Hosea 14:7 - BAIBLO ALOO NGMAMI KLƆUKLƆU Ɔ

⁷ A maa kpale kɛ ba ye ngɔ ekohu, nɛ a kɛ mi maa hi si ngɛ he jɔmi mi. A maa bɔ kaa ngmɔ nɛ ba ní saminya, nɛ a ma plɔke kaa wai tso; nɛ a biɛ ma he si kaa Lebanon wai.

Hosea 14:7 ပူးပေါင်းရင်းမြစ်များ

La 138:7

Ke i ngɛ amanehlu mi ɔ, mo lɛ o jeɔ mi kɛ jeɔ mi. Ke ye he nyɛli kɛ abofu ba na mi ɔ, o kɛ mɛ kpee, nɛ o kɛ o he wami kpetekpleenyɛ ɔ heɔ ye yi wami.

La 85:6

Ha nɛ waa ba nɔ ekohu, konɛ wɔ, o ma a, wa je o yi.

La 91:1

Nɔ nɛ hii Hiɔwe No ɔ laami he ɔ, Ope ɔ nitsɛ maa baa e yi.

Lahi 2:3

Ke a ngɔ ye suɔlɔ ɔ ngɔ to nyumu kpa amɛ a he ɔ, e ngɛ kaa tso nɛ yiblii ngɔɔ saminya ngɛ pú mi tsohi a kpɛti. I suɔ nɛ ma hi e hɔ̃ ɔ mi; e yiblii ɔ ngɔɔ ye nya.

Lahi 4:11

Ye we ayɛflo nɛ i suɔ, ke a fiɔ o nya he ɔ, e ngɔɔ kaa hwo, o lilɛ ngɛ kaa nyɔ nyu kɛ hwo ha mi; o bo mi he via kaa Lebanon he via.

Lahi 6:11

I ba ngmɛ́ tso abɔɔ ɔ mi, konɛ ma ba hyɛ tso ɔmɛ ngɛ kɔ̃ ɔ mi kaa wai tso ɔmɛ tsɛ̃ ba, nɛ tso ɔmɛ nɛ a yiblii ngɔɔ hu gba mɔmɔ lo.

Yesaya 61:11

Bɔ nɛ tso tsɛ̃ɔ kɛ jee zu mi, ee, bɔ nɛ wu puɛɔ ngɛ ngmɔ mi ɔ, ja Nyɔmtsɛ Yawɛ ma he e ma a yi wami, nɛ je ma amɛ tsuo maa na, nɛ a ma je e yi.

Ezekiel 17:23

Israel yo gagaa pe kulaa a nɔ ma ma ngɛ. E ma gba kɔnihi, nɛ e maa wo yiblii; e maa pee seda tso agbo kɛ e he fɛu. Lohwe pɛlitsɛmɛ slɔɔtoslɔɔto tsuo ma ba hi e hɔ̃ ɔ mi.

Hosea 14:5

Ma ha Israel ma a ma plɔke plɔplɔɔplɔ kaa zugba gbigbli nɛ hiɔmi nɛ pue nɔ.

Hosea 2:21

Jamɛ a be ɔ, ma bu ye ma Israel kue fami ɔ tue. Ma ha hiɔmi maa nɛ, nɛ zugba a maa ba ní; blɛfo, wai yiblii, kɛ Oliv maa pɔ he.

Hosea 6:2

Ngɛ ligbi enyɔ mi ɔ, e ma ha wa na he wami ekohu; ligbi etɛne ɔ, e ma wo wa nɔ nɛ waa kɛ lɛ maa hi si.

Zakaria 8:12

Ma ha tue mi jɔmi maa ba zugba a tsuo nɔ. Hiɔmi maa nɛ; zugba a maa ba ní, nɛ wai tso ɔmɛ maa wo yiblii. Ma ngɔ ní nɛ ɔmɛ tsuo kɛ ha nihi nɛ maa piɛ ngɛ zugba a nɔ.

Yohane 11:25

Yesu de lɛ ke, “Imi ji si temi ɔ, kɛ wami ɔ nɛ. Nɔ tsuaa nɔ nɛ heɔ mi yeɔ ɔ, ke e gbo tete po, e maa hi hɛ ngmengmle;

Yohane 12:24

I ngɛ nyɛ dee anɔkuale mi ke, ke a du we ngma ngu ngɛ zu mi, nɛ e gbo ɔ, lɛɛ ngma ngu kake ngmelu ji lɛ daa. Se ke e gbo ɔ, e woɔ yiblii babauu.