Hosea 3:1 - BAIBLO ALOO NGMAMI KLƆUKLƆU Ɔ

¹ Yawɛ de mi ekohu ke, “Yaa nɛ o ya hla yo gba puɛlɔ, nɛ o suɔ lɛ, kaa bɔ nɛ imi hu i suɔ ye ma Israel ɔ. Ye ma Israel kua mi; a ya ngɛ mawu kpahi a se nyɛɛe, nɛ a kɛ wai yiblii gbigbli sãã bɔ kɛ haa mɛ lɛɛ, se kɛ̃, i suɔ mɛ.”

Hosea 3:1 ပူးပေါင်းရင်းမြစ်များ

Samuel II, 6:19

David dla niye ní ha Israel ma kpekpemi ɔ, nyumuhi kɛ yihi tsuo. Nɔ tsuaa nɔ ná abolo bɔbɔɛ kake, kɛ lo nɛ a sã kpɔ kake, kɛ wai yiblii gbigbli nɛ a kɛ si tatale. Lɔ ɔ se ɔ, a je kɛ ho a wehi a mi ya.

Matsɛmɛ II, 13:23

se kɛ̃ ɔ, Yawɛ dloomi kɛ e mɔbɔ nami ngɛ a nɔ. Somi ɔ nɛ Yawɛ kɛ Abraham, kɛ Isak, kɛ Yakob so ɔ he je ɔ, e piɛ a he, nɛ e ha we nɛ a hɛ mi nɛ kpata; nɛ kɛ ba si mwɔnɛ ɔ hu e hɛ ji e ma a nɔ.

Kronika I, 16:3

nɛ e dla ní ha ma kpekpemi ɔ, nyumuhi kɛ yihi tsuo. Nɔ tsuaa nɔ ná abolo bɔbɔɛ kake, lo nɛ a sã kpɔ kake, kɛ wai yiblii gbigbli nɛ a kɛ si tatale.

Nehemia 9:31

O kua we mɛ; o na mɛ mɔbɔ, nɛ o kpataa we a hɛ mi hulɔ. Ejakaa Mawu mɔbɔ nalɔ kɛ dloolɔ ji mo!

La 123:2

O nɛ, bɔ nɛ tsɔli hyɛɛ a nyɔmtsɛ blɔ, nɛ mawayo hu hyɛɛ e wenyɛ blɔ ɔ, ja nɔuu wɔ hu wa ngɛ Yawɛ, wa Mawu ɔ blɔ hyɛe kɛ yaa su be nɛ e maa na wɔ mɔbɔ.

Mose II, 32:6

E nɔ jena makɛ mla a, ma a te si nɛ a sã sami bɔhi, nɛ a kɛ tue mi jɔmi bɔhi hu ba. Ma a pue si, nɛ a ye ní, nɛ a nu ní; nɛ lɔ ɔ se ɔ, a fiɛ yo kɛ nyumu yakayaka fiɛmihi.

Lahi 2:5

Nyɛ ha mi wai yiblii gbigbli nɛ ma ye, konɛ ma na he wami. Nyɛ ha mi tso yiblii nɛ ngɔɔ saminya nɛ ma kɛ jɔɔ ye tsui he; ejakaa suɔmi ɔ ngɛ mi gbee.

Yesaya 45:22

“Nyɛ nimli tsuo ngɛ je ɔ mi, nyɛɛ kpale kɛ ba ye ngɔ jehanɛ, konɛ a he nyɛ yi wami! Ejakaa imi nɔ kake too ji Mawu; Mawu kpa ko be.

Yeremia 3:20

Se kaa bɔ nɛ yogbayo jeɔ e huno se nɛ e kɛ nyumu kpahi ya naa bɔmi ɔ, jã kɛ̃ lɛ mo hu o yi mi anɔkuale. Imi, Yawɛ lɛ i de.”

Yeremia 31:20

“Israel, mo ji ye bi nɛ i suɔ saminya; mo ji bi nɛ i suɔ pe bimɛ ɔmɛ tsuo. Be tsuaa be nɛ ma de nɔ́ ko kɛ si mo ɔ, ja i kɛ suɔmi kai mo kɛ̃. Ye hɛ jaa ngɛ o he, lɔ ɔ he ɔ, ma na mo mɔbɔ kɛ̃.

