Hosea 4:13 - BAIBLO ALOO NGMAMI KLƆUKLƆU Ɔ

¹³ A ya sã bɔ ngɛ yohi a yi mi, nɛ a sã tsopa kɛ e he via hu ngɛ tso gagaahi nɛ bɔ kusuu a sisi, ngɛ yokuhi a yi mi, ejakaa lejɛ ɔ hɔ̃ ɔ mi jɔ. “Enɛ ɔ lɛ ha nɛ nyɛ biyi ɔmɛ ya peeɔ a he yaholi, nɛ nyɛ yigbayi ɔmɛ hu puɛɔ gba a nɛ.

Hosea 4:13 ပူးပေါင်းရင်းမြစ်များ

Matsɛmɛ II, 17:7

Nɔ́ nɛ kɛ nɔ́ nɛ ɔ ba ji, Israel ma a pee yayami kɛ si Yawɛ, a Mawu ɔ, nɔ nɛ kpɔ mɛ ngɛ Egipt matsɛ ɔ dɛ, nɛ e je mɛ kɛ je Egipt zugba a nɔ ɔ. A ya ja mawu kpahi.

Matsɛmɛ II, 23:7

E ywia ajuama amɛ a hi he ɔmɛ ngɛ Yawɛ we ɔ. Tade klɔii ɔmɛ nɛ a woɔ kɛ jaa Ashera a, lejɛ ɔ ji he nɛ yi ɔmɛ loɔ ngɛ.

Yesaya 1:29

Nyɛ ma pia nyɛ he kaa nyɛ ya ja tso ngua amɛ, nɛ zo kpɔtɔɔ maa gbe nyɛ ngɛ abɔɔhi nɛ nyɛ po ɔ a he.

Yesaya 57:5

Nyɛ nɛ nyɛ he mi akɔnɔ teɔ si, nɛ́ nyɛɛ kɛ bɔɔ ajuama ngɛ tso nguanguahi nɛ bɔ kusuu a sisi. Nyɛ ngɔɔ nyɛ bimɛ kɛ sãã bɔ ngɛ tɛ puɔhi a mi ngɛ kɔ̃ ɔmɛ a mi.

Yesaya 57:7

Nyɛ ya kuɔɔ yo gaga amɛ, ya sãã bɔ; nɛ nyɛ ya bɔɔ ajuama ngɛ lejɛ ɔmɛ.

Yeremia 2:20

Nyɔmtsɛ Yawɛ ke, “Israel, blema lokoo lɛ o je o he kɛ je ye he wami sisi; o de ke o be mi jae hu fɛɛ. O kpla si ha amagahi ngɛ yoku tsuaa yoku nɛ ya hiɔwe nɔ, kɛ tso tsua tso nɛ bɔ kusuu sisi.

Yeremia 3:13

Moo lɛɛ moo kplɛɛ kɛkɛ kaa o ye fɔ, kaa o tsɔ Yawɛ, o Mawu ɔ hɛ mi atuã. Moo jaje kaa o ngɔ o suɔmi ya ha ma se mawuhi, nɛ o ja mɛ ngɛ tsohi tsuo nɛ bɔ kusuu a sisi. Moo jaje kaa o yi ye mlaa amɛ a nɔ. Imi, Yawɛ lɛ i de.

Yeremia 3:6

Benɛ Yosia ngɛ matsɛ yee ɔ, Yawɛ de mi ke, “Tse o na nɔ́ nɛ Israel pee? Israel je ye se nɛ e ya ja mawu kpahi ngɛ yokuhi tsuo nɛ ya hiɔwe a nɔ, kɛ tsohi tsuo nɛ bɔ kusuu a sisi. E ngɛ kaa yo yaholɔ pɛ.

Yeremia 44:8

Nyɛ ngɛ amagahi sɔmɔe, nɛ nyɛ ngɛ tsopa kɛ e he via sãe ha mawu kpahi ngɛ Egipt hiɛmɛ nɛ ɔ, he nɛ nyɛ ba nɛ nyɛ ba hi ɔ. Mɛni he je lɛ nyɛ ngɛ ní nɛ ɔmɛ pee kɛ ngɛ ye mi mi la woe ɔ? Anɛ nyɛ ngɛ ní nɛ ɔmɛ pee nɛ nyɛ kɛ kpata nyɛ nitsɛmɛ nyɛ hɛ mi, konɛ je ma amɛ tsuo nɛ a hie nyɛ, nɛ a ngɔ nyɛ biɛ kɛ pee gbiɛmi nɔ́ lo?

