Hosea 4:7 - BAIBLO ALOO NGMAMI KLƆUKLƆU Ɔ

⁷ “Si abɔ nɛ nyɛ, osɔfo ɔmɛ nyɛ he ngɛ hiɛe ɔ, si abɔ nɛ nyɛ ngɛ yayami babauu pee kɛ ngɛ mi sie. Lɔ ɔ he ɔ, i be nyɛ hɛ mi nyami woe; ma pue nyɛ hɛ mi si mohu.

Hosea 4:7 ပူးပေါင်းရင်းမြစ်များ

Ezra 9:7

Kɛ je wa nɛmɛ a yi nɔ kɛ ba su mwɔnɛ ɔ, wɔ o ma a, wa pee yayami gbegbeegbe. Wa yayami ɔmɛ a he ɔ, ma je li ɔmɛ a matsɛmɛ ɔmɛ ba nuu wɔ, wa matsɛmɛ ɔmɛ, kɛ wa osɔfo ɔmɛ tsuo. A gbe wɔ, a kpɔ wa níhi ngɛ wa dɛ, nɛ a nuu wɔ kɛ ho ma se ya ngɛ pã mi kaa nyɔguɛhi. A ha wa hɛ mi pue si kulaa; nɛ wa ngɛ zo ɔ mi kɛ mwɔɔ.

Hosea 10:1

Israel ma a ngɛ kaa wai tso nɛ wo yiblii babauu. Ke a ná ní ɔ, kɛkɛ a puɛ bɔ sami la tɛhi fuu. Titimahi nɛ a puɛ nɛ a jaa a, a dlaa a he nɛ a he peeɔ fɛu.

Hosea 10:6

Niinɛ, amaga a nitsɛ lɛɛ a maa ngɔ kɛ ya Asiria kɛ ya ke matsɛ ngua a. Israel bi a hɛ mi ma pue si, nɛ zo maa gbe mɛ saminya ngɛ amaga nɛ a puɛ ɔ he.

Hosea 13:14

Anɛ ma kpɔ mɛ kɛ je gbeje lo? Anɛ ma he mɛ kɛ je gbenɔ dɛ mi lo? Gbenɔ, jije o hiɔ nɛ gbee nɔ ɔ ngɛ? Gbeje, jije nɔ́ nɛ a kɛ kpataa nɔ hɛ mi ɔ ngɛ? I be ma nɛ ɔ mɔbɔ nae hu.

Hosea 13:6

Se benɛ nyɛ ye ní nɛ nyɛ tɔ saminya a, nyɛ wo nyɛ he nɔ, nɛ nyɛ hɛ je ye nɔ.

Hosea 4:10

Ke ma a ba sã bɔ ɔ, nyɛ blɔ fa mi nɔ́ ɔ, nyɛ maa ye, se nyɛ be tɔe. Nyɛ ma ya bɔ ajuama, se bi be mi jee; ejakaa imi Yawɛ ɔ, nyɛ kua mi, nɛ nyɛ ngɛ mawu kpahi jae. Bɔ nɛ yo yaholɔ peeɔ ɔ, jã ye ma a je ye se nɛ a ngɔ a he ya ha mawu kpahi.”

Hosea 5:1

“Nyɛ osɔfohi, nyɛɛ bu tue! Israel ma nyɛ tã tue! Matsɛ we mi bimɛ, nyɛɛ bu tue! Nyɛ sa tue gblami! Ejakaa nyɛ pee kaa klama nɛ a tsɔ ngɛ Mizpa, kɛ yá nɛ a wo ngɛ Tabor yo ɔ nɔ,

Hosea 6:9

Osɔfo ɔmɛ buaa a he nya kaa bɔ nɛ ojo fiali woɔ ka haa nihi ɔ. Shekem blɔ nɔ po, a poo nɔ nɛ a gbeɔ nɔ basabasa. A peeɔ yiku níhi babauu.

Hosea 9:11

Israel hɛ mi nyami ɔ maa laa mɛ tlukaa kaa bɔ nɛ lohwe pɛlitsɛ tee. Yi ɔmɛ be fɔe hu; hɔ tete po a be ngɔe.

Habakuk 2:16

Jehanɛ lɛɛ o be ɔ su nee! A be o hɛ mi nyami woe hu, se mohu a ma pue o hɛ mi si. Mo nitsɛ o maa tɔ dã, nɛ o maa tataa si. Yawɛ ma ha nɛ mo nitsɛ o yayami nɛ o pee ɔ maa gbla o tue; a be o hɛ mi nyami woe; o hɛ mi si mohu a ma pue.

Malaki 2:9

Enɛ ɔ he je ɔ, imi hu ma ha nɛ Israel bi ɔmɛ maa hie nyɛ, ejakaa nyɛ pee we ye suɔmi nya ní; mlaa a hu, nihi a hɛ mi lɛ nyɛ hyɛɛ kɛ tsɔɔ.”

Mose V, 32:15

“Yawɛ ma a na ní kpɔtɔɔ; kɛkɛ nɛ a tsɔ atuã; a ye ní kpakpa nɛ a tɔ saminya. Se a je Mawu nɛ ji a bɔlɔ ɔ he, nɛ a kua a yi wami helɔ nɛ se be ɔ.

Filipibi 3:19

Kikɛmɛ a nimli nɛ ɔmɛ ɔ, a ma kpata a hɛ mi kɛ maa ya neneene. Ejakaa mɛɛ lɛɛ a muklii ji a mawu nɛ a jaa. A nyaa zo níhi a he, nɛ je mi níhi pɛ a he a susuu.

Samuel I, 2:30

Imi Yawɛ, Israel Mawu ɔ, i wo si be ko ke o kɛ o weku li ma sɔmɔ mi kaa osɔfohi kɛ maa ya neneene. Se jehanɛ ɔ, i ngɛ dee ke i kpale ye nya se! Mohu ɔ, nihi nɛ woɔ ye hɛ mi nyami ɔ, ma wo a hɛ mi nyami; nɛ nihi nɛ hiee mi ɔ, imi hu ma hie mɛ.