Hosea 3:2 - BAIBLO ALOO NGMAMI KLƆUKLƆU Ɔ

² Lɔ ɔ he ɔ, i ngɔ sika hiɔ yi nyɔngma kɛ enuɔ, kɛ ngma tsimi lafa kɛ nyingmi enuɔ kɛ kpɔ ye yo ɔ.

Hosea 3:2 ပူးပေါင်းရင်းမြစ်များ

Mose I, 31:41

Kikɛ nɛ ɔ i pee nɛ i kɛ ye jeha nyingmi enyɔ sɔuu ngɛ o ngɔ. I tsu ní jeha nyɔngma kɛ eywiɛ, nɛ i kɛ ngɔ o biyi enyɔ ɔmɛ. Jehanɛ, i hyɛ o to ɔmɛ jeha ekpa, se kɛ̃ o tsake ye hiɔwo ɔ si nyɔngma.

Mose I, 34:12

Nyɛɛ tsɔɔ mi nike ní nɛ nyɛ ngɛ hlae, konɛ yo se ní ɔ hu nyɛɛ wo he jua bɔ nɛ nyɛ suɔ. Nyɛɛ ngɔ yiheyo ɔ ngɔ ha mi nɛ ma ngɔ; nɔ́ tsuaa nɔ́ nɛ nyɛ ma bi mi ɔ, ma ha nyɛ.”

Mose II, 22:17

Se ke yomiyo ɔ tsɛ kua ke e kɛ lɛ be nyumu ɔ hae ɔ, lɛɛ bitsɛ ɔ nɛ he yo he ní peemi nya sika ngɛ nyumu ɔ nɛ puɛ e biyo ɔ dɛ.

Yesaya 5:10

Wai ngmɔ nɛ na nyɔngma ma hu ligbi kake ɔ ma ha wai yiblii bɔbɔyoo pɛ; nɛ wuhi nɛ a du ngɛ ngmɔ kpa nyɔngma mi ɔ, kpa kake pɛ nɔ yiblii a ma na ngɛ ngmɔ ɔ tsuo mi. A ma hu gbajaa nɛ a ma du ní fuu, se yiblii bɔbɔyoo pɛ a ma na kɛ maa je a dengme gbomi ɔ mi.”

Ezekiel 45:11

“Susumi nɔ́ nɛ a tsɛɛ ke efa, kɛ susumi nɔ́ nɛ a tsɛɛ ke bat ɔ, nyɛ ha nɛ a sɔ fiee; bat ɔ nyɔngma lɛ peeɔ susumi nɔ́ nɛ a tsɛɛ ke homer ɔ kake; jã kɛ̃ efa a hu nyɔngma lɛ peeɔ homer kake. Homer nɔ nyɛɛ da kɛ susu níhi.

Hosea 3:3

I de lɛ ke lɛ nɔ kake too nɛ hi si; e ko pee yakayaka; e ko ya nyɛɛ nyumu kpahi a se. Kɛkɛ ɔ, imi hu i kɛ lɛ maa hi si.

Mose III, 27:16

Ke nɔ ko gbaa e zugba mi fa ko nɛ ji e weto ní nɔ kɛ ha Yawɛ ɔ, a da ní abɔ nɛ a duɔ ngɛ zugba a mi ɔ hiɛmi nɔ, konɛ a kɛ wo he jua. Ngma nɛ maa su kilo nyingmi enyɔ ɔ, a he sika hiɔ yi nyɔngma ngɛ he.

Rut Womi 4:10

Jehanɛ se ɔ, Rut, Moab yo ɔ, nɛ ji Malon yalɔyo ɔ, ba peeɔ ye yo. Enɛ ɔ he je ɔ, gbosi ní ɔ hu maa hi Malon weku ɔ dɛ, bɔ nɛ pee nɛ Elimelek biɛ ko laa ngɛ e nyɛmimɛ ɔmɛ a kpɛti ngɛ e ma a mi. Nɔ́ nɛ nyɛ na mwɔnɛ ɔ, nyɛ ma nyɛ maa ye he odase hwɔɔ se.”

Samuel I, 18:25

Saul fa mɛ ke a ya de David ke, “Matsɛ ɔ hla we yo se ní kpa ko pe Filisti bi a mɔmlɔtɔ lafa kɛkɛ nɛ e kɛ ye he nyɛli ɔmɛ a he lue.” Saul to kikɛmɛ a ga nɛ ɔ bɔ nɛ pee nɛ Filisti bi ɔmɛ a nine nɛ su David nɔ nɛ a gbe lɛ.