Hosea 14:3 - BAIBLO ALOO NGMAMI KLƆUKLƆU Ɔ

³ Asiria be nyɛe ma he wa yi wami. Wa be wa he ngɔe kɛ fɔ ta okpɔngɔhi a nɔ. Wa be wa amaga amɛ dee hu ke mɛ ji wa Mawu. Yawɛ, mo nɛ o naa awusahi mɔbɔ.”

Hosea 14:3 ပူးပေါင်းရင်းမြစ်များ

Kronika II, 16:7

Jamɛ a be ɔ mi ɔ, gbalɔ Hanani ba Yuda matsɛ, Asa ngɔ, nɛ e ba de lɛ ke, “Akɛnɛ o ngɔ o hɛ ngɔ fɔ Siria matsɛ ɔ nɔ, nɛ o ngɔɛ o hɛ ngɔ fɔɛ Yawɛ, o Mawu ɔ nɔ he je ɔ, Siria matsɛ tabo ɔ tu fo kɛ je o he.

La 10:14

Se moo lɛɛ o ngɛ nɔ́ tsuaa nɔ́ hyɛe. Niinɛ, o ngɛ haomi ɔ, kɛ aywilɛho ɔ hyɛe, nɛ o maa pee he nɔ́ ko kɛ̃. Nɔ nɛ e fi lɛ ɔ, o nɔ lɛ e ngɔɔ e hɛ kɛ fɔɔ. Mo ji awusahi a he piɛlɔ.

La 146:3

Nyɛ ko ngɔ nyɛ hɛ kɛ fɔ ganɔ ko, loo nɔmlɔ adesa ko nɔ, ejakaa e be he wami nɛ e ma he nyɛ yi wami.

La 146:9

Yawɛ baa nibwɔhi a yi; e yeɔ yalɔyihi, kɛ awusahi a sane kɛ haa mɛ; se yiwutsotsɛmɛ lɛɛ e haa a yi mi tomi peeɔ yaka.

La 33:17

Ke o ngɔ o hɛ ngɔ fɔ ta okpɔngɔ nɔ ɔ, e maa pee yaka. Ta okpɔngɔ kɛ e he wami babauu ɔ be nyɛe ma he o yi wami.

La 68:5

Awusahi a tsɛ, kɛ yalɔyihi a he bulɔ ɔ, lɛ ji Mawu nɛ ngɛ e he klɔuklɔu ɔ nɛ.

Yesaya 1:29

Nyɛ ma pia nyɛ he kaa nyɛ ya ja tso ngua amɛ, nɛ zo kpɔtɔɔ maa gbe nyɛ ngɛ abɔɔhi nɛ nyɛ po ɔ a he.

Yesaya 2:20

Jamɛ a be ɔ, ni ɔmɛ ma sake amaga amɛ nɛ a kɛ sika tsu kɛ sika hiɔ pee nɛ a ma ja a ngɔ hɛ fɔ he ha jesihi kɛ apanihi.

Yesaya 27:9

Se bɔ nɛ Israel maa pee kɛ je a he yayami ɔmɛ konɛ a kɛ pa mɛ ji, a maa wɛɛ je ma amɛ a bɔ sami la tɛ ɔmɛ bukɔbukɔ kaa ayilɔ, nɛ yo mawu Ashera a tsopa kɛ e he via bɔ sami la tɛ ɔmɛ, loo e we amaga amɛ ekoeko be si hie hu.

Yesaya 30:16

Mohu, nyɛ to nyɛ yi mi kaa nyɛ maa hi okpɔngɔhi nɛ a he sɔɔ a nɔ kɛ tu fo kɛ je nyɛ he nyɛli ɔmɛ a he. Nɛ nyɛ nɔ́ da niinɛ; e sa kaa nyɛɛ tu fo kɛ je nyɛ he nyɛli a dɛ mi! Nyɛ susu kaa nyɛ we okpɔngɔ ɔmɛ a he sɔɔ saminya, se nihi nɛ nyɛɛ nyɛ se ɔ, a he sɔɔ kulaa pe nyɛ!

Yesaya 30:2

A yaa Egipt nɛ a ya biɔ yemi kɛ buami kɛ jeɔ Egipt matsɛ ɔ dɛ mi, be nɛ imi lɛɛ a bi we mi ga womi.

Yesaya 31:1

Musu tloo nihi nɛ yaa Egipt ya biɔ yemi kɛ buami ngɛ lejɛ ɔ. Musu tloo mɛ, ejakaa a ngɔɔ a hɛ kɛ fɔɔ Egipt ta zugba lɛhi, kɛ okpɔngɔ ta buli a nɔ; ejakaa a hiɛ babauu, nɛ a he wa hulɔ. Se a ngɔɛ a hɛ kɛ fɔ we Yawɛ, Israel Mawu klɔuklɔu ɔ mohu nɔ; ga womi hu a bi we lɛ.

Yesaya 31:3

Egipt bi ɔmɛ ɔ, nimli adesahi kɛkɛ ji mɛ; tsa pi Mawu ji mɛ. A we okpɔngɔ ɔmɛ ɔ, lohwehi kɛkɛ ji mɛ, tsa pi Mawu mumi nɛ ngɛ a mi. Ke Yawɛ gba ta a, je ma ko je ma ko be nya nyɛe maa da; je ma nɛ he wa jio, je ma nɛ a ya je ngmlaa ha lɛ jio, mɛ tsuo a hɛ mi ma kpata.

