Hosea 2:12 - BAIBLO ALOO NGMAMI KLƆUKLƆU Ɔ

¹² E wai ngmɔ ɔmɛ, kɛ ngmɔkɔ ɔ nɛ e ke e pla amɛ lɛ a pee kɛ wo lɛ hiɔ ɔ; ee, ma kpata ní nɛ ɔmɛ tsuo a hɛ mi. Ngmɔ ɔ maa hɛ kaa hue, nɛ nga mi lohwehi maa ye e mi ní ɔ.

Hosea 2:12 ပူးပေါင်းရင်းမြစ်များ

La 80:12

Mɛni he je mɔ lɛ o gbɛ piɛ ɔ ngɛ e he? Amlɔ nɛ ɔ, nɔ tsuaa nɔ nɛ bee ngɛ lejɛ ɔ gbaa ya tsɔɔ wai yiblii ɔ eko.

Yesaya 29:17

Kaa bɔ nɛ a deɔ ɔ, e be kɛe kulaa nɛ Lebanon hue tso ɔ ma plɛ pee ngmɔ kpakpa, nɛ zugba nɛ baa ní saminya a ma plɛ pee hue tso ekohu.

Yesaya 5:5

“Bɔ nɛ ma pee ye wai ngmɔ ɔ ji nɛ ɔ nɛ: ma je piɛ ɔ, nɛ́ nga mi lohwehi nɛ ba ye wai yiblii ɔ; ma ku gbogbo nɛ bɔle lɛ ɔ, nɛ a ba naa nɔ.

Yesaya 7:23

“Jamɛ a be ɔ, hehi tsuo nɛ wai tso akpe hi sa a, nɛ a he jua peeɔ sika hiɔ yi akpe ɔ, lejɛ ɔ tsuo ma plɛ pee pú, kɛ mio tsohi sɔuu.

Yeremia 13:26

Yawɛ nitsɛ ma kpa nyɛ he bo, nɛ nyɛ we ahlua maa je kpo.

Yeremia 26:18

“Yuda matsɛ, Hezekia yi nɔ ɔ, gbalɔ Mika nɛ je Moreshet ɔ de Yuda ma a tsuo ke, ‘A ma hu Zion kaa a huɔ ngmɔ. Yerusalem ma hyi tɔ kɛ ní kokoehi nɛ a bua nya glekugleku, nɛ yoku ɔ nɔ he nɛ we ɔ maa si ngɛ ɔ ma plɛ pee hue.’

Yeremia 5:17

A maa ye nyɛ ngmɔ niba ní ɔmɛ, kɛ nyɛ niye ní ɔmɛ tsuatsuaatsua; a maa gbe nyɛ binyumu ɔmɛ, kɛ nyɛ biyi ɔmɛ. A ma tsɔtslɔɔ nyɛ to ɔmɛ, kɛ nyɛ na amɛ, nɛ a ma kpata nyɛ wai, kɛ nyɛ ngmɔkɔ ɔmɛ a hɛ mi. Nyɛ mahi nɛ a fia gbogbo ngɔ wo a he, nɛ nyɛ ngɔ nyɛ hɛ kɛ fɔ a nɔ ɔ, he nyɛli ɔmɛ a tabo ɔmɛ ma kpata jamɛ a ma amɛ a hɛ mi.

Yeremia 8:13

“I ka kaa ma bua ye ma a nya kaa bɔ nɛ ngmɔ hulɔ buaa e ngmɔ niba ní nya a; se e hí peemi. Ye ma a ngɛ kaa wai tso nɛ wai yiblii be nɔ. A ngɛ kaa ngmɔkɔ tso nɛ ngmɔkɔ be nɔ; ba amɛ tete po ngla. Enɛ ɔ he je ɔ, i ha nɛ nibwɔhi ba ngɔ a zugba a.”

Hosea 13:8

Ma ba tua nyɛ kaa osisiblisi nɛ a nu e bimɛ. Ma fɛ nyɛ mi, nɛ ma ye lo ɔ ngɛ lejɛ ɔ nɔuu kaa jata; ma tsɔtslɔɔ nyɛ mi kaa bɔ nɛ lohwe dikalɔ peeɔ ɔ.

Hosea 5:14

Imi Yawɛ, ma tsɔtslɔɔ Israel kɛ Yuda a mi ngɔ pue si kaa jata peeɔ nɔ́. Ma ngɔ mɛ kɛ ho; nɛ nɔ ko nɔ ko be nyɛe ma kpɔ mɛ ngɛ ye dɛ.

Hosea 9:1

Israel ma, nyɛ kpa nyami kaa bɔ nɛ je ma amɛ peeɔ ɔ. Nyɛ je nyɛ Mawu ɔ se, nɛ nyɛ yi lɛ anɔkuale. Nyɛ ngɔ nyɛ he ya mɛtɛ mawu ɔ nɛ a tsɛɛ lɛ Baal ɔ he ngɛ zugba a nɔ tsuo kaa yaholi. Ke blɛfo nya je ɔ, nyɛ ya sãã bɔ ha lɛ, nɛ nyɛ naa lɛ si.

Mika 3:12

Lɔ ɔ he ɔ, nyɛ he ɔ, a maa pee Zion kaa ngmɔ nɛ a hu. Yerusalem maa pee ma doku, nɛ yo ɔ nɔ he nɛ Yawɛ we ɔ maa si ngɛ ɔ maa hɛ, nɛ e maa pee pú.