Hosea 13:15 - BAIBLO ALOO NGMAMI KLƆUKLƆU Ɔ

¹⁵ Ke Israel ma a ngɛ plɔkee, nɛ e pee plɔplɔɔplɔ kaa nga po, ma ha kɔɔhiɔ nɛ mi dɔ la maa fia kɛ je nga kplanaa a nɔ ngɛ beleku je kɛ ba. Kɔɔhiɔ ɔ ma ha nɛ nyu maa ta a vu ɔmɛ a mi, nɛ pa amɛ maa mii. Ma ha a juetli tsuo maa ta.

Hosea 13:15 ပူးပေါင်းရင်းမြစ်များ

Mose I, 41:23

Kɛkɛ nɛ blɛfo tso kpaago kpa hu ba tso ɔ nɔ; mɛɛ a wui ní, nɛ jehanɛ se hu, ahlabata kɔɔhiɔ ngla mɛ.

Mose I, 41:52

E wo enyɔne ɔ Efraim, nɛ e de ke, “Mawu ha nɛ i wo ngmɛdu ngɛ zugba nɛ i na amanehlu ngɛ nɔ ɔ nɔ.”

Mose I, 41:6

Blɛfo kpaago kpa hu ba tso ɔ nɔ; mɛɛ a wui ní, nɛ jehanɛ se hu, ahlabata kɔɔhiɔ ngla mɛ.

Mose I, 48:19

Se e tsɛ ɔ kplɛɛ we. E tsɛ ɔ de ke, “I le, ye bi, i le. Manase ɔ, lɛ hu e nina ma ba pee ma agbo hwɔɔ se. Se mohu ɔ, e senɔ ɔ ma ba pee nɔmlɔ agbo pe lɛ, nɛ e senɔ ɔ nina ma ba pee je ma nguanguahi.”

Mose I, 49:22

“Yosef ngɛ kaa nga mi teji ngɛ pa he. E ngɛ kaa nga mi okpɔngɔ bi ngɛ yoku he.

Hiob 18:16

E sipoku ma gbli ngɛ e sisi, nɛ e kɔnihi maa ylɔ.

La 1:4

Se yayami peeli lɛɛ pi ja nɛ a ngɛ; mɛɛ a ngɛ kaa jakati nɛ kɔɔhiɔ muɔɔ kɛ yaa.

La 109:13

E ngmɛdu hɛ mi nɛ kpata pɛsɛpɛsɛ; nɛ yi nɔ nɛ maa nyɛɛ se ɔ ko le e biɛ tete po.

Yesaya 14:21

Nyɛɛ hyɛ nɛ nyɛɛ gbe a bimɛ ɔmɛ; nyɛ bɔni a hɛ mi kpatami koo! Matsɛ ɔ binyumu ɔmɛ ma gbo ngɛ a nɛmɛ ɔmɛ a he yayami ɔmɛ a he. Ke pi ja a, a ma ba te si ekohu; a maa ye je ɔ nɔ, nɛ a maa po mahi ha a he.”

Yesaya 17:13

Je ma amɛ hia kɛ ma kaa wo oslɔke; se Mawu ku a nya la, nɛ a kpale a se kɛ yaa kaa bunyuku nɛ ngɛ tee puu ngɛ yoku he, loo kaa dwɔmi nɛ ahumi ngɔ kɛ yaa.

Yesaya 27:8

Tue gblami nɛ Yawɛ ha e ma a ji, e ha a nuu mɛ kɛ ho ma se ya. E ha beleku kɔɔhiɔ nɛ nya wa ko ba muɔ mɛ kɛ ho.

Yesaya 41:16

O maa fɔ̃ mɛ kɛ ya kɔɔhiɔ mi; nɛ kɔɔhiɔ maa muɔ mɛ kɛ ho. Ahumi maa gbɛ mɛ kɛ fĩa; se moo lɛɛ, o bua maa jɔ saminya; ejakaa imi ji o Mawu ɔ nɛ. O ma je imi! Israel Mawu Klɔuklɔu ɔ, ye yi.

Yeremia 20:5

Ma ha nɛ he nyɛli maa ha a níhi tsuo pɛpɛɛpɛ ngɛ ma a mi: níhi nɛ a gbo dengme kɛ na, weto ní kpakpahi, kɛ Yuda matsɛmɛ ɔmɛ a juetli; nɛ a maa muɔ kɛ ya Babilonia.

