Hosea 2:18 - BAIBLO ALOO NGMAMI KLƆUKLƆU Ɔ

¹⁸ Jamɛ a be ɔ, i kɛ nga mi lohwe awi yeli, kɛ lohwe pɛlitsɛmɛ tsuo maa so, nɛ a be ye ma a awi yee hu. Ma ha klaate, kɛ̃ɛ̃, kɛ ta hwumi ní kpahi tsuo a se maa po ngɛ zugba a nɔ, nɛ ye ma a maa hi si ngɛ tue mi jɔmi, kɛ he jɔmi mi.

Hosea 2:18 ပူးပေါင်းရင်းမြစ်များ

Hiob 5:22

Hɛ mi kpatami kɛ hwɔ a he maa pee mo muɔ, nɛ o be pu mi lohwehi hu gbeye yee.

Hiob 5:23

Ejakaa ngmɔhi nɛ o ma hu ɔ, tɛ be a nɔ hie; pu mi lohwehi hu be mo haoe.

La 148:10

nga mi lohwehi, kɛ we mi lohwehi tsuo, lohwehi nɛ sãã si, kɛ lohwe pɛlitsɛmɛ, nyɛ je e yi!

La 23:2

E haa nɛ i jɔɔ ye he ngɛ nga mumu nɔ, nɛ e ngɔɔ mi kɛ yaa takuhi kɛ a mi nyu jɔjɔɛ he.

La 46:9

E haa ta se poɔ ngɛ je ɔ mi tsuo; e kuɔ kɛ̃ɛ̃hi, kɛ akplɔhi a mi, nɛ e kɛ la sãã ta zugba lɛhi!

Yesaya 2:11

Be ma nɛ nɔmlɔ adesa he tsɔɔmi, kɛ e he nɔ womi tsuo a se maa po. Kɛkɛ ɔ, a ma wo Yawɛ pɛ nɔ gojoo.

Yesaya 2:17

Nɔmlɔ adesa he tsɔɔmi, kɛ e he nɔ womi tsuo se maa po. Amagahi a se maa po kulaa; nɛ jamɛ a be ɔ, Yawɛ pɛ nɔ a ma wo gojoo.

Yesaya 2:4

Yawɛ maa hyɛ je ma amɛ a kpɛti sanehi a mi ha mɛ. E ma dla nihi babauu a kpɛti. A kɛ a ta hwumi klaate ɔmɛ maa sɔ kpakplaahi, nɛ a kɛ a we akplɔ ɔmɛ maa pee tso he suami hahi. Je ma ko je ma ko be ta hwue kɔkɔɔkɔ; a be a he dlae kɛ ha ta gblegbleegble hu.

Yesaya 26:1

Be ma nɛ ma a ma la la nɛ ɔ ngɛ Yuda zugba a nɔ: Wa ngɛ ma nɛ he wa! Mawu nitsɛ lɛ buu ma a gbogbo ɔmɛ a he!

Yesaya 32:18

Haomi ko haomi ko be ye ma a nya gbae, nɛ tue mi jɔmi kɛ he jɔmi maa hi a we ɔmɛ a mi.

Yesaya 54:5

O bɔlɔ ɔ ma ba pee o huno. E biɛ ji Yawɛ Tabohiatsɛ. Israel Mawu Klɔuklɔu ɔ ma he o yi wami; lɛ ji je ɔ tsuo Mawu.

Yesaya 65:25

Ogbetee kɛ jijɔ ma bla kɛ ye ní; jata ma kpe nga kaa na; nɛ sinɔ lɛɛ zu e maa ye. Nɔ ko be e nyɛmi awi yee, nɛ nɔ ko be e nyɛmi hɛ mi kpatae ngɛ ye yo klɔuklɔu ɔ nɔ. Imi, Yawɛ lɛ i de.”

Yeremia 23:6

E yi nɔ ɔ, a ma he Yuda yi wami, nɛ tue mi jɔmi maa ba Israel. A ma tsɛ lɛ ke ‘Yawɛ ji wa yi wami hemi.’ ”

Yeremia 30:10

“Ye ma, nyɛ ko ye gbeye; Israel ma, nyɛ tsui nɛ ko po. Ma kpɔ nyɛ kɛ je zugba nɔ, he nɛ a nuu nyɛ kɛ ho ngɛ tsitsaa lokoo ɔ. Nyɛ maa kpale kɛ ba we, nɛ nyɛ ma ba hi si ngɛ tue mi jɔmi mi; nyɛ he mi maa jɔ nyɛ, nɛ nɔ ko nɔ ko be nyɛ he gbeye woe.

Yeremia 33:16

E yi nɔ ɔ, a ma he Yuda yi wami, nɛ tue mi jɔmi maa ba Israel. Nɛ biɛ nɛ a kɛ ma tsɛ lɛ ji, ‘Yawɛ ji wa dami.’

Ezekiel 34:25

I kɛ mɛ maa so tue mi jɔmi somi. Ma fie lohwe awi yeli tsuo kɛ je zugba a nɔ, konɛ a hi si ngɛ nga a nɔ ngɛ tue mi jɔmi mi, nɛ a hwɔ mahe fuaa.

Ezekiel 39:1

Nyɔmtsɛ Yawɛ de mi ke, “Nɔmlɔ adesa, gbaa kɛ si Gog, ganɔ ngua nɛ yeɔ Meshek kɛ Tubal je ma amɛ a nɔ ɔ, nɛ o de lɛ ke, i kɛ lɛ ná.

Zakaria 14:4

Jamɛ a be ɔ, Yawɛ maa da si ngɛ Oliv yo ɔ nɔ ngɛ Yerusalem beleku je. Kɛkɛ ɔ, kɔ̃ agbo ko ma gba Oliv yo ɔ mi enyɔ kɛ maa je beleku je kɛ yaa si bonyoku je. Yo ɔ kasa fa ma ya je omleyi je, nɛ kasa fa hu ma ya je leneyi je.

Zakaria 14:9

Nɛ Yawɛ maa ye tsɛ ngɛ je ɔ mi he tsuaa he. Nɔ tsuaa nɔ ma ja Mawu kake too ɔ, nɛ e biɛ pɛ a ma tsɛ.

Zakaria 2:11

Jamɛ a be ɔ, je mahi babauu maa ngɔ a he kɛ ba mɛtɛ Yawɛ he. E kɛ mɛ maa hi si, nɛ nyɛ maa le kaa lɛ nɛ e tsɔ mi nyɛ ngɔ.

Zakaria 3:10

Jamɛ a be ɔ, nyɛ maa kpee nyɛ sibi kɛ ba nyɛ wai ngmɔ ɔmɛ a mi, kɛ nyɛ ngmɔkɔ tso ɔmɛ a sisi. Yawɛ lɛ de.”

Zakaria 9:10

Yawɛ ke, “Ma jé ta zugba lɛ ɔmɛ kɛ je Israel, nɛ ta okpɔngɔhi be Yerusalem hie hu. Kɛ̃ɛ̃hi nɛ a kɛ hwuɔ ta a, ma ku a mi. O matsɛ ɔ ma ha tue mi jɔmi maa ba je ma amɛ a kpɛti. E maa ye tsɛ kɛ maa je wo kpo kɛ yaa su wo kpo; e maa ye tsɛ kɛ maa je Yufrate pa a nya kɛ yaa su zugba a nyagbe he ɔmɛ tɔɔ.”