Hosea 4:1 - BAIBLO ALOO NGMAMI KLƆUKLƆU Ɔ

¹ Nyɛ Israel bi, nyɛɛ bu nɔ́ nɛ Yawɛ ngɛ dee ɔ tue. Yawɛ ke Israel ma a tɔ̃ e nɔ. E ke, “Anɔkuale yemi ta zugba a nɔ; suɔmi be, nɛ imi Mawu nitsɛ hu a li mi.

Hosea 4:1 ပူးပေါင်းရင်းမြစ်များ

Matsɛmɛ I, 22:19

Mikaya ya nɔ nɛ e de ke, “Lɔ ɔ he ɔ, moo bu nɔ́ nɛ Yawɛ de ɔ tue! I na Yawɛ nɛ hii si ngɛ e sɛ ɔ nɔ ngɛ hiɔwe, nɛ e bɔfo ɔmɛ tsuo daa si kɛ bɔle lɛ kɛ kpe.

La 81:9

Nyɛ ko ha nɛ a na mawu kpahi ngɛ nyɛ kpɛti; nyɛ ko ja ma se mawuhi.

Yesaya 1:10

Yerusalem, nyɛ nɔ yeli ɔmɛ, kɛ nyɛ ma a mi bi ɔmɛ ngɛ kaa Sodom kɛ Gomora bi pɛ. Nyɛɛ bu nɔ́ nɛ Yawɛ ngɛ nyɛ dee ɔ tue saminya.

Yesaya 1:18

Yawɛ ke, “Jehanɛ, nyɛɛ ba nɛ wɔ tsuo wa susu he. Ke nyɛ he yayami ɔ tsu kaa mɛni po, ma ha e ma hiɛ futaa kaa snoo, loo jijɔ he bwɔmi.

Yesaya 28:14

Jehanɛ, nyɛ he nɔ woli nɛ nyɛ ngɛ ma nɛ ɔ nɔ yee ngɛ Yerusalem hiɛmɛ nɛ ɔ, nyɛɛ bu nɔ́ nɛ Yawɛ ngɛ dee ɔ tue.

Yesaya 34:1

Nyɛ, je ma amɛ tsuo nyɛɛ ba! Nyɛ bua nyɛ he nya kɛ ba nɛ nyɛ ba bu tue. Zugba a tsuo, kɛ nɔ tsuaa nɔ nɛ ngɛ je ɔ mi, nyɛɛ ba nɛ nyɛ ba bu tue.

Yesaya 34:8

Yawɛ to be ko nɛ e ma he Zion yi wami, nɛ e maa gbla a he nyɛli ɔmɛ a tue.

Yesaya 5:3

Lɔ ɔ he ɔ, ye huɛ ɔ de ke, “Nyɛ nihi nɛ nyɛ ngɛ Yerusalem kɛ Yuda, nyɛɛ hyɛ sane nɛ ngɛ i kɛ ye wai ngmɔ ɔ wa kpɛti ɔ mi ha wɔ.

Yesaya 59:4

Ke a kɛ nɔ ko ya kojomi he ɔ, nyɛ yi sane ɔ ha lɛ bɔ nɛ sa. Nyɛɛ kɛ mlaa tsu we ní, nɛ nyɛ yeɔ lakpa kɛ faa nyɛ he ngɛ sane yemi he. Ga yayahi nɛ kpataa nihi a hɛ mi sɔuu nyɛ toɔ.

Yesaya 59:8

nɔ ko nɔ ko yi e he ngɛ he nɛ nyɛ ngɛ. Nɔ́ nɛ dɛ pɛ nyɛ peeɔ. Nyɛ blɔ ɔmɛ gɔdɔ, lɔ ɔ he ɔ, nɔ tsuaa nɔ nɛ nyɛɛɔ nyɛ se ɔ, e he mi jɔɛ lɛ gblegbleegble.

Yesaya 66:5

Nyɛ ni nɛmɛ nɛ nyɛ yeɔ Yawɛ gbeye, nɛ nyɛ buɔ lɛ, nyɛ ta tue, “Akɛnɛ nyɛ yeɔ mi anɔkuale ɔ, nyɛ ma mi bi ɔmɛ ekomɛ nyɛɔ nyɛ, nɛ a kɛ nyɛ pee we nɔ́ ko nɔ́ ko, se nyɛ he fɛu mohu a yeɔ. A deɔ ke, ‘Yawɛ nɛ je e he wami kpo nɛ e he nyɛ yi wami, konɛ waa na bɔ nɛ nyɛ ma nya ha.’ Se mɛ nitsɛmɛ a hɛ mi si mohu a ma pue!