Yeremia 4:11

Be ma nɛ a ma de Yerusalem bi ɔmɛ ke ahlabata kɔɔhiɔ ko maa hia kɛ je nga kplanaa a nɔ kɛ ba a ngɔ; pi kɔɔhiɔ hɛlii nɛ maa muɔ jakati kɛ ho kɛkɛ.

Yeremia 4:12

Kɔɔhiɔ nɛ Yawɛ ma ha nɛ e fia nɛ ɔ nya maa wa wawɛɛ nitsɛ pe lɔ ɔ! Kɔɔhiɔ nɛ ɔ ji Yawɛ nitsɛ nɛ ma e ma a tue gblami ɔ nɛ.

Yeremia 51:1

Bɔ nɛ Yawɛ de ji nɛ ɔ nɛ: “Ma ha nɛ kɔɔhiɔ nɛ puɛɔ ní maa fia ngɛ Babilonia zugba a nɔ, nɛ e ma kpata nihi a hɛ mi.

Yeremia 51:36

Lɔ ɔ he ɔ, bɔ nɛ Yawɛ de Israel bi ɔmɛ ji nɛ ɔ nɛ: “Ma ye nyɛ sane ɔ ha nyɛ, nɛ ma gbla nyɛ he nyɛli ɔmɛ a tue ha nyɛ. Ma ha nɛ Babilonia wo ɔ, kɛ pa amɛ ma gbli.

Ezekiel 17:10

A ma tso ɔ lɛɛ, se e yi ma na wami lo? Anɛ ke ahlabata kɔɔhiɔ fia a, tso ɔ be gblie ngɛ he nɛ a ma lɛ ngɛ ɔ lo?”

Ezekiel 19:12

Se a kɛ abofu hia wai tso nɛ ɔ, nɛ a sake lɛ ngɔ fɔ si. Ahlabata kɔɔhiɔ fia, nɛ e ha nɛ tso ɔ gbli, nɛ e yiblii tsuo kplɔ pue si; tso agbo ɔ nitsɛ hu gbli, nɛ a kɛ la sã.

Daniel 11:8

E maa muɔ a mawu ɔmɛ, amaga amɛ, kɛ sika hiɔ kɛ sika tsu ní kpakpa amɛ kɛ ya Egipt. Nɛ e kɛ Siria matsɛ ɔ be ta hwue hu jeha babauu.

Hosea 10:1

Israel ma a ngɛ kaa wai tso nɛ wo yiblii babauu. Ke a ná ní ɔ, kɛkɛ a puɛ bɔ sami la tɛhi fuu. Titimahi nɛ a puɛ nɛ a jaa a, a dlaa a he nɛ a he peeɔ fɛu.

Hosea 2:3

Ke pi ja a, ma kpa bo ngɛ e he, nɛ e he maa fɔ si paslapaa kaa bɔ nɛ a fɔ lɛ ɔ. Ma ha e maa pee kaa zugba gbigbli nɛ bɛ ní; nɛ nyu kuma maa gbe lɛ.

Hosea 4:19

A maa be kɛ ho kaa bɔ nɛ kɔɔhiɔ woɔ nɔ́; nɛ zo maa gbe mɛ ngɛ bɔ ɔmɛ nɛ a sãã a he.

Hosea 9:11

Israel hɛ mi nyami ɔ maa laa mɛ tlukaa kaa bɔ nɛ lohwe pɛlitsɛ tee. Yi ɔmɛ be fɔe hu; hɔ tete po a be ngɔe.

Yona 4:8

Benɛ pu te si ɔ, Mawu ha beleku kɔɔhiɔ ko nɛ dɔ la fia, nɛ pu ɔ sãã Yona yi mi, nɛ e miɔ nɛ e maa hɛli. Kɛkɛ nɛ e de ke, “E hi kaa ma gbo mohu pee kaa ma hi je mi.”

Nahum 2:9

Nyɛɛ ha sika hiɔ! Nyɛɛ ha sika tsu! Juetli hyi ma a tɔ!

Mose V, 33:17

Yosef he wa kaa na ku; se e tsuɔ ní kaa na yo nɛ hɛ mi wo la. E he wami ɔ bɔbɔyoo pɛ lɛ ngɛ Manase; se hiɛhiɛɛ ɔ ngɛ Efraim. Yosef buaa a nya kɛ fieɔ a he nyɛli ɔmɛ kɛ yaa se lokoo kaa bɔ nɛ na kɛ e kolihi siɔ nɔ ɔ.”