Jehanɛ, Yeroboam ngɔ nyɔhiɔ kpaanyɔne ɔ we ligbi nɛ ji nyɔngma kɛ enuɔ ɔ ngɔ pee nyami ligbi kaa bɔ nɛ e ngɛ ngɛ Yuda a. E ya sãã bɔ ngɛ bɔ sami la tɛ ɔ nɔ ngɛ Betel kɛ haa sika tsu na bi ɔmɛ nɛ e puɛ ɔ. E ngɔ osɔfo ɔmɛ hu ya to jami he ɔmɛ nɛ e ma ngɛ Betel ɔ.
Bɔ nɛ imi Yawɛ Tabohiatsɛ, Israel Mawu ɔ, i ngɛ dee ji ma ha nɛ nyami, kɛ bua jɔmi, kɛ ayɛflo he ní peemi hoo ɔ se maa po. Nyɛ maa na nɔ́ nɛ ɔ paa kɛ nyɛ nitsɛmɛ nyɛ hɛngmɛ ngɛ nyɛ wami be mi.
Kikɛ nɛ ɔ Israel bi hu maa hi si be babauu nɛ a be matsɛmɛ, loo hɛ mi nyɛɛli. Bɔ sami, kɛ tɛ titimahi a jami se maa po; nɛ amagahi, kɛ níhi nɛ a kɛ klaa a, ekoeko be si hie hu.
Yawɛ ke, “Kusumihi nɛ nyɛ peeɔ, kɛ gua pɔtɛɛhi nɛ nyɛ bɔɔ ngɛ nyɛ nyami ligbi ɔmɛ a nɔ, nɛ nyɛɛ kɛ woɔ ye hɛ mi nyami ɔ, i hiee, nɛ i na we a he bua jɔmi.
Jamɛ a ligbi ɔ, yi ɔmɛ nɛ a hii lae ngɛ matsɛ we ɔ mi ɔ ma nya awe mohu. A ma sake ni gbogboehi babauu kɛ fɔ he tsuaa he dii, nɛ a be nɔ́ ko nɔ́ ko he nue.”
Nyɛ biɔ nyɛ sibi ke, “Mɛni be Nyɔhiɔhe nyami be ɔ maa ta nɛ waa jua blɛfo? Mɛni be Hejɔɔmi ligbi ɔ maa be, nɛ wa bɔni ngma juami ekohu?” Nyɛ yaa nɔ nɛ nyɛ deɔ ke, “Wa ma tsake wa sɛni tɛ ɔmɛ, kɛ ní juami ní kpa amɛ, nɛ wa maa sisi ni nɛmɛ nɛ waa kɛ mɛ yeɔ jua a.