Yeremia 11:7

Benɛ i je a nɛmɛ ɔmɛ kɛ je Egipt zugba a nɔ ɔ, i ka a hɛ mi saminya nɛ i de mɛ ke a bu mi tue. Kikɛ nɛ ɔ nɔuu i ngɛ ma a hɛ mi kae kɛ ba si mwɔnɛ ɔ.

Yeremia 19:3

Yawɛ ke ma de ke, “Yuda matsɛmɛ, kɛ Yerusalem ma mi bi, nyɛɛ bu nɔ́ nɛ imi Yawɛ Tabohiatsɛ, Israel Mawu ɔ, i ngɛ dee ɔ tue. I kɛ haomi nɛ nya wa maa ba hiɛmɛ nɛ ɔ, nɛ nɔ tsuaa nɔ nɛ maa nu he ɔ, e he mi maa po.

Yeremia 2:4

Nyɛ Yakob nina, kɛ Israel wɛtsohi tsuo, nyɛɛ bu Yawɛ sɛ gbi tue.

Yeremia 2:9

“Lɔ ɔ he ɔ, imi Yawɛ, i kɛ ye ma a maa to ní. I kɛ mɛ, kɛ a nina tsuo maa to ní.

Yeremia 25:31

nɛ huhui maa pɛ kɛ ya je ɔ nyagbe he ɔmɛ tɔɔ. Yawɛ kɛ je ma amɛ ná. E maa kojo nɔ tsuaa nɔ, nɛ yiwutsotsɛmɛ lɛɛ e maa gbe mɛ. Yawɛ lɛ de.’ ”

Yeremia 34:4

Yuda matsɛ, Zedekia, bu nɔ́ nɛ i ngɛ dee ngɛ o he ɔ tue! O be gboe ngɛ ta nga nɔ.

Yeremia 4:22

Yawɛ ke, “Ye ma mi bi ɔmɛ biɛ pɛ; ye ma mi bi ɔmɛ li mi. A ngɛ kaa jokuɛwi kuasiahi; a be juɛmi. A he sɔɔ kɛ peeɔ yayami, se kpakpa peemi lɛɛ a li.”

Yeremia 4:28

Zugba a maa ye kɔmɔ, nɛ hiɔwe ma yu tuu. Yawɛ lɛ de, nɛ e be e nya se kpalee. E to e yi mi momo, nɛ e be tsakee hu.

Yeremia 5:4

Kɛkɛ nɛ i de ke, “Nimli guhi kɛkɛ ji nimli nɛ ɔmɛ; a be juɛmi; a biɛ. A li Yawɛ, a Mawu ɔ blɔ ɔmɛ. Kɛ a maa pee kɛ bu lɛ tue kɛɛ?

Yeremia 51:5

Niinɛ, Israel kɛ Yuda pee yayami kɛ si imi, Israel Nɔ Klɔuklɔu ɔ. Se imi Yawɛ Tabohiatsɛ Mawu ɔ, imi lɛɛ i kua we mɛ.

Yeremia 6:13

Kɛ je nimli wawihi a nɔ kɛ ya si nimli nguahi a nɔ ɔ, nɔ tsuaa nɔ hɛ dɔ kɛ ngɛ nɔ sisie nɛ e kɛ na ní. Gbali kɛ osɔfohi po ngɛ nɔ sisie.

Yeremia 7:28

De mɛ ke ma nɛ ɔ bui imi Yawɛ, a Mawu ɔ; a tue nɛ i gbla a hu a kase we ní kɛ ji mi. Anɔkuale laa pɛsɛpɛsɛ; munyu ‘anɔkuale’ ɔ po nɔ ko pa wui nɔ ta hu.

Yeremia 9:20

I de ke, “Nyɛ yi ɔmɛ, nyɛɛ bu Yawɛ tue, nɛ nyɛɛ ye e munyu ɔmɛ a nɔ. Nyɛɛ tsɔɔ nyɛ biyi ɔmɛ kɔmɔ yemi, kɛ nyɛ huɛmɛ ɔmɛ ya la lami.

Yeremia 9:3

Daa nɛ ɔ, a duɔ a lilɛ nya ngɔ to kaa kɛ̃ɛ̃ nɛ a dɔ mi nɛ a ma tsɛ̃. Lakpa, kɛ sisimi sɔuu ji zugba a nɔ; anɔkuale be. Yawɛ ke, “Ye ma mi bi ɔmɛ peeɔ yayami nɔtonɔto; se imi lɛɛ a li mi kaa a Mawu.”

