Hosea 13:1 - BAIBLO ALOO NGMAMI KLƆUKLƆU Ɔ

¹ Be ko nɛ be ɔ, ke Efraim wɛtso ɔ de nɔ́ ko ɔ, Israel wɛtso kpa amɛ yee gbeye; ejakaa a buu Efraim saminya. Se ma a pee yayami kaa a ya ja Baal; lɔ ɔ he ɔ, a ma gbo.

Hosea 13:1 ပူးပေါင်းရင်းမြစ်များ

Mose I, 2:17

ja tso ɔ nɛ haa nɔ leɔ kpakpa kɛ yayami ɔ pɛ. Koo ye jamɛ a tso ɔ yiblii; ligbi nɛ o maa ye eko ɔ, o ma gbo.”

Matsɛmɛ I, 12:25

Matsɛ Yeroboam ya po ma ngɛ Shekem ngɛ Efraim yo ɔmɛ a nɔ, nɛ e hi lejɛ ɔ. Pee se ɔ, e je ya po ma ngɛ Penuel.

Hiob 29:21

Ke i ngɛ nihi ga woe ɔ, a peeɔ dii nɛ a buɔ nɔ́ nɛ i ngɛ dee ɔ tue.

Hiob 29:22

Ke i tu munyu gbe nya a, nɔ ko de we nɔ́ ko hu; ejakaa a nuɔ ye munyu ɔmɛ a sisi saminya.

Abɛ Womi 18:12

Nɔ nɛ baa e he si ɔ, a maa wo e hɛ mi nyami; ni nɛmɛ nɛ woɔ a he nɔ ɔ, mɛɛ lɛɛ hɛ mi kpatami blɔ nɔ a ngɛ.

Yesaya 66:2

Ye nine nya níhi ji ni nɛ ɔmɛ tsuo, lɔ ɔ he ɔ, ye níhi ji mɛ tsuo. Nihi nɛ baa a he si, nɛ a naa a he yayami nɛ a tsakeɔ a tsui, nihi nɛ yeɔ mi gbeye, nɛ a buɔ mi tue ɔ, mɛ ji nihi nɛ i suɔ.

Yesaya 7:8

Mɛni he je? Ejakaa Siria he wɛ pi Damasko nɛ ji e matsɛ ma a, nɛ Damasko he wɛ pi Rezin. Israel lɛɛ hiɛmɛ nɛ ɔ jeha nyingmi ekpa kɛ enuɔ ɔ, a ma kpata e hɛ mi butuu, bɔ nɛ e be nyɛe maa da si kaa ma hu.

Hosea 11:2

Se ke i hla kaa ma gbla mɛ kɛ ba ye ngɔ, kɛkɛ a tsɔ atuã. A ya sãã bɔ kɛ haa Baalhi, nɛ a sãã tsopa kɛ e he via hu kɛ haa amaga kpahi.

Hosea 2:10

Ma kpa bo ngɛ e he ngɛ e pla amɛ a hɛ mi paa; nɛ nɔ ko nɔ ko be nyɛe ma kpɔ lɛ.

Hosea 2:8

E li tete kaa ngma, dã, kɛ nu ɔ, imi lɛ i ha lɛ. Jehanɛ, sika hiɔ, kɛ sika tsu ní nɛ a kɛ jaa Baal ɔ, e li kaa imi lɛ i kɛ dloo lɛ.

Hosea 8:4

“Ye ma a wo matsɛmɛ nɛ i li he nɔ́ ko. A hla ma nimeli hu nɛ a bi we mi gbi. A ngɔ sika hiɔ, kɛ sika tsu kɛ puɛ amagahi nɛ ma kpata mɛ nitsɛmɛ a hɛ mi.

Mose IV, 10:22

Efraim bi ɔmɛ nyɛɛ Kohat bi ɔmɛ a se tabo nya tabo nya kɛ a wɛtso aflaangaa. A nyatsɛ ji Amihud bi Elishama.

Mose IV, 13:16

Nyumuhi nɛ Mose tsɔ ke a ya slaa zugba a, a biɛhi ji nɛ ɔmɛ nɛ. Se Nun bi Hoshea lɛɛ Mose tsake e biɛ kɛ pee Yoshua.

Luka 14:11

Ejakaa nɔ tsuaa nɔ nɛ woɔ e he nɔ ɔ, a maa ba lɛ si, nɛ nɔ nɛ baa e he si ɔ, a ma wo e nɔ.”

Romabi 5:12

Nɔ kake lɛ pee yayami, nɛ yayami kɛ gbenɔ ba. Enɛ ɔ ha gbenɔ sã nimli tsuo, ejakaa nɔ tsuaa nɔ pee yayami.

2 Korintobi 5:14

Suɔmi nɛ Kristo ngɛ kɛ ha wɔ ɔ woɔ wɔ he wami. Kristo gbo ha wɔ tsuo. Nɛ wa heɔ yeɔ kaa gbenɔ nɛ nɔ kake gbo ha nihi tsuo nɛ ɔ tsɔɔ kaa ni ɔmɛ tsuo gbo.

Yoshua 3:7

Enɛ ɔ se ɔ, Yawɛ de Yoshua ke, “Mwɔnɛ ligbi nɛ ɔ, ma bɔni o hɛ mi nyami womi ngɛ Israel ma a tsuo a hɛ mi, konɛ a na nɛ a le kaa bɔ nɛ i kɛ Mose hi si ɔ, jã kɛ̃ i kɛ mo hu maa hi si.

Manyadali 12:1

Efraim bi ɔmɛ dla a he kɛ ha ta. A po pa a kɛ ya Zafon, nɛ a ya de Yefta ke, “Mɛni he je nɛ o kɛ Amon bi ɔmɛ ya hwu ta, nɛ o tsɛ we wɔ nɛ wa ba piɛ o he ɔ? Wa maa mɛ o we ɔ he la kɛ pue o nɔ.”

Manyadali 8:1

Kɛkɛ nɛ Efraim bi ɔmɛ bi Gideon ke, “Mɛni o pee wɔ nɛ ɔ? Mɛni he je o ba kpee we wɔ benɛ o yaa nɛ o kɛ Midian bi ɔmɛ ya hwu ta a?” Nɛ a ka e hɛ mi saminya.

Samuel I, 15:17

Samuel de lɛ ke, “E ngɛ mi kaa o peeɔ o he humi mohu, se Israel wɛtso ɔmɛ a nyatsɛ ji mo. Yawɛ wo mo matsɛ ngɛ Israel.