Hosea 4:2 - BAIBLO ALOO NGMAMI KLƆUKLƆU Ɔ

² Kita kami, lakpa yemi, muɔ si puemi, ju, kɛ gba puɛmi sɔuu ji a ní tsumi. Nɔ́ ko nɔ́ ko si we mɛ kpu, nɛ muɔ si kɛkɛ a ngɛ puee.

Hosea 4:2 ပူးပေါင်းရင်းမြစ်များ

Hosea 6:9

Osɔfo ɔmɛ buaa a he nya kaa bɔ nɛ ojo fiali woɔ ka haa nihi ɔ. Shekem blɔ nɔ po, a poo nɔ nɛ a gbeɔ nɔ basabasa. A peeɔ yiku níhi babauu.

1 Tesalonikabi 2:15

Nimli nɛ ɔmɛ nɛ a gbe Nyɔmtsɛ Yesu, kɛ gbali ɔmɛ. Mɛ lɛ a wa wɔ yi mi. Mawu na we a he bua jɔmi; a te si wo nɔ tsuaa nɔ!

Mika 7:2

Anɔkualetsɛmɛ ta zugba a nɔ; dalɔ kake ngmelu po be. Nɔ tsuaa nɔ ngɛ blɔ ko hlae nɛ e kɛ pue muɔ si; nɔ tsuaa nɔ ngɛ lɛ nitsɛ e nyɛmi klama tsɔe.

Hosea 7:1

“Be tsuaa be nɛ i hla kaa ma tsa ye ma Israel hiɔ ɔ, yi wu tso ní peemi, kɛ ní yayahi sɔuu i naa ngɛ Samaria. A sisiɔ a sibi, a sɛɛ wehi a mi ya juɔ, nɛ a yeɔ ojo ngɛ blɔ ɔmɛ a nɔ.

Yeremia 6:7

Kaa bɔ nɛ vu jeɔ nyu ɔ, ja pɛ lɛ Yerusalem bi ɔmɛ peeɔ yayamihi babauu. I nuɔ haomi kɛ hɛ mi kpatami he hoo ngɛ ma a mi; nihi nɛ a plaa, nɛ a pee hiɔtsɛmɛ ji ni nɛmɛ nɛ i naa.

Kpojemi 17:6

I na kaa yo ɔ tɔ dã; ee, e nu ni klɔuklɔu ɔmɛ, kɛ nihi nɛ a gbe mɛ ngɛ Yesu he ɔ a muɔ, nɛ e pee kaa nɔ nɛ tɔ dã. Benɛ i na lɛ ɔ, ye nya kpɛ ye he wawɛɛ.

Ni Tsumi 7:52

Gbali ɔmɛ nɛ hi si sa a, nyɛ nɛmɛ ɔmɛ wa mɛ yi mi. A gbe ni nɛmɛ nɛ de to ke dalɔ ɔ maa ba a. Amlɔ nɛ ɔ, lɛ nitsɛ hu nyɛ tsɔɔ e se blɔ, nɛ nyɛ gbe lɛ.

Mateo 23:35

Kɛkɛ ɔ, nimli kpakpahi tsuo nɛ a pue a muɔ si ngɛ je nɛ ɔ mi, kɛ maa je Habel nɛ a pue e muɔ si yaka gu ɔ nɔ kɛ yaa su Barakia binyumu Zakaria nɛ nyɛ gbe lɛ ngɛ sɔlemi we ɔ, kɛ bɔ sami la tɛ ɔ a kpɛti ɔ nɔ ɔ a he ɔ, a maa gbla nyɛ tue.

Zakaria 7:9

“Blema lokoo ɔ, i wo ye ma a mlaa nɛ ɔmɛ ke, ‘Nyɛɛ hyɛ nɛ a ye dami sane; nyɛ mi mi nɛ jɔ, nɛ nyɛɛ na nyɛ sibi mɔbɔ.

Zakaria 5:3

E ya nɔ nɛ e de mi ke, “Gbiɛmi nɛ maa ba zugba a tsuo nɔ ji nɛ ɔ nɛ. A ngma ngɛ womi ɔ ba fa kake ke, ‘Nɔ tsuaa nɔ nɛ maa ju ɔ, a po lɛ ngɔ fɔ he.’ Nɛ a ngma ngɛ ba fa kake hu ke, ‘Nɔ tsuaa nɔ nɛ kãã lakpa kita a, a po lɛ ngɔ fɔ he.’

Zefania 3:1

Musu tloo Yerusalem! Ma nɛ́ wo e he mu! Atuã tsɔli kɛ yiwutsotsɛmɛ a ma.

Mika 6:10

Nyɛ yayami ɔmɛ ba hiɛ tsɔ! Sisimi blɔ nɔ nɛ nyɛ guɔ kɛ naa ní ɔ, anɛ nyɛ be kpae lo? Yayami peeli a wehi a mi hyi tɔ kɛ june nɛ a kpɔ ngɛ nihi a dɛ. A kɛ sɛni tɛ nɛ sui ngmɛɔ níhi. I nyɛ nɔ́ nɛ ɔ.

Mika 3:9

Nyɛ Israel ma nɔ yeli! Nyɛ nihi nɛ nyɛ yi dami sane, nɛ nyɛ plɛɔ dami sane hɛ mi ngɔ buɔ si! Nyɛɛ bu mi tue!

