Hosea 14:5 - BAIBLO ALOO NGMAMI KLƆUKLƆU Ɔ

⁵ Ma ha Israel ma a ma plɔke plɔplɔɔplɔ kaa zugba gbigbli nɛ hiɔmi nɛ pue nɔ.

Hosea 14:5 ပူးပေါင်းရင်းမြစ်များ

Samuel II, 23:4

e ngɛ kaa pu nɛ ngɛ tsoe mɔtu be mi nɛ bɔku be hiɔwe; aloo hiɔmi nɛ haa nga tsɛ̃ɔ kɛ jeɔ zu mi.”

Matsɛmɛ II, 19:30

Yuda we ɔ, ni nɛmɛ nɛ a yi ma na wami ɔ, a ma plɔke kaa tsohi; a ma tsɛ̃ sipoku kɛ ya zu mi ekohu, nɛ a maa wo yiblii.

Hiob 29:19

I ngɛ kaa tso nɛ sipoku naa nyu be tsuaa be, nɛ bɔ́ pɔɔ e kɔnihi a he daa.

La 133:3

Nyɛmimɛ a kake peemi ngɛ kaa bɔ́ ngɛ Hermon yo ɔ nɔ; e ngɛ kaa bɔ́ nɛ ngɛ nɛe ngɛ Zion yo ɔmɛ a nɔ. Lejɛ ɔ nɛ Yawɛ wo si ngɛ ke e maa gbaa e ma a kɛ maa ya neneene.

La 72:16

Zugba a nɛ ba ní saminya, nɛ a na blɛfo babauu ngɛ yo ɔmɛ tsuo pɛpɛɛpɛ a nɔ. Á na tso yiblii saminya kaa bɔ nɛ a naa ngɛ Lebanon ɔ. Ma amɛ a mi nɛ hyi tɔ kɛ nimli adesahi kaa nga.

La 72:6

Ha nɛ matsɛ ɔ yi nɔ nɛ jɔ kaa hiɔmi nɛ nɛɛ pueɔ ngmɔ nɔ nɛ haa zugba a nyu ɔ.

La 80:9

O dla zugba a saminyayoo; o ha nɛ tso ɔ tsɛ̃ sipoku kɛ ya zu mi tsitsaa, nɛ wai tso ɔ ha zugba a nɔ tsuo.

La 92:12

Dali ma plɔke kaa tã; a maa wa kaa seda tso ngɛ Lebanon.

La 92:13

A ngɛ kaa tsohi nɛ a du ngɛ Yawɛ we ɔ, tsohi nɛ bɔ ngɛ wa Mawu ɔ kue ɔmɛ a mi.

Abɛ Womi 19:12

Ke matsɛ mi mi wo la a, e ngɛ kaa jata nɛ ngɛ huae; se ke e ná nɔ he bua jɔmi ɔ, e ngɛ kaa bɔ́ ngɛ nga nɔ.

Lahi 2:16

I ngɔ ye he ngɔ ha ye suɔlɔ ɔ, nɛ lɛ hu e ngɔ e he ngɔ ha mi. He nɛ nga nɔ mɔmɔhi ngɛ ɔ, lejɛ ɔ e haa e to ɔmɛ ní ngɛ.

Lahi 4:5

O nyɔ ɔmɛ ngɛ kaa batslɔhi, loo odabɔ hawi enyɔ nɛ a ngɛ ní yee ngɛ nga nɔ mɔmɔhi a mi.

Yesaya 12:1

Jamɛ a ligbi ɔ, nyɛ ma la ke, “Yawɛ i ngɛ o yi jee! Be ko ɔ, o mi mi fu mi, se jehanɛ lɛɛ mo nitsɛ o ngɛ mi bua woe, ejakaa o mi mi fumi ɔ se po.

Yesaya 18:4

Ejakaa Yawɛ de mi ke, “Bɔ nɛ ngma kpami be mi je mi dɔɔ la nyɔ mi nɛ bɔ́ nɛɛ ɔ, loo bɔ nɛ ke pu tso ngmangmaangma nɛ je mi dɔɔ la, nɛ́ kɔɔhiɔ mi peeɔ kom ɔ, ja ma pee dii ngɛ hiɔwe kɛ hyɛ.

Yesaya 26:19

Wa ma mi nihi nɛ gbo ɔ ma na wami ekohu! A gbogboe ɔmɛ maa te si. Nihi nɛ hwɔɔ si ngɛ zu mi ɔ, mɛ tsuo a maa te si, nɛ a ma la kɛ bua jɔmi. Kaa bɔ nɛ bɔ́ nyu ngleinglei haa zugba a peeɔ ehe ekohu ɔ, ja Yawɛ maa ngɔ wami he ngɔ wo nihi nɛ gbo momo ɔ a mi.

Yesaya 27:6

Hwɔɔ se ko ɔ, Israel ma nɛ ji Yakob nina a maa ma si kpɛii kaa tso nɛ sipoku sɛ zu mi; a ma gba mɔmɔ, nɛ a ma plɔke. A yiblii ma hyi je ɔ tɔ.

