Hosea 2:9 - BAIBLO ALOO NGMAMI KLƆUKLƆU Ɔ

⁹ Lɔ ɔ he ɔ, ke ní kpami be su ɔ, blɛfo be bae, nɛ wai hu se maa po. Kploba kɛ kuutu nɛ e kɛ maa ha e he hu ma bɔ lɛ.

Hosea 2:9 ပူးပေါင်းရင်းမြစ်များ

Malaki 3:18

Jamɛ a be ɔ mi ɔ, ye ma a maa na slɔɔto nɛ ngɛ dalɔ kɛ yayami peelɔ a kpɛti; nyɛ maa na slɔɔto nɛ ngɛ nɔmlɔ nɛ sɔmɔɔ mi, kɛ nɔ nɛ sɔmɔ we mi ɔ a kpɛti.” Yawɛ Tabohiatsɛ ɔ lɛ de.

Malaki 1:4

Ke Esau nina Edom bi ma de ke, “A ywia wa ma amɛ lɛɛ, se wa maa ma mɛ ekohu” ɔ, Yawɛ Tabohiatsɛ ɔ ma he nɔ ke, “Ha nɛ a dla nɛ a ma; ke a ma a, ma ku ngɔ pue si ekohu kɛ yaa si a maa wo mɛ biɛ ke ‘Zugba nɛ a peeɔ yi wu tso ní ngɛ nɔ, kɛ ma nɛ Yawɛ mi mi fu mɛ kɛ yaa neneene.’ ”

Hosea 2:3

Ke pi ja a, ma kpa bo ngɛ e he, nɛ e he maa fɔ si paslapaa kaa bɔ nɛ a fɔ lɛ ɔ. Ma ha e maa pee kaa zugba gbigbli nɛ bɛ ní; nɛ nyu kuma maa gbe lɛ.

Zefania 1:13

A maa ha a níhi, nɛ a we ɔmɛ maa pee we dokuhi. Wehi nɛ a ngɛ poe ɔ, a be a mi hie, nɛ wai ngmɔhi nɛ a ngɛ hue ɔ, a be a mi dã nue.”

Yoel 2:14

Alini, Yawɛ, nyɛ Mawu ɔ, ma tsake e susumi ngɛ nyɛ he, nɛ e maa gbaa nyɛ kɛ niba ní babauu. Ke e ba mi ja a, nyɛ maa sã niye ní bɔ ha lɛ, nɛ nyɛ maa ngɔ wai kɛ piɛ he.

Hosea 9:2

Ngma gbeemi he, kɛ wai muɔ mi ní be nyɛ nya sue. Wai he hu ma bɔ nyɛ.

Hosea 8:7

Ejakaa ke a du kɔɔhiɔ ɔ, a ma kpa lasiogblee! Blɛfo ngmɔ nɛ wui ní ɔ, a be mamu nae kɛ je mi. Ke e wo yiblii po nibwɔhi ma ba ye lɛ tsuo.

Daniel 11:13

“Siria matsɛ ɔ maa kpale e se; nɛ e ma ya bua tabohi babauu nɛ a hiɛ pe kekle ni ɔmɛ a nya. Jeha komɛ a se ɔ, Siria matsɛ ɔ maa kpale ba kɛ ta buli babauu nɛ a he hiɛ pe kekle ni ɔmɛ po. A kɛ ta níhi babauu hu maa ba.

Ezekiel 23:26

A ma kplɔ o he tade, nɛ a maa ngɔ o june saminyawiiwi ɔmɛ.

Ezekiel 16:39

Ma ngɔ mo ngɔ wo ni ɔmɛ a dɛ mi; nɛ a maa ku o jami he ɔmɛ. A ma kpa o he bo tsuo; a maa ngɔ o june saminyawiiwi ɔmɛ, nɛ o maa hɛɛ o he gu saplapaa.

Ezekiel 16:27

“Lɔ ɔ he ɔ, i kɛ ye he wami gbla o tue, nɛ i po o niye ní ɔ nɔ. I ngɔ mo kɛ wo o he nyɛli Filisti bi ɔmɛ a dɛ mi. Ahlua ní kpɔtɔɔ nɛ o ngɛ pee ɔ, pee Filisti bi ɔmɛ tete po zo.