Hosea 11:8

“Israel ma, kɛ maa pee kɛɛ nɛ ma ngmɛɛ nyɛ he? Kɛ maa pee kɛɛ nɛ ma kua nyɛ? Kɛ maa pee kɛɛ nɛ ma kpata nyɛ hɛ mi kaa bɔ nɛ i pee Adma a? Kɛ maa pee kɛɛ nɛ ma wa nyɛ yi mi kaa bɔ nɛ i pee Zeboyim ɔ? Ye tsui be mi blɔ ngmɛe kaa ma pee jã! Suɔmi nɛ i ngɛ kɛ ha nyɛ ɔ nya wa tsɔ!

Hosea 4:11

Yawɛ ke, “Wai he, kɛ wai momo ha nɛ ye ma a ngɛ biɛe! A je ye se kulaa!

Hosea 7:5

Ke matsɛ ɔ ngɛ e fɔmi ligbi yee ɔ, e kɛ e ma nimeli ɔmɛ nuɔ dã nɛ a deɔ, kɛkɛ a bɔni biɛmi.

Amos 2:8

Ngɛ nyɛ jami he ɔmɛ tsuo ɔ, bohi nɛ ohiatsɛmɛ kɛ ba toɔ nyɛ awaba a, jamɛ a bo ɔmɛ a nɔ nyɛ hwɔɔ. Dã nɛ nyɛ nuɔ ngɛ imi Mawu, ye we ɔ ji dã nɛ nyɛ heɔ ngɛ nihi nɛ nyɛ bu mɛ fɔ ɔ a dɛ.”

Amos 6:6

Nyɛ nuɔ dã bami ngɛ tsimi agboagbohi a mi, nɛ nyɛ kpaa nu je via kpakpahi. Se nyɛ yi kɔmɔ kaa a ma kpata Israel hɛ mi.

Mika 7:7

Se imi lɛɛ, ma hyɛ Yawɛ blɔ. I kɛ ye hɛ maa fɔ Mawu nɔ, ejakaa lɛ ji nɔ nɛ ma he ye yi wami. Ye Mawu ɔ maa bu mi tue.

Zakaria 1:16

Lɔ ɔ he ɔ, i kpale kɛ ba Yerusalem, konɛ ma ba na ma a mɔbɔ. A maa ma ye sɔlemi we ɔ ekohu, nɛ a ma dla maa fia Yerusalem ma a hulɔ.”

Mateo 26:50

Yesu de lɛ ke, “Huɛ, nɔ́ nɛ o ma peemi ɔ, pee esɔ!” Kɛkɛ nɛ ni ɔmɛ ba yu Yesu nɔ, nɛ a nu lɛ pani nya.

1 Korintobi 10:21

Nyɛ be nyɛe maa nu Nyɔmtsɛ ɔ kplu ɔ, nɛ́ nyɛ ma ya nu mumi yayamihi hu a kplu. Nyɛ be nyɛe maa ye ní ngɛ Nyɔmtsɛ ɔ we okplɔɔ ɔ he, nɛ nyɛɛ kɛ mumi yayamihi hu ma ya ye ní.

1 Korintobi 10:7

Nyɛ ko ja amaga kaa bɔ nɛ a ti ni komɛ pee ɔ. Kaa bɔ nɛ ngmami ɔ deɔ ɔ, “Ma a pue si, nɛ a ye ní, nɛ a nu ní, nɛ a fiɛ yakayaka fiɛmihi.”

1 Petro 4:3

Sa a, nyɛ puɛ be babauu kɛ pee níhi nɛ ma je li suɔ peemi, yahomi, akɔnɔ níhi a se dimi, dã demi, fiɛmi sakasaka, jiklɔɔ peemi, kɛ wɔ jami ní kpɔtɔkpɔtɔ peemi.

Manyadali 10:16

Lɔ ɔ he ɔ, a je mawu kpa amɛ kɛ je a kpɛti, nɛ a sɔmɔ Yawɛ. Amanehlu nɛ Israel bi ɔmɛ ngɛ nae ɔ hao Yawɛ.

Manyadali 9:27

A ya nga a nɔ nɛ a ya kplɔ wai yiblii ngɛ wai ngmɔ ɔmɛ a mi kɛ ba pee dã; nɛ a fiɛ nɛ a na bua jɔmi saminya. Lɔ ɔ se ɔ, a ya ye ní nɛ a nu dã ngɛ a mawu ɔ we ɔ; nɛ a jɛ Abimelek saminya ngɛ lejɛ ɔ.