Hosea 14:9 - BAIBLO ALOO NGMAMI KLƆUKLƆU Ɔ

⁹ Mɛnɔ ji ní lelɔ? Ha nɛ e nu ní nɛ ɔmɛ a sisi. Mɛnɔ lɛ nuɔ nɔ́ sisi? Ha nɛ e yɔse. Ejakaa Yawɛ blɔ ɔmɛ da tlɔmɔɔ, nɛ nihi nɛ peeɔ nɔ́ nɛ da a nyɛɛɔ nɔ tɛɛ. Se yayami peeli lɛɛ a tɛɔ nɔ́, nɛ a nɔɔ si.

Hosea 14:9 ပူးပေါင်းရင်းမြစ်များ

Mose I, 18:25

Dɛbi, e ko ba mi kaa o maa pee nɔ́ nɛ ɔ, kaa o maa gbe dali kɛ nimli yayamihi kɛ bla. Ke o pee ja a, kɛkɛ o gbla dali kɛ nimli yayamihi tsuo a tue kɛ bla. Dɛbi, e ko ba mi ja; je ɔ tsuo kojolɔ ɔ, e sa kaa e yeɔ dami sane.”

Hiob 17:9

Se bɔ tsuaa bɔ nɛ pee ɔ, dalɔ hii e blɔ nɔ kɛ̃. Nɔmlɔ nɛ yayami ko be e he ɔ, e naa he wami he ekohu.

La 107:43

Nɔ nɛ ji ní lelɔ ɔ, e susu ní nɛ ɔmɛ a he. Nihi tsuo nɛ a susu Yawɛ suɔmi nɛ ngɛ daa a he.

La 119:128

Lɔ ɔ he ɔ, i buɔ o mlaa amɛ tsuo, se blɔhi nɛ dɛ ɔ lɛɛ i sume.

La 119:75

Yawɛ, i le kaa o ye dami sane, nɛ o gbla ye tue bɔ nɛ sa mi, ejakaa moo lɛɛ anɔkuale pɛ o yeɔ.

La 84:5

Nihi nɛ naa a he wami kɛ jeɔ o mi, nɛ a hlaa kaa a maa hia blɔ kɛ ya Zion yo ɔ nɔ ɔ, a gbaa mɛ.

La 84:7

Pɔ tɔɛ mɛ; mohu ɔ, a naa he wami he, nɛ a nyɛɛɔ kɛ ya suu Mawu hɛ mi tɔɔ ngɛ Zion.

Abɛ Womi 10:29

Nihi nɛ peeɔ nɔ́ nɛ da a, Yawɛ buu a he; yayami peeli lɛɛ e kpataa a hɛ mi.

Abɛ Womi 16:21

Nɔ nɛ nuɔ nɔ́ sisi ɔ, ní lelɔ ji lɛ. E kɛ munyu blɛuu gblaa nihi a juɛmi se kɛ baa anɔkuale ɔ he.

Abɛ Womi 4:18

Blɔ nɛ dali nyɛɛɔ nɔ ɔ ngɛ kaa mɔtu pu la nɛ ngɛ kpɛe hluu kɛ yaa si piani.

Yesaya 1:28

Se nihi nɛ peeɔ yayami, nɛ tsɔɔ e hɛ mi atuã a, e ma kpata a hɛ mi; e maa gbe nɔ tsuaa nɔ nɛ kuaa lɛ ɔ.

Yesaya 17:8

Jehanɛ lɛɛ bɔ sami la tɛhi nɛ mɛ nitsɛmɛ a puɛ ɔ, a be mɛ bue hu. Níhi nɛ a kɛ a nine pee, amagahi nɛ a puɛ ha yo mawu nɛ a tsɛɛ Ashera a, kɛ la tɛhi nɛ a sãã tsopa kɛ e he via ngɛ a nɔ ɔ, a be mɛ hu bue.

Yesaya 26:7

Nihi nɛ peeɔ nɔ́ kpakpa a, a blɔ da tlɔmɔɔ; mo lɛ o ha a blɔ da ja a nɛ.

Yeremia 29:12

Jamɛ a be ɔ, ke nyɛ tsɛ mi nɛ nyɛ fa kue ha mi ɔ, ma bu nyɛ tue.

Yeremia 9:12

I bi ke, “Yawɛ, mɛni he je a sã zugba a, nɛ e gbli nɛ e pee kaa nga kplanaa nɔ kikɛ nɛ ɔ, nɛ nɔ ko nɔ ko nyɛɛ we nɔ hu ɔ? Mɛnɔ ji ní lelɔ nɛ e maa nu nɔ́ nɛ ɔ sisi? Mɛnɔ lɛ o ngɔ sɛ gbi nɛ ɔ kɛ ha, nɛ e ma nyɛ maa fiɛ kɛ ha nihi?”

Ezekiel 11:18

Ke a ba lejɛ ɔ, a ma je ní hiemi níhi, kɛ musu ní ɔmɛ ngɔ pue he.

Ezekiel 18:25

“Nyɛ deɔ ke, ‘Nɔ́ nɛ Nyɔmtsɛ ɔ pee ɔ dɛ.’ Israel bi, nyɛɛ bu mi tue. Nyɛ susuɔ kaa bɔ nɛ i peeɔ níhi ɔ dɛ lo? Anɛ pi nyɛ mohu nɛ nyɛ ní peepee ɔmɛ dɛ lo?

