Hosea 4:18 - BAIBLO ALOO NGMAMI KLƆUKLƆU Ɔ

¹⁸ Ke Israel bi ya tɔ dã kikɛ nɛ ɔ, a bɔɔ ajuama, nɛ a bua jɔɔ. Zo níhi a he a nyaa, pi níhi nɛ maa wo a hɛ mi nyami.

Hosea 4:18 ပူးပေါင်းရင်းမြစ်များ

Mika 3:11

Ma nimeli ɔmɛ heɔ nyɔ mi ní loko a buá sane he; osɔfo ɔmɛ heɔ hiɔwo loko a tsɔɔ mlaa a sisi; gbali ɔmɛ heɔ sika loko a gbaa. Se mɛ tsuo a buɔ Mawu kua pɛɛ nɛ a deɔ ke, “Yawɛ kɛ wɔ ngɛ; nɔ́ ko nɔ ko be wɔ pee!”

Mika 7:3

Mɛ tsuo pɛpɛɛpɛ a he sɔɔ kɛ yayami peemi. Ma ní tsuli kɛ kojoli heɔ nyɔ mi ní. Niatsɛmɛ ɔmɛ heɔ mɛ kɛ sika. A tsɔɔ mɛ yi wu tso níhi nɛ a suɔ kaa a pee ha mɛ, nɛ a peeɔ kɛ haa mɛ.

Hosea 4:10

Ke ma a ba sã bɔ ɔ, nyɛ blɔ fa mi nɔ́ ɔ, nyɛ maa ye, se nyɛ be tɔe. Nyɛ ma ya bɔ ajuama, se bi be mi jee; ejakaa imi Yawɛ ɔ, nyɛ kua mi, nɛ nyɛ ngɛ mawu kpahi jae. Bɔ nɛ yo yaholɔ peeɔ ɔ, jã ye ma a je ye se nɛ a ngɔ a he ya ha mawu kpahi.”

Hosea 4:2

Kita kami, lakpa yemi, muɔ si puemi, ju, kɛ gba puɛmi sɔuu ji a ní tsumi. Nɔ́ ko nɔ́ ko si we mɛ kpu, nɛ muɔ si kɛkɛ a ngɛ puee.

Yeremia 2:21

O ngɛ kaa wai tso saminyayoo nɛ i du; wu kpakpa mi lɛ o puɛ kɛ je. Se hyɛ bɔ nɛ o ba plɛ pee kaa wai sasɛ nɛ he be se nami.

La 47:9

Je ma amɛ a ganɔ ɔmɛ bua a he nya kɛ ba, konɛ a ba pee Abraham Mawu ɔ ma. E he wa pe je nɛ ɔ mi tabo ɔmɛ tsuo. Matsɛ kpetekpleenyɛ ji lɛ.

Samuel I, 8:3

Mɛɛ a be kaa a tsɛ ɔ; mɛɛ a ya di sika se, nɛ a heɔ nyɔ mi ní, nɛ a plɛɔ sane hɛ mi ngɔ buɔ si.

Mose V, 16:19

A ko ye tue kpɛkpɛɛ sane; nɛ a ko hyɛ nɔ hɛ mi. A ko he nyɔ mi ní; ejakaa nyɔ mi ní hemi yuɔ ní leli po a hɛngmɛ, nɛ e haa a plɛɔ munyu hɛ mi buɔ si.

Mose II, 23:8

Ko he nyɔ mi ní; ejakaa nyɔ mi ní hemi yuɔ tsɔli a hɛngmɛ, nɛ a plɛɔ dali a sane hɛ mi ngɔ buɔ si.

Mose I, 38:24

Maa pee hlami etɛ se ɔ, nɔ ko ba de Yuda ke, “O nganyɛ Tamar ya nyɛɛ basabasa, nɛ hɔ ba e he nɛ a li hɔtsɛ.” Yuda fa ke, “A je lɛ kpo, nɛ a ya sã lɛ.”

Hosea 9:10

Yawɛ ke, “Benɛ i na Israel ma a kekleekle ɔ, a ngɛ kaa wai yiblii ngɛ nga nɔ. Benɛ i na nyɛ nɛmɛ ɔmɛ ɔ, a ngɛ kaa ngmɔkɔ he nɛ fu ngɛ e be mi. Se benɛ a ba su Peor yo ɔ he ɔ, a ba bɔni Baal jami. A kɛ nɔ́ nɛ ɔ ble a he, nɛ a he pee tai kaa nɔ́ ɔ nɛ a ngɛ jae ɔ nɔuu.

Ezekiel 16:15

“Se moo lɛɛ o ngɔ o he fɛu, kɛ biɛ nɛ o na a kɛ pee nɔ́ nɛ o kɛ maa bɔ ajuama mohu; nɔ tsuaa nɔ nɛ ma ba be ngɛ lejɛ ɔ, o kɛ lɛ hwɔɔ si faa!