Hosea 2:8 - BAIBLO ALOO NGMAMI KLƆUKLƆU Ɔ

⁸ E li tete kaa ngma, dã, kɛ nu ɔ, imi lɛ i ha lɛ. Jehanɛ, sika hiɔ, kɛ sika tsu ní nɛ a kɛ jaa Baal ɔ, e li kaa imi lɛ i kɛ dloo lɛ.

Hosea 2:8 ပူးပေါင်းရင်းမြစ်များ

Kronika I, 29:16

Yawɛ, wa Mawu lee, níhi babauu nɛ wa ngɔ kɛ ba nɛ a kɛ po we ha mo, konɛ a kɛ wo o biɛ klɔuklɔu ɔ hɛ mi nyami ɔ, o dɛ mi a je, o níhi ji tsuo kulaa.

Hiob 19:8

Mawu tsi mi blɔ nɛ i nyɛ we ma be; e ha nɛ diblii wo ngɛ ye blɔ nɔ.

Yesaya 1:3

Nahi le a tsɛ, nɛ tejihi hu le he nɛ a nɔ hyɛlɔ haa mɛ ní ngɛ. Se imi nitsɛ ye ma Israel ɔ, mɛɛ lɛɛ a li nɔ́ ko nɔ́ ko; a juɛmi bɛ he.”

Yesaya 46:6

Nihi jeɔ sika tsu babauu kɛ jee a kotoku mi, nɛ a ngmɛɛ sika hiɔ ngɛ sɛni tɛ nɔ. A bɔɔ sika tsu galɔ apaa, nɛ e kɛ peeɔ amaga ha mɛ; kɛkɛ ɔ, a kplaa si nɛ a jaa amaga a!

Yeremia 7:18

Bimɛ lɛɔ lɛ́, nɛ tsɛmɛ slɛɔ la, nɛ nyɛmɛ pɔtɔɔ ma nɛ a kɛ sãã abolo kɛ haa yo mawu ɔ nɛ a tsɛɛ Hiɔwemanyɛ ɔ. Jehanɛ se hu, a kɛ wai sãã bɔ kɛ haa mawu kpahi, konɛ a kɛ wo ye mi mi la.

Ezekiel 23:41

A maa hi sɛ saminyayoo nɔ; a maa ngɔ okplɔɔ kɛ e nɔ ní kpakpahi kɛ ya ma si ngɛ a hɛ mi. Tsopa kɛ e he via, kɛ oliv nu nɛ i ha mɛ ɔ hu piɛ he.

Daniel 3:1

Be ko ɔ, Matsɛ Nebukadnezar ha nɛ a pee sika tsu amaga ko; amaga a hiɔwe yami ji gugue nyɔngma kɛ enuɔ, nɛ e blimi ji gugue kake kɛ fa. Nebukadnezar ha nɛ a kɛ amaga a ya ma Dura nga kplanaa a nɔ, ngɛ Babilon kpokpa a nɔ.

Daniel 5:23

O bui Nyɔmtsɛ ɔ nɛ ngɛ hiɔwe ɔ fɛɛ. Kplu ɔmɛ nɛ a ya muɔ ngɛ e we ɔ, o ya ngɔ kɛ ba hiɛ ɔ. O ma nimeli ɔmɛ, o yi ɔmɛ, kɛ o plã amɛ nu dã ngɛ kplu ɔmɛ a mi, nɛ nyɛ je mawuhi nɛ a kɛ sika tsu, sika hiɔ, akɔblee, dade, tso, kɛ tɛ pee ɔ a yi. Mawuhi nɛ a hyɛ we nɔ́, nɛ a nui nɔ́, nɛ a li nɔ́ ko nɔ́ ko ɔ, nyɛ je a yi. Se Mawu ɔ nɛ ngɛ he wami ngɛ o nɔ́ tsuaa nɔ́ nɔ, nɔ nɛ ke e de ke o gbo, kɛkɛ nɛ o ma gbo, aloo ke e ke o hi je mi, nɛ o yi ma na wami ɔ, jamɛ a Mawu ɔ lɛɛ nyɛ wui e hɛ mi nyami.

Hosea 10:1

Israel ma a ngɛ kaa wai tso nɛ wo yiblii babauu. Ke a ná ní ɔ, kɛkɛ a puɛ bɔ sami la tɛhi fuu. Titimahi nɛ a puɛ nɛ a jaa a, a dlaa a he nɛ a he peeɔ fɛu.

Hosea 13:1

Be ko nɛ be ɔ, ke Efraim wɛtso ɔ de nɔ́ ko ɔ, Israel wɛtso kpa amɛ yee gbeye; ejakaa a buu Efraim saminya. Se ma a pee yayami kaa a ya ja Baal; lɔ ɔ he ɔ, a ma gbo.

Hosea 13:2

A ngɛ yayami pee kɛ mwɔɔ. A ngɛ amagahi jae. Se amaga nɛ ɔmɛ ɔ, nimli a juɛmi kɛ a nine nya ní tsumi nɛ a kɛ sika hiɔ pee ji mɛ. Amagahi nɛ a ngɛ kaa na bi ɔ, ní nɛ ɔmɛ nyɛ ke a sã bɔ ha lo? Kɛ nimli adesahi maa pee kɛɛ nɛ a ma fiɔ ní nɛ ɔmɛ a nya he?

Hosea 4:11

Yawɛ ke, “Wai he, kɛ wai momo ha nɛ ye ma a ngɛ biɛe! A je ye se kulaa!

Hosea 8:4

“Ye ma a wo matsɛmɛ nɛ i li he nɔ́ ko. A hla ma nimeli hu nɛ a bi we mi gbi. A ngɔ sika hiɔ, kɛ sika tsu kɛ puɛ amagahi nɛ ma kpata mɛ nitsɛmɛ a hɛ mi.

Habakuk 1:16

A jaa a ya amɛ, nɛ a sãã bɔhi haa mɛ, ejakaa a ya amɛ haa mɛ ní kpakpahi.

Luka 15:13

Be bɔɔ se ɔ, jokuɛyo ɔ jua e blɔ fami nɔ́ ɔ tsuo, nɛ e kɛ sika a doma kɛ ho ma se he ko lokoo ya. Lejɛ ɔ e kɛ je mi bami yaya ya kpata e sika a hɛ mi ngɛ.

Romabi 1:28

Jehanɛ ɔ hu, akɛnɛ nimli nɛ ɔmɛ bui a he kaa e sa mɛ kaa a leɔ Mawu ɔ, Mawu hu ngmɛɛ a he ngɔ ha juɛmi nɛ sɛ́, konɛ a pee níhi nɛ sɛ́.

Mose V, 8:18

Nyɛ kai kaa Yawɛ, nyɛ Mawu ɔ ji nɔ nɛ haa nyɛ he wami nɛ nyɛ kɛ naa ní. E ngɛ enɛ ɔmɛ pee, ejakaa e ngɛ anɔkuale yee kɛ mwɔɔ ngɛ somi nɛ e kɛ nyɛ nɛmɛ ɔmɛ so ɔ he.

Manyadali 9:27

A ya nga a nɔ nɛ a ya kplɔ wai yiblii ngɛ wai ngmɔ ɔmɛ a mi kɛ ba pee dã; nɛ a fiɛ nɛ a na bua jɔmi saminya. Lɔ ɔ se ɔ, a ya ye ní nɛ a nu dã ngɛ a mawu ɔ we ɔ; nɛ a jɛ Abimelek saminya ngɛ lejɛ ɔ.