suɔe hu; Israel ma nimeli ɔmɛ tsuo tsɔ ye hɛ mi atuã.

Hosea 9:9

Ma a puɛ kulaa kɛ yayami peemi kaa bɔ nɛ a pee ngɛ Gibea be ko ɔ. Yayami nɛ a pee ɔ, Mawu hɛ be nɔ jee; e maa gbla a tue kokooko.

Zakaria 1:6

Mlaahi nɛ i wo nyɛ nɛmɛ ɔmɛ, kɛ kɔkɔ nɛ i bɔ mɛ kɛ gu ye tsɔli nɛ ji gbali ɔmɛ a nɔ ɔ, tse a na mi nɔ́! Kɛkɛ nɛ jehanɛ a tsake a tsui, nɛ a de ke, Yawɛ Tabohiatsɛ ɔ gbla a tue bɔ nɛ sa mɛ ngɛ a ní peemi ɔmɛ a he kaa bɔ nɛ e to e yi mi ke e ma pee ɔ.”

Mateo 15:14

Nyɛ ko hao nyɛ he ngɛ a he kulaa! Hɛ yuyuili nɛ ngɛ hɛ yuyuili blɔ tsɔɔe ji mɛ. Ke hɛ yuyuilɔ ngɛ hɛ yuyuilɔ blɔ tsɔɔe ɔ, mɛ ni enyɔ ɔmɛ tsuo a maa nɔ muɔ mi.”