Hosea 13:16 - BAIBLO ALOO NGMAMI KLƆUKLƆU Ɔ

¹⁶ A maa gbla Samaria tue, ejakaa e tsɔ ye hɛ mi atuã. Ta ma kpata ma a mi bi ɔmɛ a hɛ mi; a maa ngɔ a bimwɔwi ɔmɛ ngɔ fiaa si, nɛ a kɛ klaate ma fɛ yihɔyi ɔmɛ a mi mi.”

Hosea 13:16 ပူးပေါင်းရင်းမြစ်များ

Matsɛmɛ II, 15:16

Benɛ Menahem je Tirza kɛ yaa a, e kpata Tapua ma a, ma mi bi ɔmɛ, kɛ zugbahi nɛ bɔle Tapua ma a a hɛ mi. Yihɔyihi nɛ ngɛ ma a mi po, e ta bimɛ ɔmɛ ngɛ mɛ tsuo pɛpɛɛpɛ a mi mi. Menahem pee nɔ́ nɛ ɔ, ejakaa ma a he we lɛ atuu.

Matsɛmɛ II, 17:18

Enɛ ɔ he je ɔ, Yawɛ mi mi fu Israel wawɛɛ nitsɛ, nɛ e je e hɛ ngɛ mɛ tsuo pɛpɛɛpɛ a nɔ, ja Yuda wɛtso ɔ pɛ.

Matsɛmɛ II, 17:5

Enɛ ɔ se ɔ, Asiria matsɛ ɔ ya tua Israel zugba a tsuo; nɛ benɛ e su Samaria a, e sa ma a yi jeha etɛ.

Matsɛmɛ II, 17:6

Hoshea yi nɔ jeha nɛ ji nɛɛ ɔ mi ɔ, Asiria matsɛ ɔ ngɔ Samaria, nɛ e muɔ Israel bi ɔmɛ kɛ ho Asiria ya. E ngɔ ni komɛ ya to Hala, e ngɔ ni komɛ ya to Habor pa a nya ngɛ Gozan zugba a nɔ, nɛ e ngɔ ni komɛ hu ya to Media bi ɔmɛ a ma amɛ a mi.

Matsɛmɛ II, 8:12

Hazael bi lɛ ke, “Ye nyɔmtsɛ, mɛni he je o ngɛ ya foe ɔ?” Elisha he nɔ ke, “Ejakaa i le ní yayamihi nɛ o maa pee Israel ma a. O maa mɛ a mɔ ɔmɛ a he la; o kɛ klaate maa gbe a nihewi ɔmɛ; o maa ngɔ a bimɛ tsɔwitsɔwi ɔmɛ kɛ fia si, nɛ a maa ku dukuduku. Yihɔyi ɔmɛ lɛɛ o ma gba a muklii ɔmɛ.”

Yesaya 13:16

A maa ngɔ a bimwɔwi ngɔ fiaa si, nɛ a ma gbo; a maa ha a we mi níhi, nɛ a maa pee a yi ɔmɛ basabasa ngɛ a hɛ mi paa.”

Yesaya 17:3

Israel be lɛ nitsɛ e he nyɛe ma fa hu, nɛ Damasko nɔ yemi ɔ se maa po. Siria bi nɛ a yi ma na wami ɔ, zo maa gbe mɛ kaa Israel bi ɔmɛ nɔuu. Imi, Yawɛ Tabohiatsɛ lɛ i de.”

Yesaya 8:4

Loko bi nɛ ɔ maa le ‘Maa’ loo ‘Tsaatsɛ’ demi ɔ, Asiria matsɛ ɔ ma ba muɔ Damasko sika tsuo, kɛ Samaria ta yibu ní tsuo kɛ ho.”

Hosea 10:2

A yi Mawu anɔkuale, lɔ ɔ he ɔ, a maa gbla a tue ngɛ a yayami ɔmɛ a he. Yawɛ maa ku a bɔ sami la tɛ ɔmɛ, kɛ titima amɛ kɛ pue si.