Yesaya 35:2

Niinɛ mɔmɔ babauu maa puɛ ngɛ nɔ, nɛ e kɛ bua jɔmi ma he ose ngɛ mɔmɔ ɔmɛ a he; e maa pee fɛu kaa Lebanon yo ɔmɛ a nɔ; e maa ba ní kaa Karmel kɛ Sharon zugba a. Nɔ tsuaa nɔ maa na Yawɛ hɛ mi nyami, kɛ wa Mawu ɔ we agboje, kɛ e he wami ɔ.

Yesaya 44:3

“Nihi nɛ kuma ngɛ mɛ yee ɔ, ma ha mɛ nyu nɛ a nu. Ma ha zugba gbigbli ɔ nyu, nɛ pahi maa hia. Ma ngɔ ye mumi ɔ kɛ wo o bimɛ ɔmɛ a mi, nɛ ma gbaa o nina a.

Yesaya 45:8

Hiɔwe tsuo, nyɛ ha nɛ dami sane yemi nɛ kple si kɛ ba; é nɛ kɛ pue si kaa bɔ. Nyɛ ha nɛ dami sane yemi nɛ pue si kɛ je bɔku ɔmɛ a mi; é nɛ kɛ pue si kaa hiɔmi. Zugba a hu nɛ bli e nya, konɛ yi wami hemi nɛ bɔni kpo jemi; enɛ ɔ kɛ dami sane yemi tsuo maa je kpo paa si kake. Imi Yawɛ lɛ i ha enɛ ɔ ba mi.”

Yesaya 57:18

“I na níhi nɛ a ngɛ pee ɔ, se ma tsa mɛ. Ma tsɔɔ mɛ blɔ, nɛ ma piɛ a he; nɛ ma wo kɔmɔ yeli ɔmɛ bua!

Yesaya 57:19

Nihi nɛ a ngɛ kpo nya, kɛ tsitsaa tsuo ma na tue mi jɔmi. Ma tsa ye ma a.

Yeremia 3:22

“Nyɛ nihi tsuo nɛ nyɛ je Yawɛ se, nyɛɛ kpale kɛ ba; e ma tsa nyɛ yayami hiɔ ɔmɛ.” Nyɛ ke, “Ee, wa ma Yawɛ ngɔ, ejakaa lɛ ji wa Mawu.

Yeremia 32:41

Ma ná a he bua jɔmi, nɛ ma suɔ kaa ma pee mɛ kpakpa. Nɛ ma to mɛ si saminya ngɛ zugba nɛ ɔ nɔ.

Hosea 6:3

Nyɛ ha waa bɔ mɔde nɛ waa le Yawɛ saminya. Kaa bɔ nɛ je naa daa ligbi, nɛ hiɔmi hu nɛɛɔ ngɔ pueɔ zugba daa gbo kɛ gbiɛ ɔ, ke wa hla Yawɛ se blɔ ɔ, lɛ hu e maa ba wa ngɔ.”

Mika 5:7

Israel ma nɛ piɛ ɔ ma ha nɛ je mahi babauu ma na bua jɔmi ekohu kaa bɔ́ nɛ je Yawɛ ngɔ, aloo hiɔmi nɛ́ nɛ ngɔ pue nga nɔ. A maa ngɔ a hɛ ngɔ fɔ Mawu nɔ, se pi nɔmlɔ nɔ.

Mika 7:18

Yawɛ, mawu kpa ko be nɛ kɛ mo sɔ. O ma a nɛ piɛ ɔ, o kɛ a he yayami paa mɛ. O mi mi fu we kɛ yɛ neneene, se mohu ɔ, o suɔ kaa o je o suɔmi nɛ se pui gblegbleegble ɔ ngɔ tsɔɔ wɔ.

Mateo 6:28

“Lɛɛ mɛni he je nyɛ peeɔ yeyeeye ngɛ heha nɔ́ he? Nyɛɛ hyɛ mɔmɔhi nɛ ngɛ puɛe ngɛ nga nɔ; a tsu we ní, nɛ a tsɛ̃ we kpa.

Luka 12:27

Nyɛɛ hyɛ mɔmɔhi nɛ ngɛ puɛe ha; a tsu we ní, nɛ a kpɛ we tade hulɔ. Se i ngɛ nyɛ dee ke, Matsɛ Salomo kɛ e ní babauu ɔ, lɛ tete po e be miaa we kaa mɔmɔ nɛ ɔmɛ a kpɛti kake.

Efesobi 3:17

I kpaa pɛɛ nɛ nyɛ he ye, nɛ Kristo nɛ hi nyɛ tsui mi, konɛ nɔ́ tsuaa nɔ́ nɛ nyɛ ngɛ pee ɔ, nyɛɛ pee kɛ suɔmi nɛ mi wa.

Mose V, 32:2

Ma tsɔɔ nyɛ ní kaa bɔ nɛ hiɔmi nɛɛ blɛuu kɛ pueɔ zugba nɔ nɛ e peeɔ kaa bɔ́ ɔ. Ma tu nyɛ munyu kaa bɔ nɛ hiɔmi fĩaa kɛ pueɔ tso bihi a nɔ, aloo kaa bɔ nɛ hiɔmi nɛɛ blɛuu kɛ pueɔ nga nɔ ɔ.