Hosea 3:4 - BAIBLO ALOO NGMAMI KLƆUKLƆU Ɔ

⁴ Kikɛ nɛ ɔ Israel bi hu maa hi si be babauu nɛ a be matsɛmɛ, loo hɛ mi nyɛɛli. Bɔ sami, kɛ tɛ titimahi a jami se maa po; nɛ amagahi, kɛ níhi nɛ a kɛ klaa a, ekoeko be si hie hu.

Hosea 3:4 ပူးပေါင်းရင်းမြစ်များ

Mose I, 31:19

Jamɛ a be ɔ mi ɔ, Laban ho e to ɔmɛ a he bwɔmi sami ya; nɛ benɛ e be we ɔ mi ɔ, Rahel ju e tsɛ wɔ ɔmɛ.

Mose I, 31:34

Rahel ji nɔ nɛ ju wɔ ɔmɛ; e kɛ wɔ ɔmɛ wo e we afukpɔngɔ ɔ se kotoku ɔ mi, nɛ e hi nɔ. Laban hla wɔ ɔmɛ kɛ kpa bo tsu ɔ mi tsuo, se e nɛ.

Mose I, 49:10

Yuda maa hɛɛ matsɛ tso ɔ, E nina maa ye matsɛ daa. Je ma amɛ ma tsu to ba ha lɛ, Nɛ a ma ba kpla si ngɛ e hɛ mi.

Samuel II, 6:14

David wo kploba efɔd, nɛ e do kɛ e he wami tsuo kɛ wo Yawɛ hɛ mi nyami.

Matsɛmɛ II, 23:24

Jehanɛ se hu, Matsɛ Yosia gu kpade tsɛmi, klaami, amagahi nɛ a kpɛ́, wɔhi, kɛ níhi nɛ a hiee tsuo a jami ngɛ Yerusalem kɛ Yuda ma kpa amɛ a mi. E pee nɔ́ nɛ ɔ, bɔ nɛ pee nɛ mlaa amɛ nɛ a ngma ngɛ womi ɔ nɛ osɔfo Hilkia ya na ngɛ Yawɛ we ɔ, ma a nɛ a ye nɔ.

Kronika II, 15:2

nɛ e ho nɛ e kɛ Asa ya kpe, nɛ e de lɛ ke, “Matsɛ Asa, kɛ Yuda, kɛ Benyamin bi tsuo, nyɛɛ bu mi tue! Be abɔ nɛ nyɛ pɛtɛ Yawɛ he nɛ ɔ, lɛ hu e kɛ nyɛ ngɛ. Ke nyɛ hla e se blɔ ɔ, e ma ha nɛ nyɛɛ na lɛ. Se ke nyɛ kpale ngɛ e se ɔ, lɛ hu e ma kua nyɛ.

Mose II, 28:4

Tadehi nɛ á kpɛ ɔ ji nɛ ɔmɛ nɛ: gugue tade, efɔd, tade klɔii, hiɔwe tade nɛ a lo, pɛɛ, kɛ mi mi fimi nɔ́. Á kpɛ tade klɔuklɔu nɛ ɔmɛ kɛ ha o nyɛminyumu Aaron, kɛ e binyumu ɔmɛ, konɛ a sɔmɔ mi kaa osɔfohi.

Mose II, 28:6

“Efɔd ɔ lɛɛ níhi nɛ a maa ngɔ kɛ pee lɛ ji nɛ ɔmɛ nɛ: sika tsu kpa, kpa bluu, kpa tsu, kpa nɛ hɛɛ alamua tu su, kɛ kpa kpakpa nɛ a tslɔ, nɛ a kadi ní wo mi.

Kɔmɔ Yemi 2:9

Zu ha agbo ɔmɛ a nɔ; a ku a se lami ní ɔmɛ a mi dukuduku. A nuu matsɛmɛ ɔmɛ, kɛ ganɔ ɔmɛ kɛ ho ma se ya. Nɔ ko tsɔɔ we mlaa a hu. Yawɛ je we nina kɛ ha we gbali ɔmɛ hu.

Ezekiel 19:14

La ba sɛ tso kɔni ɔmɛ a mi; e sã kɔni ɔmɛ, kɛ e yiblii ɔmɛ tsuo. La a sã tso nɛ he wa a hulɔ. Tso kpakpa nɛ maa si kaa tso nɛ a kɛ peeɔ matsɛ tso ɔ be hu. Kɔmɔ yemi la nɛ a pɔɔ lami ji nɛ ɔ nɛ.

Ezekiel 20:32

Nyɛ pee nyɛ yi mi momo ke nyɛ suɔ kaa nyɛ maa pee nyɛ he kaa je ma kpa amɛ. Nyɛ maa pee kaa nihi nɛ ngɛ zugba kpahi a nɔ nɛ a jaa tso kɛ tɛ ɔ. Dɛbi, dɛbi! E be mi bae ja kɔkɔɔkɔ.