Hosea 11:6

Ta ma ba tua a ma amɛ; a maa ku a gbogbo ɔmɛ ngɔ pue si, nɛ a ma kpata a hɛ mi ngɛ a yi mi tomi ɔmɛ a he.

Hosea 7:14

Ke a ngɛ kue fae ha mi ɔ, e ji a tsui mi; awe sɔuu a hii nyae ngɛ sa mi. Ke a ngɛ sɔlee nɛ ma ha mɛ blɛfo kɛ dã a, a kɛ nɔ́ poɔ a he basabasa kaa wɔ jali. Atuã tsɔli!

Amos 1:13

Yawɛ ke, “Amon ma mi bi ɔmɛ pee yayamihi nɔtonɔto babauu. Benɛ a ngɛ ta hwue ngɛ Gilead nɛ a kɛ kpɔ nihi a zugba a, a pee yi wu tso níhi fuu; a kɛ klaate tsɔtslɔɔ yihɔyihi po a mi mi. Enɛ ɔ he je ɔ, ja i gbla a tue kokooko.

Amos 3:9

Mawu de gbalɔ ɔ ke e tsɔ nɛ a ya de nihi nɛ a ngɛ mɔ nguanguahi a mi ngɛ Egipt kɛ Ashdod ke, “Nyɛ ya bua nyɛ he nya ngɛ yo ɔmɛ nɛ bɔle Samaria a nɔ, nɛ́ nyɛɛ hyɛ yayamihi nɛ a ngɛ pee ngɛ lejɛ ɔ, kɛ bɔ nɛ lejɛ ɔ pee basabasa ha.”

Amos 9:1

I na Yawɛ nɛ daa si ngɛ bɔ sami la tɛ ɔ hɛ mi. E fa ke, “Nyɛɛ ngɔ nɔ́ kɛ fia titima amɛ nɛ ngɛ Yawɛ we ɔ mi ɔ a yi mi kpɔ ɔmɛ a nɔ wawɛɛ, konɛ tsu ɔ sisi tomi ɔ nɛ mimiɛ, nɛ tsu ɔ nɛ hule ngɔ pue ni ɔmɛ tsuo nɛ ngɛ lejɛ ɔ a nɔ. Ni nɛmɛ nɛ maa piɛ ɔ, ma gbe mɛ ngɛ ta nga nɔ; nɔ ko nɔ ko be fo tue kɛ je, nɛ nɔ kake ngmelu po he be mi jee.

Mika 1:4

Yo ɔmɛ maa sile ngɛ e nane sisi kaa hwo gbaku ngɛ la mi; nɔ́ nɛ sile ɔ ma kpa ngɔ pue kɔ̃ ɔmɛ a mi kaa pa nɛ hia kɛ bee ngɛ yoku he kɛ yaa kɔ̃ mi.

Mika 6:16

Ní nɛ ɔmɛ maa ba mi, ejakaa nyɛ ya ye Matsɛ Omri mlaa amɛ a nɔ, nɛ níhi nɛ e bi Ahab pee ɔ, nyɛ hu nyɛ pee jamɛ a ní ɔmɛ nɔuu. Nyɛ ya nyɛɛ a blɔ yayami ɔmɛ a nɔ. Enɛ ɔ he je ɔ, ma kpata nyɛ hɛ mi pɛsɛpɛsɛ. Je ma amɛ ma li nyɛ, nɛ a maa ye nyɛ he fɛu; nɔ tsuaa nɔ nɛ maa na nyɛ ɔ maa hie nyɛ.” Yawɛ lɛ de.

Nahum 3:10

Se kɛ̃ ɔ, a nuu Tebes bi ɔmɛ nyɔguɛ kɛ ho ma se ya. A fiaa jokuɛwi ɔmɛ ní nɛ a gbe ngɛ ma a mi blɔ ɔmɛ a kɔ nya amɛ tsuo. A nuu a ma nimeli ɔmɛ, nɛ a wo mɛ kɔsɔkɔsɔ kɛ ho. A dla mɛ ngɔ ha nihi nɛ ba nuu mɛ ɔ.