Hosea 4:19 - BAIBLO ALOO NGMAMI KLƆUKLƆU Ɔ

¹⁹ A maa be kɛ ho kaa bɔ nɛ kɔɔhiɔ woɔ nɔ́; nɛ zo maa gbe mɛ ngɛ bɔ ɔmɛ nɛ a sãã a he.

Hosea 4:19 ပူးပေါင်းရင်းမြစ်များ

Yesaya 1:29

Nyɛ ma pia nyɛ he kaa nyɛ ya ja tso ngua amɛ, nɛ zo kpɔtɔɔ maa gbe nyɛ ngɛ abɔɔhi nɛ nyɛ po ɔ a he.

Yesaya 42:17

Se nihi nɛ ngɔɔ a hɛ ngɔ fɔɔ amagahi a nɔ, amagahi nɛ a kpɛ́, loo a puɛ, nɛ a kpale deɔ ke a mawuhi ji mɛ ɔ, a maa ba mɛ si, nɛ zo maa gbe mɛ.”

Yeremia 17:13

Yawɛ, Israel ma a ngɔ a hɛ ngɔ fɔ o nɔ; nɔ tsuaa nɔ nɛ ma kua mo ɔ, zo maa gbe lɛ. A maa laa kaa biɛ nɛ a ngma ngɛ zu mi, ejakaa a kua mo Yawɛ, mo wami nyu vu ɔ.

Yeremia 51:1

Bɔ nɛ Yawɛ de ji nɛ ɔ nɛ: “Ma ha nɛ kɔɔhiɔ nɛ puɛɔ ní maa fia ngɛ Babilonia zugba a nɔ, nɛ e ma kpata nihi a hɛ mi.

Hosea 10:10

Ma tua ma yayami peeli nɛ ɔmɛ, nɛ ma gbla a tue. Je mahi maa pee kake kɛ wo mɛ, nɛ a maa gbla a tue ngɛ a yayami babauu ɔ he.

Hosea 10:6

Niinɛ, amaga a nitsɛ lɛɛ a maa ngɔ kɛ ya Asiria kɛ ya ke matsɛ ngua a. Israel bi a hɛ mi ma pue si, nɛ zo maa gbe mɛ saminya ngɛ amaga nɛ a puɛ ɔ he.

Hosea 12:1

“Daa nyɔ kɛ pia a, yi wu tso níhi, kɛ níhi nɛ a he be se nami sɔuu Israel ma a ngɛ pee. A sisiɔ nɔ, nɛ a pueɔ muɔ si. A kɛ Asiria ngɛ huɛ bɔe, nɛ Egipt lɛɛ a kɛ lɛ yeɔ nu jua.”

Hosea 13:15

Ke Israel ma a ngɛ plɔkee, nɛ e pee plɔplɔɔplɔ kaa nga po, ma ha kɔɔhiɔ nɛ mi dɔ la maa fia kɛ je nga kplanaa a nɔ ngɛ beleku je kɛ ba. Kɔɔhiɔ ɔ ma ha nɛ nyu maa ta a vu ɔmɛ a mi, nɛ pa amɛ maa mii. Ma ha a juetli tsuo maa ta.