Ezekiel 21:21

Babilonia matsɛ ɔ ma ba da si ngɛ blɔ gbla a nya, konɛ e kla kɛ hla blɔ nɛ e maa gu. E ma huanya e kɛ̃ɛ̃ mi bi ɔmɛ; e ma bi ní ngɛ amaga amɛ a ngɔ, nɛ e maa hyɛ lohwe nɛ a gbe ɔ fafali mi.

Ezekiel 21:31

Nyɛ maa nu ye abofu nɛ nya wa a he, be mi nɛ ma gli kɛ wo nyɛ kaa la nɛ ngɛ tsoe plamplam. Ma ngɔ nyɛ kɛ wo dikali nɛ le ga nɛ a kɛ kpataa nɔ hɛ mi a dɛ mi.

Daniel 11:31

Ta buli nɛ e wo blɔ ɔ ma ya sɛ Yawɛ we ɔ, kɛ mɔ ɔ mi, nɛ a ma ble lejɛ ɔ. A maa jɔɔ daa ligbi bɔ ɔmɛ sami, nɛ a maa ngɔ amaga ko nɛ he ngɛ gbeye kɛ ya ma Yawɛ we ɔ.

Daniel 12:11

“Kɛ je be nɛ a maa gu daa ligbi bɔ sami ɔ, nɛ a maa ngɔ amaga a nɛ he ngɛ gbeye ɔ kɛ ya ma Yawɛ we ɔ he nɛ ya hiɔwe pe lɛ tsuo ɔ, ligbi akpe kɛ e nya lafa enyɔ kɛ nyingmi nɛɛ maa be.

Daniel 9:27

Matsɛ nɛ ɔ kɛ nihi babauu maa so, nɛ a ma ka a he kita kɛ yaa si jeha kpaago. Se jeha kpaago ɔ kpɛti ɔ, e maa gu bɔ sami, kɛ nike ní hami. A maa ngɔ amaga ko nɛ he ngɛ gbeye kɛ ya ma Yawɛ we ɔ he nɛ ya hiɔwe pe lɛ tsuo ɔ. Nɛ e maa hi lejɛ ɔ kɛ yaa si be nɛ nɔmlɔ nɛ ble Yawɛ we ɔ kikɛ nɛ ɔ ma na e tue gblami nɛ Mawu to ngɔ ha lɛ ɔ.”

Hosea 13:10

Nyɛ bi ke a to matsɛ ha nyɛ, nɛ nyɛ bi hu ke a ha nyɛ asafoatsɛmɛ; se nimli nɛ ɔmɛ ma nyɛ ma he nyɛ yi wami lo?

Hosea 13:11

I kɛ abofu to matsɛmɛ ha nyɛ, nɛ i kɛ mi mi la kpa mɛ.

Hosea 2:11

E nyami be ɔmɛ: Nyɔhiɔhe, Hejɔɔmi, kɛ nyami be kpa amɛ tsuo a se maa po.

Mose III, 8:7

E ngɔ yi nɔ tade ɔ ngɔ wo Aaron, nɛ e kɛ mlɛ mi fimi nɔ́ fi e mlɛ mi, nɛ e wo lɛ tade klɔii ɔ. Jehanɛ e ngɔ tade nɛ a tsɛɛ efɔd ɔ ngɔ wo lɛ, nɛ e kɛ efɔd ɔ he kpa nɛ a lo lɛ saminyayoo ɔ fi efɔd ɔ nɔ.

Zakaria 10:2

Amaga amɛ de we nɔ́ ko nɛ juɛmi ngɛ mi; klaali ɔmɛ lɛɛ lakpa munyuhi sɔuu a tuɔ. Ni komɛ hu tsɔɔ nlamihi a sisi, nɛ a kɛ sisiɔ nyɛ kɛ woɔ nyɛ bua kɛkɛ. Enɛ ɔ ha nɛ ma a tsuo ngɛ lalaalo woe kaa tohi, nɛ a ngɛ nɔ́ nae, ejakaa a be hyɛlɔ.

Zakaria 13:2

Jamɛ a be ɔ, ma ha amaga amɛ a biɛ maa laa pɛsɛpɛsɛ, nɛ nɔ ko nɔ ko be mɛ kaie hu ngɛ zugba a nɔ. Ma je gbali ɔmɛ, kɛ mumi yayami ɔmɛ kɛ je zugba a nɔ.

Luka 21:24

A kɛ klaate maa gbe ni komɛ. A maa nuu ni komɛ hu nyɔguɛ kɛ ya je ma amɛ tsuo a mi, nɛ ma je li ɔmɛ maa ngɔ Yerusalem, nɛ a maa ye ma a nɔ hluu kɛ yaa si mɛ hu a be maa su.