Yesaya 36:8

I kɛ mo maa po nga ngɛ ye nyɔmtsɛ, Asiria matsɛ ɔ biɛ mi. Ma ha mo okpɔngɔ akpe enyɔ kaa o ma na mo nitsɛ o nihi nɛ maa hi a nɔ lo.

Yeremia 49:11

Nyɛ si nyɛ awusa amɛ ha mi nɛ ma hyɛ a nɔ. Nyɛ yalɔyi ɔmɛ hu, nyɛ ha nɛ a ngɔ a hɛ ngɔ fɔ ye nɔ.

Ezekiel 36:25

Ma ngɔ nyu klɔuklɔu kɛ fĩa nyɛ nɔ, nɛ nyɛ he ma tsɔ. Ma tsu nyɛ he kɛ je amagahi, kɛ mu níhi tsuo nɛ nyɛ kɛ ble nyɛ he ɔ a mi.

Ezekiel 37:23

Jehanɛ a be amaga jae hu, nɛ a be ní hiemi níhi, kɛ yayami pee kɛ ble a he hu. Se yayamihi gbegbeegbe nɛ a pee kɛ si mi ɔ, ma ngɔ kɛ pa mɛ. Ma tsu a he, nɛ a maa pee ye ma, nɛ imi hu ma pee a Mawu.

Hosea 12:1

“Daa nyɔ kɛ pia a, yi wu tso níhi, kɛ níhi nɛ a he be se nami sɔuu Israel ma a ngɛ pee. A sisiɔ nɔ, nɛ a pueɔ muɔ si. A kɛ Asiria ngɛ huɛ bɔe, nɛ Egipt lɛɛ a kɛ lɛ yeɔ nu jua.”

Hosea 13:2

A ngɛ yayami pee kɛ mwɔɔ. A ngɛ amagahi jae. Se amaga nɛ ɔmɛ ɔ, nimli a juɛmi kɛ a nine nya ní tsumi nɛ a kɛ sika hiɔ pee ji mɛ. Amagahi nɛ a ngɛ kaa na bi ɔ, ní nɛ ɔmɛ nyɛ ke a sã bɔ ha lo? Kɛ nimli adesahi maa pee kɛɛ nɛ a ma fiɔ ní nɛ ɔmɛ a nya he?

Hosea 14:8

Israel ma, mɛni peemi i kɛ amagahi ngɛ? Imi nɛ i buu nyɛ kue fami tue nɛ i hyɛɛ nyɛ nɔ. I ngɛ kaa sɛsɛo tso nɛ ba mumu tɛ̃ e nɔ gblegbleegble. Imi lɛ i haa ma a niye ní.”

Hosea 2:17

Baal biɛ maa laa lɛ pɛsɛpɛsɛ, nɛ e be e ta woe hu.

Hosea 4:12

Tso kpoku mohu ngɔ a ya ngɛ ní bie ngɛ. Dɛma tso mohu a bi ɔ ke e tsɔɔ mɛ nile. Kaa bɔ nɛ yo yaholɔ peeɔ ɔ, a je ye se nɛ a kɛ a he ya ha mawu kpahi.

Hosea 5:13

“Benɛ Israel na kaa e hiɔ ɔ nya ba wa, nɛ Yuda hu na kaa e plaa wawɛɛ nitsɛ ɔ, Israel ho Asiria matsɛ ɔ ngɔ ya ya bi yemi kɛ buami. Se e nyɛ we nɛ e tsa hiɔ ɔ ha Israel, nɛ pa amɛ hu e nyɛ we nɛ e pee nɔ́ ko ngɛ a he.

Hosea 7:11

Israel ngɛ kaa beleku lahuɛ nɛ ngɛ tee kɛ ngɛ yae kɛ ngɛ bae; e be juɛmi. Ke o ke o hyɛɛ ɔ, Israel bi ji nɛ nɛ a yaa bi yemi kɛ buami ngɛ Egipt; pee se kɛkɛ a pue Asiria blɔ.

Hosea 8:6

Ga ní tsulɔ ko lɛ puɛ amaga a, pi mawu ji lɛ! Sika tsu amaga a nɛ ngɛ Samaria a, ma ku e mi dukuduku!

Hosea 8:9

Israel ma a tue wa kaa nga mi teji nɛ ngɛ si kpae. A ho ya bi Asiria bi yemi kɛ buami, nɛ a ya bɔ ma kpahi hu apaa ke a ba piɛ a he.

Yona 2:10

Kɛkɛ nɛ Yawɛ fa lo ɔ ke e ya vie Yona ngɔ fɔ wo ɔ nya; nɛ e pee ja.

Zakaria 13:2

Jamɛ a be ɔ, ma ha amaga amɛ a biɛ maa laa pɛsɛpɛsɛ, nɛ nɔ ko nɔ ko be mɛ kaie hu ngɛ zugba a nɔ. Ma je gbali ɔmɛ, kɛ mumi yayami ɔmɛ kɛ je zugba a nɔ.

Yohane 14:18

“I be nyɛ sie awusa; ma kpale kɛ ba nyɛ ngɔ.

Mose V, 17:16

Matsɛ ɔ ko hi ta okpɔngɔhi babauu; nɛ e ko tsɔ kɛ ya he okpɔngɔhi ngɛ Egipt; ejakaa Yawɛ de ke e ma a ko kpale kɛ ya lejɛ ɔ gblegbleegble.