Mika 3:2

se nyɛ nyɛɛ nɔ́ kpakpa, nɛ nyɛ suɔ yayami mohu. Nyɛ kpɔɔ ye ma mi bi ɔmɛ a he womi hɛ ngmengmle kɛ jeɔ a wuhi a he.

Hosea 12:14

Israel ma a wo Yawɛ mi mi la wawɛɛ nitsɛ. Yi wu tso níhi nɛ a pee he je ɔ, a sa gbenɔ. Yawɛ maa gbla a tue ngɛ e hɛ mi si nɛ a pue ɔ he.

Hosea 10:4

Nya puu sɔuu a peeɔ; a woɔ si nya mi gu. A kaa lakpa kita kɛ soɔ somihi. A plɛɔ nɔ́ nɛ da hɛ mi ngɔ buɔ si, nɛ nɔ́ nɛ dɛ hii nɔ yae. Enɛ ɔ he je ɔ, munyu yemi heɔ si kaa bɔ nɛ hu yaya puɛɔ ngmɔ nɔ niba ní ɔ.

Hosea 7:3

Yawɛ ke, “Nihi toɔ ga yayahi nɛ a kɛ sisiɔ matsɛ ɔ kɛ e nimeli ɔmɛ.

Hosea 5:2

nɛ Akasia ma a hu pee kaa muɔ voo kɛ e mi yayami peeli kpanakuhi sɔuu. Lɔ ɔ he ɔ, ma gbla nyɛ tsuo nyɛ tue!

Kɔmɔ Yemi 4:13

Se e ba mi ja, ejakaa gbali ɔmɛ, kɛ osɔfo ɔmɛ pee yayami; a pue nihi nɛ peeɔ nɔ nɛ da ngɛ ma a mi ɔ a muɔ si.

Yesaya 48:1

Israel ma, Yuda nina, nyɛɛ bu nɔ́ nɛ ɔ tue; nyɛ nɛ nyɛ ngɔɔ Yawɛ biɛ kɛ kaa kita, nɛ nyɛ tsiɔ Israel Mawu ɔ ta ke nyɛ ngɛ lɛ jae, pi anɔkuale mi, se nya mi gu.

Yesaya 24:5

Ni ɔmɛ ble zugba a; nɛ a kɛ nɔ́ nɛ ɔ peemi tɔ Mawu mlaa amɛ a nɔ. A tsake blɔ nya tomi ɔmɛ, nɛ somi nɛ ngɛ daa a hu a yi nɔ.

Mose I, 4:8

Pee se ɔ, Kain de e senɔ Habel ke, “Ha nɛ waa ho nga nɔ ya.” Benɛ a ngɛ nga a nɔ ɔ, Kain nu e senɔ ɔ nɛ e gbe lɛ.

Mose V, 5:11

“ ‘Ko tsɛ Yawɛ, o Mawu ɔ biɛ yaka gu, ejakaa nɔ tsuaa nɔ nɛ peeɔ ja a, Yawɛ kɛ e he be lɛ kee.

Mose V, 5:18

“ ‘Ko puɛ gba.

Mose V, 5:19

“ ‘Koo ju.

Yeremia 51:5

Niinɛ, Israel kɛ Yuda pee yayami kɛ si imi, Israel Nɔ Klɔuklɔu ɔ. Se imi Yawɛ Tabohiatsɛ Mawu ɔ, imi lɛɛ i kua we mɛ.

Ezekiel 7:23

“Nɔ́ tsuaa nɔ́ maa pee basaa; zugba a tsuo nɔ ma hyi kɛ muɔ si puemi, nɛ ma a mi maa pee gidigidi.

Hosea 6:8

Yayami peeli, kɛ muɔ si pueli hiɛ tɔtɔɔtɔ ngɛ Gilead ma a mi.

Hosea 7:4

Dikali kɛ atuã tsɔli ji mɛ tsuo. Ninyɛ nɛ nya wa wawɛɛ nitsɛ lɛ ngɛ a mi. Ninyɛ ɔ jeɔ sisi kaa flɔɔnɔɔ mi la nɛ ngɛ tsoe tikɔɔ hluu kɛ ya suu be nɛ mamu ɔ ma fu saminya, nɛ́ abolo sãlɔ ɔ ma klɛ la a mi, konɛ e tso gegeege.

Hosea 10:13

Yayami nɛ nyɛ du ɔ, e yiblii nɛ nyɛ kpa. Lakpa amɛ nɛ nyɛ ye ɔ, a mi nɔ́ nyɛ ngɛ nae ɔ nɛ. “Nyɛ ngɔ nyɛ hɛ ngɔ fɔ nyɛ ta zugba lɛhi, kɛ nyɛ ta buli babauu ɔ a nɔ.

Hosea 11:12

Yawɛ ke, “Lakpa sɔuu Israel ma a ngɛ yee, nɛ a ngɛ nihi sisie ngɛ ye hɛ mi paa. Se imi Mawu, i le bɔ nɛ Yuda hu ngɛ kɛ ba si amlɔ nɛ ɔ. Yuda ma a ngɛ imi Nɔ Klɔuklɔu ɔ anɔkuale yee kɛ mwɔɔ.