Hosea 14:1 - BAIBLO ALOO NGMAMI KLƆUKLƆU Ɔ

¹ Israel ma, nyɛɛ kpale kɛ ba Yawɛ, nyɛ Mawu ɔ ngɔ. Nyɛ yayami ɔmɛ ha nɛ nyɛ pee kaa ni komɛ nɛ tɛ nɔ́ nɛ a nɔɔ si.

Hosea 14:1 ပူးပေါင်းရင်းမြစ်များ

Matsɛmɛ II, 8:12

Hazael bi lɛ ke, “Ye nyɔmtsɛ, mɛni he je o ngɛ ya foe ɔ?” Elisha he nɔ ke, “Ejakaa i le ní yayamihi nɛ o maa pee Israel ma a. O maa mɛ a mɔ ɔmɛ a he la; o kɛ klaate maa gbe a nihewi ɔmɛ; o maa ngɔ a bimɛ tsɔwitsɔwi ɔmɛ kɛ fia si, nɛ a maa ku dukuduku. Yihɔyi ɔmɛ lɛɛ o ma gba a muklii ɔmɛ.”

Yesaya 19:22

Yawɛ maa fiaa Egipt bi ɔmɛ ní, se lɛ nɔuu ji nɔ nɛ ma tsa mɛ. A maa kpale kɛ ba e ngɔ; e maa bu a kue fami ɔmɛ tue, nɛ e ma tsa mɛ.

Yeremia 2:19

Mo nitsɛ o ní yayami ɔmɛ maa gbla o tue; o se yami ɔ ma ka o hɛ mi. O ma ba na paa kaa kuami nɛ o kua imi, Yawɛ o Mawu ɔ, kɛ ye hɛ mi atuã nɛ o tsɔ ɔ ji nɔ́ ko nɛ hí kulaa; e ngɛ kaa nɔ́ ko nɛ dooɔ kaa agba. Imi, Nyɔmtsɛ Yawɛ Tabohiatsɛ ɔ lɛ i de.”

Yeremia 4:1

Yawɛ ke, “Israel bi, ke nyɛ suɔ kaa nyɛ maa kpale kɛ ba ye ngɔ ɔ, nyɛɛ ba! Ke nyɛ ma je amaga amɛ nɛ i hiee ɔ kɛ je ye hɛ mi,

Kɔmɔ Yemi 5:16

Jlasi je wa yi nɔ si. Wa pee yayami, nɛ amlɔ nɛ ɔ, musu tloo wɔ.

Ezekiel 16:46

“O nyɛmiyo nɔkɔtɔma Samaria, kɛ e mi bi ɔmɛ ngɛ o kasa nya ngɛ omleyi je, nɛ o nyɛmiyo jokuɛyo Sodom, kɛ lɛ hu e mi bi ɔmɛ ngɛ o leneyi je.

Ezekiel 33:11

De mɛ ke imi Nyɔmtsɛ Yawɛ, i ngɛ ye he kita kae ke i na we yayami peelɔ gbenɔ he bua jɔmi, se mohu i suɔ kaa e kpa yayami peemi, konɛ e yi nɛ na wami. Israel, nyɛ kpa yayami nɛ nyɛ ngɛ pee ɔ. Mɛni he je nyɛ suɔ mohu kaa nyɛ ma gbo ɔ?

Ezekiel 33:14

Ke i bɔ yayami peelɔ kɔkɔ kaa e ma gbo, kɛkɛ nɛ e kpa yayami peemi, nɛ e bɔni nɔ́ nɛ da peemi kɛ dami sane yemi ɔ, e be gboe; e yi ma na wami.

Hosea 10:12

I de ke, ‘Nyɛɛ ye dami sane, konɛ ma suɔ nyɛ, nɛ ma gbaa nyɛ. Nyɛ tsake nyɛ tsui; ejakaa be ɔ su nɛ nyɛ ma hla imi Yawɛ, ye se blɔ. Kɛkɛ ɔ, ma ha dami sane yemi ma he si kaa bɔ nɛ hiɔmi nɛɛ ɔ.’

Hosea 12:6

Lɔ ɔ he ɔ, Yakob nina, nyɛɛ ngɔ nyɛ hɛ ngɔ fɔ nyɛ Mawu ɔ nɔ, nɛ nyɛɛ kpale kɛ ba e ngɔ. Nyɛɛ suɔ lɛ anɔkuale mi, nɛ́ nyɛɛ ye dami sane. Nyɛɛ to nyɛ tsui si, nɛ́ nyɛɛ hyɛ nyɛ Mawu ɔ blɔ.

Hosea 12:8

Bɔ nɛ Israel ma a deɔ ji, ‘Niatsɛmɛ ji wɔ. Wa ná ní babauu.’ Se ní nɛ a na babauu ɔ tsuo be nyɛe ma je a he yayami ɔ.

Hosea 13:9

“Israel ma, ma kpata nyɛ hɛ mi pɛsɛpɛsɛ! Nɛ, mɛnɔ ma nyɛ ma kpɔ nyɛ?

Hosea 4:8

Nyɛ náá ní babauu kɛ jee yayami nɛ ma a ngɛ pee ɔ mi. Lɔ ɔ he ɔ, nyɛ suɔ kaa ma a nɛ ya nɔ nɛ a hi yayami pee kpamisa.

Hosea 5:5

Israel bi a he nɔ womi ɔ yeɔ odase kɛ siɔ mɛ. A he yayami ɔ kɛ tue gblami maa ba a nɔ, nɛ Yuda hu be e he yee.

Hosea 6:1

Ma a ma de ke, “Nyɛ ha nɛ waa kpale kɛ ba Yawɛ ngɔ! E tsɔtslɔɔ wa mi, se e ma tsa wɔ kɛ̃. E plaa wɔ, se lɛ nɔuu lɛ e maa fi pa amɛ a nɔ ha wɔ!

Hosea 9:13

Imi Hosea, i na ngɛ nina mi nɛ Israel ngɔ e bimɛ ɔmɛ ngɔ ha kaa lohwehi nɛ a maa gbe. Bitsɛmɛ ɔmɛ nitsɛmɛ maa ngɔ a bimɛ ɔmɛ ya ha nɔ gbeli.

Hosea 9:7

Be nɛ a maa gbla Israel ma a tue ɔ su. Be ɔ su nɛ a maa wo mɛ hiɔ. Kɛkɛ ɔ, nɔ tsuaa nɔ maa hɛli si! Nyɛ deɔ ke, “Gbalɔ nɛ ɔ biɛ lo! Nyumu ɔ nɛ na mumi ɔ nu godo!” Nyɛ deɔ enɛ ɔ, ejakaa nyɛ he yayami hiɛ babauu; nɛ nyɛ sume mi saasaa.

Amos 1:13

Yawɛ ke, “Amon ma mi bi ɔmɛ pee yayamihi nɔtonɔto babauu. Benɛ a ngɛ ta hwue ngɛ Gilead nɛ a kɛ kpɔ nihi a zugba a, a pee yi wu tso níhi fuu; a kɛ klaate tsɔtslɔɔ yihɔyihi po a mi mi. Enɛ ɔ he je ɔ, ja i gbla a tue kokooko.