Hosea 13:9 - BAIBLO ALOO NGMAMI KLƆUKLƆU Ɔ

⁹ “Israel ma, ma kpata nyɛ hɛ mi pɛsɛpɛsɛ! Nɛ, mɛnɔ ma nyɛ ma kpɔ nyɛ?

Hosea 13:9 ပူးပေါင်းရင်းမြစ်များ

Yeremia 2:17

Israel, mɛnɔ kɛ nɔ́ nɛ ɔ ba o nɔ? Anɛ pi mo nitsɛ nɛ o pee lo? Benɛ imi, Yawɛ o Mawu ɔ, i kpaka mo kɛ ma a, anɛ o tsɔ we ye hɛ mi atuã lo?

Yeremia 2:19

Mo nitsɛ o ní yayami ɔmɛ maa gbla o tue; o se yami ɔ ma ka o hɛ mi. O ma ba na paa kaa kuami nɛ o kua imi, Yawɛ o Mawu ɔ, kɛ ye hɛ mi atuã nɛ o tsɔ ɔ ji nɔ́ ko nɛ hí kulaa; e ngɛ kaa nɔ́ ko nɛ dooɔ kaa agba. Imi, Nyɔmtsɛ Yawɛ Tabohiatsɛ ɔ lɛ i de.”

Mose V, 33:26

Nyagbe ɔ, bɔ nɛ Mose gbaa Israel ma a tsuo ji nɛ ɔ nɛ: “Israel ma, mawu ko mawu ko be kaa nyɛ Mawu ɔ nɛ nyɛɛɔ kɔɔhiɔ mi kɛ agboje kɛ jee hiɔwe kɛ ba jee ngmlaa ha nyɛ ɔ.

Hosea 14:1

Israel ma, nyɛɛ kpale kɛ ba Yawɛ, nyɛ Mawu ɔ ngɔ. Nyɛ yayami ɔmɛ ha nɛ nyɛ pee kaa ni komɛ nɛ tɛ nɔ́ nɛ a nɔɔ si.

Yeremia 5:25

Se nyɛ ní peemi ní yayami ɔmɛ tsake ní nɛ ɔmɛ; nyɛ yayami ɔmɛ ha nɛ ní kpakpa nɛ ɔmɛ bɔ nyɛ.

Malaki 1:9

Lɔ ɔ he ɔ, nyɛ osɔfohi, nyɛɛ ka kaa nyɛ maa fa kue ha Mawu, konɛ e na wɔ mɔbɔ. Ke nyɛ hɛɛ nike ní kaa kikɛ nɛ ɔ kɛ ba a, anɛ Mawu maa bu nyɛ kue fami ɔ tue lo?

Hosea 13:4

Yawɛ ke, “Imi ji Yawɛ, nyɛ Mawu ɔ nɛ je nyɛ kɛ je Egipt ɔ nɛ. Imi pɛ ji nyɛ Mawu. Imi nɔ kake too pɛ ji nyɛ kpɔlɔ.

Yesaya 3:11

Se yayami peeli lɛɛ musu tloo mɛ; yayami nɛ a pee ní kpahi ɔ, jehanɛ, a ma ngɔ pee mɛ nitsɛmɛ.

Yesaya 3:9

A ní peepee yeɔ odase kɛ siɔ mɛ; ejakaa a jeɔ a hɛ mi paa kɛ peeɔ yayami kaa Sodom bi; a kɛ laa we. Musu tloo mɛ! Mɛ nitsɛmɛ nɛ a ye a he awi ɔ nɛ.

Abɛ Womi 8:36

Se nɔ nɛ hla we mi ɔ, lɛ nitsɛ e he awi lɛ e ngɛ yee. Nihi tsuo nɛ nyɛɔ mi ɔ, a suɔ gbenɔ.”

Abɛ Womi 6:32

Se nyumu nɛ puɛɔ gba a, e be juɛmi; lɛ nitsɛ e hɛ mi lɛ e ngɛ kpatae.

La 146:5

Nɔ nɛ Yakob Mawu ɔ ji e he piɛlɔ, nɛ e ngɔɔ e hɛ kɛ fɔɔ Yawɛ e Mawu ɔ nɔ ɔ, a gbaa lɛ.

La 46:1

Mawu ji wa wesa he, kɛ wa he wami. Wa fimi behi tsuo a mi ɔ, e ngɛ wa kasa nya.

La 33:20

Wa ngɔ wa hɛ ngɔ fɔ Yawɛ nɔ; lɛ ji wa yi baalɔ nɛ piɛɔ wa he.

Mose V, 33:29

A gbaa nyɛ, Israel ma. Ma ko ma ko be kaa nyɛ ma nɛ Yawɛ he nyɛ yi wami. Yawɛ ji nyɛ tsɛ̃i kɛ klaate. Lɛ ji nɔ nɛ faa nyɛ he. Lɛ ji nɔ nɛ haa nyɛ yeɔ kunimi. Nyɛ he nyɛli ɔmɛ ma ba kpa nyɛ pɛɛ ke nyɛɛ na mɛ mɔbɔ; se nyɛɛ lɛɛ nyɛ maa naa a nɔ.”

Yeremia 4:18

Yuda, mo nitsɛ o je mi babɛ, kɛ o ni peepee lɛ ngɔ haomi nɛ ɔ kɛ ba o nɔ ɔ nɛ. E ngɛ kaa tsopa ko nɛ mo nitsɛ o nu, nɛ e doomi ɔ ya su o tsui he tɔɔ.

Malaki 1:12

Se nyɛɛ lɛɛ nyɛ deɔ ke ye bɔ sami la tɛ ɔ he be se nami ko. Jehanɛ hu, nyɛ ngɔɔ niye ní nɛ a hiee kɛ ba sãã bɔ ngɛ nɔ.

Malaki 1:13

Nyɛ deɔ ke, ‘Mɛni haomi po ji nɛ ɔ!’ Nɛ nyɛ gbeɔ ye he guɛ. Lohwe nɛ nyɛ kɛ ba sãã bɔ ha mi ji lohwe jujui, loo akpaketsɛ, loo hiɔtsɛ. Anɛ ma he bɔhi kaa kikɛ nɛ ɔ ngɛ nyɛ dɛ lo?

Kronika II, 28:23

E sãã bɔhi kɛ haa Siria mawu ɔmɛ nɛ ba ye e nɔ kunimi ɔ. E deɔ ke, “Siria mawu ɔmɛ piɛɔ Siria matsɛmɛ ɔmɛ a he. Lɔ ɔ he ɔ, ke i sã bɔ kɛ ha mɛ ɔ, a maa piɛ imi hu ye he.” Nɔ́ nɛ ɔ kɛ haomi ba e kɛ e ma a tsuo nɔ.

Hosea 7:14

Ke a ngɛ kue fae ha mi ɔ, e ji a tsui mi; awe sɔuu a hii nyae ngɛ sa mi. Ke a ngɛ sɔlee nɛ ma ha mɛ blɛfo kɛ dã a, a kɛ nɔ́ poɔ a he basabasa kaa wɔ jali. Atuã tsɔli!

Hosea 7:15

Imi nitsɛ nɛ i tsɔse mɛ, nɛ i ha nɛ a he wa, se a soɔ kɛ woɔ ye he.