Yohane 19:15

Se mɛɛ lɛɛ a kpa ngmlaa ke, “O kɛ lɛ nɛ ya! O kɛ lɛ nɛ ya! Sɛu lɛ!” Pilato bi mɛ ke, “Nyɛ matsɛ ɔ, ma sɛu lɛ lo?” Osɔfo nikɔtɔma amɛ he nɔ ke, “Wa be matsɛ ko kaa ja Kaisare ɔ pɛ.”

Hebribi 10:26

Amlɔ nɛ ɔ nɛ wa na le anɔkuale ɔ nɛ kɔɔ sane kpakpa a he ɔ, ke wa je blɔ ngɛ yayami pee kɛ mwɔɔ ɔ, bɔ kpa ko be nɛ a maa sã kɛ je yayami ɔ.

Manyadali 17:5

Kikɛmɛ a Mika nɛ ɔ ngɛ lɛ nitsɛ e jami he kɛ e mi amagahi nɛ a kpɛ́. E pee efɔd, nɛ e wo e binyumu ɔmɛ a ti nɔ kake osɔfo.

Manyadali 18:14

Kɛkɛ nɛ nyumu ni enuɔ ɔmɛ nɛ ya slaa Laish zugba a de a nyɛmimɛ ɔmɛ ke, “Anɛ nyɛ le kaa efɔd, kɛ amaga nɛ a kpɛ́, kɛ amaga nɛ a hlɔ nɛ a kɛ sika hiɔ ha he ngɛ we ɔ kake mi lo? Lɔ ɔ he ɔ, nyɛɛ hyɛ bɔ nɛ nyɛ maa pee ha!”

Manyadali 8:27

Gideon ngɔ ní ɔmɛ kɛ pee amaga, nɛ e kɛ to Ofra nɛ ji e ma a mi. Israel bi ɔmɛ tsuo je Mawu se, nɛ a ya ja amaga nɛ ɔ ngɛ lejɛ ɔ; nɛ nɔ́ nɛ ɔ plɛ pee klama kɛ ha Gideon kɛ e we ɔ.

Samuel I, 14:3

Osɔfo Ahiya hɛɛ efɔd ɔ. Ahiya ji Ikabod nyɛminyumu Ahitub binyumu. Ahitub ji Finehas bibi, kɛ Eli nɛ ji Yawɛ osɔfo ɔ nɛ hi Shilo ɔ bibimibi. Se ma a li kaa Yonatan je a he.

Samuel I, 15:23

Atuã tsɔmi ɔ, e ji yayami; e ngɛ kaa klaami, nɛ tue wami hu ngɛ kaa wɔ jami. Akɛnɛ o bui Yawɛ fami ɔ tue he je ɔ, lɛ hu e kua mo kaa matsɛ.”

Samuel I, 2:18

Jamɛ a be ɔ, jokuɛyo Samuel ɔ lɛɛ e ngɛ Yawɛ sɔmɔe, nɛ a kɛ kploba efɔd fi e kpɛti.

Samuel I, 21:9

Osɔfo ɔ he nɔ ke, “Goliat, Filisti no ɔ nɛ o gbe ngɛ Ela kɔ̃ ɔ mi ɔ, e klaate ɔ fɔɔ si ngɛ efɔd ɔ se nɛ a ha he bo. Ke o suɔ ɔ, ngɔɔ; ejakaa klaate kpa ko be hiɛ ɔ hu.” David de ke, “Ngɔɔ lɛ ha mi; klaate ko be nɛ hi kɛ lɛ sɔ.”

Samuel I, 22:18

Lɔ ɔ he ɔ, matsɛ ɔ de Doeg ke, “Moo gbe mɛ!” Nɛ Doeg, Edom no ɔ gbe osɔfohi nɛ a woɔ efɔd ɔ nyingmi kpaanyɔ kɛ enuɔ sɔuu jamɛ a ligbi ɔ.

Samuel I, 23:6

Benɛ Ahimelek binyumu Abiatar tu fo kɛ bu David nɔ kɛ ya Keila a, e hɛɛ efɔd ɔ kɛ ho.

Samuel I, 23:9

Benɛ David na le kaa Saul ngɛ nɔ́ yayami soe kɛ wo e he ɔ, e de osɔfo Abiatar ke, “Ngɔɔ efɔd ɔ kɛ ba hiɛ ɔ.”

Samuel I, 30:7

David de osɔfo Abiatar, Ahimelek binyumu ɔ ke, “Ngɔɔ efɔd ɔ kɛ ba ha mi.” Nɛ Abiatar ngɔ efɔd ɔ kɛ ba ha lɛ.