Ezekiel 36:25

Ma ngɔ nyu klɔuklɔu kɛ fĩa nyɛ nɔ, nɛ nyɛ he ma tsɔ. Ma tsu nyɛ he kɛ je amagahi, kɛ mu níhi tsuo nɛ nyɛ kɛ ble nyɛ he ɔ a mi.

Daniel 12:10

A maa tsukɔ nihi babauu a he, nɛ a he ma tsɔ. Yiwutsotsɛmɛ be sisi nue; a maa ya nɔ maa pee yayami. Ní leli ɔmɛ lɛɛ a maa nu sisi.

Zefania 3:5

Se Yawɛ ngɛ ma a mi; lɛɛ dalɔ ji lɛ; e pee we nɔ́ nɛ dɛ. Daa ligbi ɔ, e yeɔ dami sane. Se kɛ ɔ, yayami peeli ɔmɛ yaa nɔ nɛ a peeɔ yayami, nɛ nɔ́ nɛ ɔ pee we mɛ zo.

Zakaria 10:6

“Ma wo Yuda ma a he wami; ma he Yosef we ɔ yi wami. Ma na mɛ mɔbɔ, nɛ ma kpale mɛ tsuo kɛ ba we ekohu. A maa pee kaa nihi nɛ i kua we mɛ hyɛ. Imi ji Yawɛ, a Mawu ɔ nɛ; ma he a kue fami ɔ nɔ.

Mateo 11:19

Benɛ Nɔmlɔ Bi ɔ ba a, lɛɛ e yeɔ ní, nɛ e nuɔ wai. Nɛ nɔ́ nɛ nihi deɔ ji, ‘Hyɛ, jiklɔɔtsɛ, kɛ dã nulɔ; tó tsuli, kɛ yayami peeli a huɛ ɔ ji nɛ ɔ nɛ!’ Mawu nile ɔ lɛɛ níhi nɛ e tsuɔ ɔ, lɔ ɔmɛ a kɛ woɔ lɛ nguɔ.”

Luka 2:34

Simeon gbaa mɛ, nɛ e de bimwɔyo ɔ nyɛ Maria ke, “Mawu hla jokuɛ nɛ ɔ kɛ ha nihi babauu a hɛ mi kpatami, kɛ nihi babauu hu a yi wami hemi ngɛ Israel. E maa pee okadi ko nɛ je Mawu ngɔ, nɛ́ nimli babauu maa tu munyu kɛ si;

Luka 7:23

A gbaa nihi nɛ ngɛ hemi kɛ yemi ngɛ ye mi kɛ mwɔɔ!”

Yohane 15:24

Kaa i ba tsu we ní nguanguahi nɛ nɔ ko tsu we hyɛ ɔ ngɛ a kpɛti ɔ, jinɛ a ko yi fɔ kaa a pee yayami. Jehanɛ ɔ, i tsu ní nɛ ɔmɛ nɛ a na paa; se kɛ̃ ɔ, a ngɛ i kɛ Tsaatsɛ tsuo nyɛe.

Yohane 18:37

Lɔ ɔ he ɔ, Pilato bi lɛ ke, “Se matsɛ ji mo kɛ̃?” Yesu he nɔ ke, “O ngɛ dee ke matsɛ ji mi. Imi lɛɛ enɛ ɔ he nɛ a fɔ mi kɛ ba je ɔ mi, konɛ ma tsɔɔ anɔkuale ɔ. Nɔ tsuaa nɔ nɛ le anɔkuale ɔ buɔ mi tue.”

Yohane 8:47

Nɔ nɛ je Mawu ngɔ ɔ, e nuɔ Mawu munyu. Se nyɛɛ lɛɛ nyɛ nui, ejakaa pi Mawu ngɔ nɛ nyɛ je.”

Yohane 9:39

Yesu de ke, “I ba je nɛ ɔ mi nɛ ma ba kojo, konɛ hɛ yuyuili nɛ hyɛ nɔ; nɛ nihi nɛ susuɔ kaa a ngɛ nɔ hyɛe ɔ, a hɛ nɛ yu.”

Ni Tsumi 13:10

nɛ e de ke, “Abosiami nitsɛnitsɛ ji mo! Nɔ́ kpakpa tsuaa nɔ́ kpakpa he nyɛlɔ! Ní yayamihi pɛ a he o susuu! Be tsuaa be ɔ, o bɔɔ mɔde kaa o ma tsake Nyɔmtsɛ ɔ anɔkuale munyu ɔ hɛ mi kɛ pee lakpa!

Romabi 7:12

Lɔ ɔ he ɔ, mlaa a ngɛ klɔuklɔu, kita a hu ngɛ klɔuklɔu; e da, nɛ e hi hulɔ.

Mose V, 32:4

“Yawɛ ji nyɛ yi baalɔ nɛ se be; e hi kɛ pi si, nɛ e da ngɛ blɔ tsuaa blɔ nɔ. Nyɛ Mawu ɔ yeɔ e siwo nɔ; yayami ko be e he; nɔ́ nɛ da, kɛ nɔ́ nɛ sa pɛ e peeɔ.

Kpojemi 15:3

Nɛ a ngɛ Mawu tsɔlɔ Mose la a, kɛ To bi ɔ la a lae ke, “Nyɔmtsɛ Mawu Ope, O ní tsumi ɔmɛ kle, nɛ a ngɛ nyakpɛ! Je ma amɛ a matsɛ, o ní peemi ní ɔmɛ tsuo da, anɔkuale sɔuu!