Yeremia 9:7

Enɛ ɔmɛ a he je ɔ, Yawɛ Tabohiatsɛ ɔ ke, “Ma gbla a tue, nɛ ma ha nɛ a tsake a je mi babɛ kaa bɔ nɛ sika galɔ tsuɔ sika he ɔ. Ye ma mi bi ɔmɛ pee yayami. Anɛ nɔ́ kpa ko pa ngɛ nɛ ma pee mɛ lo?

Ezekiel 16:35

Lɔ ɔ he ɔ, Yerusalem, mo yaholɔ! Bu nɔ́ nɛ Yawɛ ngɛ mo dee ɔ tue.

Hosea 12:2

Yawɛ kɛ Yuda ma a ná. E maa gbla Israel ma a hu tue ngɛ a je mi bami he. A he yayami ɔmɛ a he ɔ, e maa gbla a tue.

Hosea 12:3

Israel bi ɔmɛ a nɛ̃, Yakob nu e nyɛminyumu hayo ɔ nɛ a tsɛɛ lɛ Esau ɔ nane seja benɛ mɛ ni enyɔ ɔmɛ a ngɛ a nyɛ muklii mi nɛ a fɔ we mɛ lolo ɔ; nɛ benɛ Yakob ba wa a, e kɛ Mawu fia atlibo.

Hosea 5:1

“Nyɛ osɔfohi, nyɛɛ bu tue! Israel ma nyɛ tã tue! Matsɛ we mi bimɛ, nyɛɛ bu tue! Nyɛ sa tue gblami! Ejakaa nyɛ pee kaa klama nɛ a tsɔ ngɛ Mizpa, kɛ yá nɛ a wo ngɛ Tabor yo ɔ nɔ,

Hosea 5:4

Yayami nɛ ma a pee ɔ ha we nɛ a nyɛ nɛ a kpale kɛ ba a Mawu ɔ ngɔ. Amaga jami ngɔ a tsui kulaa, nɛ a li Yawɛ hu.

Yoel 1:2

Nyɛ ma nimeli, nyɛɛ bu tue; nyɛ Yuda ma a tsuo, nyɛ ta tue. Anɛ nɔ́ ko kaa kikɛ nɛ ɔ ba hyɛ ngɛ nyɛ yi nɔ, aloo ngɛ nyɛ nɛmɛ a yi nɔ lo?

Amos 3:1

Nyɛ Israel bi! Nyɛ ma a tsuo nɛ Yawɛ je kɛ je Egipt zugba a nɔ ɔ, nyɛɛ bu nɔ́ nɛ Yawɛ ngɛ dee ngɛ nyɛ he ɔ tue.

Amos 7:16

Lɔ ɔ he ɔ, nyɛɛ bu nɔ́ nɛ Yawɛ ngɛ dee ɔ tue. Nyɛ ke ma kpa gbami, nɛ ma ko tu munyu kɛ si Israel ma a hu.

Mika 6:2

Nyɛ yohi, nyɛɛ bu munyuhi nɛ Yawɛ kɛ ngɛ e ma a nya poe ɔ tue! Nyɛ zugba a sisi tomihi nɛ nyɛ ngɛ daa, nyɛ ta tue! Yawɛ kɛ e ma, Israel na, nɛ e maa jaje e sane ɔ.

Yohane 8:55

Imi le lɛ, se nyɛɛ lɛɛ nyɛ li lɛ. Ke i de ke i li lɛ ɔ, lɛɛ lakpatsɛ ji mi kaa nyɛ nɔuu. Se i le lɛ, nɛ i buɔ lɛ tue.

Romabi 1:28

Jehanɛ ɔ hu, akɛnɛ nimli nɛ ɔmɛ bui a he kaa e sa mɛ kaa a leɔ Mawu ɔ, Mawu hu ngmɛɛ a he ngɔ ha juɛmi nɛ sɛ́, konɛ a pee níhi nɛ sɛ́.

1 Korintobi 15:34

Nyɛ susu nyɛ yi mi saminya nɛ nyɛ kpa yayami peemi. I ngɛ dee nɛ zo nɛ gbe nyɛ kaa nyɛ ti ni komɛ li Mawu.

Kpojemi 2:11

“Lɔ ɔ he ɔ, nɔ nɛ ngɛ tue ɔ, e bu nɔ́ nɛ mumi ɔ ngɛ asafo ɔmɛ dee ɔ tue. “Ni nɛmɛ nɛ maa ye kunimi ɔ, gbenɔ enyɔne ɔ be mɛ nae.

Kpojemi 2:29

“Lɔ ɔ he ɔ, nɔ nɛ ngɛ tue ɔ, e bu nɔ́ nɛ mumi ɔ ngɛ asafo ɔmɛ dee ɔ tue!