Hosea 4:11 - BAIBLO ALOO NGMAMI KLƆUKLƆU Ɔ

¹¹ Yawɛ ke, “Wai he, kɛ wai momo ha nɛ ye ma a ngɛ biɛe! A je ye se kulaa!

Hosea 4:11 ပူးပေါင်းရင်းမြစ်များ

Abɛ Womi 20:1

Wai sisiɔ nɔ; dã nɛ nya wa haa nɛ nɔ peeɔ basabasa. Nɔ nɛ ngɔɔ e he kɛ haa dã a, e li nɔ́.

Luka 21:34

“Nyɛɛ hyɛ nɛ hi nɛ nyɛ ko ya di ní yemi, kɛ ní numi, kɛ je nɛ ɔ mi níhi nɛ ngɔɔ nɔ nya a a se tsɔ. Ke pi ja a, jamɛ a ligbi ɔ ma ba ti nyɛ si tlukaa

Yesaya 28:7

Gbali ɔmɛ, kɛ osɔfo ɔmɛ pohu tɔɔ dã, nɛ a tataa si. Wai kɛ dã nɛ nya wa fuu tsɔ nɛ a nuu ɔ, haa a hii si tɛe basabasa. Gbali ɔmɛ tɔɔ dã kpɔtɔɔ; lɔ ɔ he ɔ, ninahi nɛ Mawu haa mɛ ɔ, a nui sisi. Osɔfo ɔmɛ hu tɔɔ dã kpɔtɔɔ ja nɔuu; mɛ hu sanehi nɛ a kɛ ba haa mɛ ɔ, a nyɛ we nɛ a hyɛɛ mi.

Hosea 4:12

Tso kpoku mohu ngɔ a ya ngɛ ní bie ngɛ. Dɛma tso mohu a bi ɔ ke e tsɔɔ mɛ nile. Kaa bɔ nɛ yo yaholɔ peeɔ ɔ, a je ye se nɛ a kɛ a he ya ha mawu kpahi.

Yesaya 5:12

Nyɛ tsɛɔ ní yemi nɛ nyɛ nuɔ dã; nyɛ fiaa saku, nɛ nyɛ nyaa; nyɛ kpaa bɛ, nɛ nyɛ hii miɛ. Se akɛnɛ nɔ́ nɛ Yawɛ ngɛ pee ɔ lɛɛ nyɛ susuu we he kulaa he je ɔ,

Fiɛlɔ 7:7

Amimi yemi haa ní lelɔ peeɔ kuasia, nɛ nyɔ mi ní hemi puɛɔ nɔ je mi bami.

Abɛ Womi 6:32

Se nyumu nɛ puɛɔ gba a, e be juɛmi; lɛ nitsɛ e hɛ mi lɛ e ngɛ kpatae.

Mose III, 10:9

“O kɛ o binyumu ɔmɛ nyɛ ti nɔ ko nɔ ko kó nu wai, loo dã nɛ nya wa kɛ ya kpe he bo tsu ɔ mi. Ke nyɛ pee ja a, nyɛ ma gbo. Enɛ ɔ maa pee mlaa nɛ fɔɔ si ha nyɛ kɛ yaa neneene.

Samuel I, 25:36

Benɛ Abigail kpale e se kɛ ba we ɔ mi ɔ, o nɛ Nabal nɛ ngmɛ okplɔɔ kaa matsɛ. Nabal de dã kpɔtɔɔ, nɛ e bua jɔ e he, lɔ ɔ he ɔ, Abigail bɔɛ lɛ amaniɛ ko kɛ ya si je na.

Abɛ Womi 31:4

Lemuel lee, anɔkuale mi ɔ, e sɛ matsɛmɛ, kɛ ma nɔ yeli kaa a nu wai, loo dã nɛ nya wa.

Hosea 7:11

Israel ngɛ kaa beleku lahuɛ nɛ ngɛ tee kɛ ngɛ yae kɛ ngɛ bae; e be juɛmi. Ke o ke o hyɛɛ ɔ, Israel bi ji nɛ nɛ a yaa bi yemi kɛ buami ngɛ Egipt; pee se kɛkɛ a pue Asiria blɔ.

Yeremia 23:13

I na Samaria gbali ɔmɛ a he yayami ɔ; a gba ngɛ Baal biɛ mi, nɛ a ha nɛ ye ma, Israel nane kpata.

Hosea 5:4

Yayami nɛ ma a pee ɔ ha we nɛ a nyɛ nɛ a kpale kɛ ba a Mawu ɔ ngɔ. Amaga jami ngɔ a tsui kulaa, nɛ a li Yawɛ hu.