Ezekiel 16:16

O ngɔ o bo ɔmɛ ekomɛ kɛ ya pee jami hehi nɛ ngɛ fɛu; ajuama nɛ o kɛ mawu kpahi bɔ ngɛ lejɛ ɔmɛ ɔ, e hí sɛɛmi; eko bɛ hyɛ, nɛ eko hu be bae gblegbleegble.

Ezekiel 16:25

O ha o he fɛu saminyayoo ɔ ba pee afa kaa mɔsɔ nɛ o kpa. Nɔ ko tsuaa nɔ ko kɛkɛ nɛ o kɛ maa kpe ɔ, o ngɔ o he ngɔ ha lɛ, nɛ o bɔ ajuama basaa.

Ezekiel 6:13

A maa na nihi nɛ a kpata a hɛ mi ɔ a gbogboe ɔmɛ nɛ pueɔ si ngɛ amaga amɛ, kɛ bɔ sami la tɛ ɔmɛ a he tsuo kɛ kpe. A maa na gbogboe ɔmɛ ngɛ yokuhi nɛ ya hiɔwe, kɛ yohi tsuo a yi mi. A maa na mɛ ngɛ tsohi tsuo nɛ bɔ kusuu, kɛ tso ngua amɛ a sisi. Hehi tsuo nɛ a sãã bɔ nɛ jeɔ via ngɛ kɛ haa a we amaga amɛ hu a maa na a gbogboe ɔmɛ nɛ pueɔ si ngɛ lejɛ ɔmɛ ja nɔuu. Lɔ ɔ loko nyɛ ma na maa le kaa imi ji Yawɛ.

Hosea 10:8

Wɔ piɛhi nɛ ngɛ Aven yoku ɔ nɔ, he nɛ Israel ma a ya jaa amaga amɛ ngɛ ɔ, a ma kpata a hɛ mi. Mio tso, kɛ hu maa bɔ kɛ pue a bɔ sami la tɛ ɔmɛ a nɔ. Nɛ Israel bi ma kpa ngmlaa ma de yo gagaa amɛ ke, “Nyɛ ba ha wa nɔ!” nɛ a ma de yoku ɔmɛ ke, “Nyɛ ba nɔ wa nɔ!”

Hosea 11:2

Se ke i hla kaa ma gbla mɛ kɛ ba ye ngɔ, kɛkɛ a tsɔ atuã. A ya sãã bɔ kɛ haa Baalhi, nɛ a sãã tsopa kɛ e he via hu kɛ haa amaga kpahi.

Hosea 2:13

Ma gbla Gomer tue ngɛ níhi nɛ e pee be ko ɔ a he. Ke pee ɔ, Gomer ma dla e he saminyayoo kɛ nguɛ ní, kɛ june kpakpa, nɛ e ma ya sã tsopa kɛ e he via ha Baal. E ma dla e he saminyayoo kikɛ nɛ ɔ, nɛ e ma ya hi e pla amɛ a nɔ kpae; kɛkɛ ɔ, e hɛ maa je ye nɔ pɛsɛpɛsɛ. Ma gbla e tue ngɛ ní nɛ ɔmɛ a he. Yawɛ lɛ de.

Amos 7:17

Enɛ ɔ he je ɔ, Amazia, Yawɛ ngɛ mo dee ke, ‘O bimɛ ma gbo ngɛ ta nga nɔ. He nyɛli ma ba ngɔ o ma a, nɛ o zugba a maa pee ni kpahi a nɔ nɛ a maa dla. O yo maa bɔ ajuama ngɛ ma a mi, nɛ mo nitsɛ lɛɛ a maa ngɔ mo kɛ ho, nɛ o ma ya gbo ngɛ ma se. A maa nuu Israel bi ɔmɛ nyɔguɛ kɛ maa ho.’ ”