Hosea 2:1 - BAIBLO ALOO NGMAMI KLƆUKLƆU Ɔ

¹ Lɔ ɔ he ɔ, nyɛ tsɛ nyɛ nyɛmimɛ Israel bi ɔmɛ ke, “Mawu ma”, kɛ “Nihi nɛ Nyɔmtsɛ suɔ mɛ.”

Hosea 2:1 ပူးပေါင်းရင်းမြစ်များ

Mose I, 22:17

imi hu ma gbaa mo, nɛ ma ha o nina maa hiɛ babauu kaa dodoehi ngɛ hiɔwe, loo wo nya zia. O nina maa ye a he nyɛli a nɔ.

Yeremia 31:33

Se somi he ɔ nɛ i kɛ Israel ma a maa so jehanɛ ɔ, bɔ nɛ lɛɛ e maa hi ji nɛ ɔ nɛ; ma ngɔ ye mlaa kɛ wo a mi, nɛ ma ngma ngɛ a tsui nɔ. Ma pee a Mawu, nɛ a maa pee ye ma.

Yeremia 32:38

Kɛkɛ ɔ, a maa pee ye ma, nɛ imi hu ma pee a Mawu.

Yeremia 51:5

Niinɛ, Israel kɛ Yuda pee yayami kɛ si imi, Israel Nɔ Klɔuklɔu ɔ. Se imi Yawɛ Tabohiatsɛ Mawu ɔ, imi lɛɛ i kua we mɛ.

Ezekiel 11:20

bɔ nɛ pee nɛ a ye ye mlaa amɛ, kɛ ye blɔ nya tomi ɔmɛ a nɔ pɛpɛɛpɛ. Kɛkɛ ɔ, a ma plɛ pee ye ma, nɛ imi hu ma pee a Mawu.

Ezekiel 36:11

Nimli, kɛ lohwehi a he ma ba hiɛ babauu ngɛ zugba a nɔ; a ma plɔke, nɛ a ma fɔ bimɛ. Ma ha a maa hi zugba a nɔ kaa bɔ nɛ a hi nyɛ zugba a nɔ sa a. Ma ha nyɛ maa bɔ pe kekle ɔ po. Kɛkɛ ɔ, nyɛ maa le kaa imi ji Yawɛ.

Ezekiel 36:28

Jehanɛ zugba a nɛ i ngɔ ha nyɛ nɛmɛ ɔmɛ ɔ, nyɛ maa hi nɔ. Nyɛ maa pee ye ma, nɛ imi hu ma pee nyɛ Mawu.

Ezekiel 37:27

I kɛ mɛ maa hi si. Ma pee a Mawu; nɛ mɛ hu a maa pee ye ma.

Hosea 2:2

Israel bi ngɛ kaa imi Mawu, ye bimɛ. E ngɛ mi kaa i kɛ Israel be bɔmi kaa nɔ kɛ e yo hu lɛɛ, se kɛ̃ ɔ, nyɛɛ kɛ lɛ nɛ tu, konɛ e kpa gba puɛmi kɛ yahomi ɔ.

Hosea 2:23

Ma to ye ma a sisi, nɛ a ma plɔke ngɛ zugba a nɔ. Nihi nɛ a tsɛɔ mɛ ke, “Asumemo” ɔ, ma je suɔmi kpo ha mɛ; nɛ ni nɛmɛ nɛ a tsɛɔ mɛ ke “Piyema” a, ma de mɛ ke, “Ye ma ji nyɛ.” Kɛkɛ ɔ, mɛ hu a ma he nɔ ke, “Mo ji wa Mawu.”

Zakaria 13:9

Ma ngɔ mi dlami etɛ mi kake nɛ ɔ kɛ wo la mi, nɛ ma tsu a he kaa bɔ nɛ a tsuɔ sika hiɔ he ɔ. Ma tsu a he kaa bɔ nɛ a tsuɔ sika tsu he. Kɛkɛ ɔ, a maa fa kue ma tsɛ mi, nɛ ma he nɔ. Ma de mɛ ke, ‘Ye ma ji nyɛ,’ nɛ a ma de ke, ‘Yawɛ ji wa Mawu.’ ”

2 Korintobi 4:1

Akɛnɛ Mawu naa mɔbɔ he je ɔ, e ha wɔ ní tsumi nɛ ɔ ke wa tsu. Lɔ ɔ he ɔ, wa kɔni mi jɔ̃ we.

1 Timoteo 1:13

E ngɛ mi kaa sa a, i tu musu bɔmi munyuhi kɛ si Mawu; i wa lɛ yi mi, nɛ i pee níhi basabasa. Se Mawu na mi mɔbɔ, ejakaa jamɛ a be ɔ, i he we yi lolo; nɛ nɔ́ nɛ i ngɛ pee ɔ hu i li.

1 Petro 2:10

Sa a, pi Mawu e ma ji nyɛ; se amlɔ nɛ ɔ, e ma ji nyɛ. Sa a, Mawu nɛ́ nyɛ mɔbɔ; se amlɔ nɛ ɔ, e na nyɛ mɔbɔ.