Hosea 12:8 - BAIBLO ALOO NGMAMI KLƆUKLƆU Ɔ

⁸ Bɔ nɛ Israel ma a deɔ ji, ‘Niatsɛmɛ ji wɔ. Wa ná ní babauu.’ Se ní nɛ a na babauu ɔ tsuo be nyɛe ma je a he yayami ɔ.

Hosea 12:8 ပူးပေါင်းရင်းမြစ်များ

La 49:6

He nyɛli ɔmɛ ɔ, pi ní nɛ a na a nɔ nɛ a ngɔɔ a hɛ kɛ fɔɔ? Pi ní babauu nɛ a na a nɔ nɛ a fĩaa kɛ fɔɔ lo?

La 52:7

“Hyɛ, nyumu nɛ ɔ ngɔɛ e hɛ kɛ fɔɛ Mawu nɔ kaa e he bulɔ, mohu ɔ, ní babauu nɛ e na a nɔ e ngɔ e hɛ kɛ fɔ, nɛ yi wu tso níhi nɛ e pee ɔ nɛ wo lɛ he wami.”

La 62:10

Nyɛ ko ngɔ nyɛ hɛ kɛ fɔ amimi yemi nɔ; nyɛ ko hyɛ blɔ kaa nyɛ ma na nɔ́ kpakpa ko kɛ je ojo fiami mi. Ke nyɛ ba na ní babauu po, nyɛ ko ngɔ nyɛ hɛ kɛ fɔ nɔ.

Abɛ Womi 11:1

Susumi ní yayahi nɛ a kɛ sisiɔ nɔ ɔ, Yawɛ sume. Nɔ́ nɛ e suɔ ji nɔ́ susumi ní kpakpahi.

Abɛ Womi 30:12

Ni komɛ buɔ a he kaa a he tsɔ, be mi nɛ a sɛ mu kpɔtɔɔ.

Abɛ Womi 30:20

Bɔ nɛ yo gba puɛlɔ ngɛ ha ji nɛ ɔ nɛ; e yeɔ ní nɛ e tsuɔ e nya he saminyayoo, nɛ e deɔ ke, “Oo, i tsa pee we yayami ko.”

Yeremia 2:23

O ma de ke o ble we o he lo? O ma de ke o ja we Baalhi hyɛ lo? Hyɛ bɔ nɛ o pee yayami ngɛ kɔ̃ ɔ mi; hyɛ nɔ́ nɛ o pee. O pee kaa afukpɔngɔ yo nɛ he mi jɔɛ lɛ, nɛ ngɛ kpae kɛ ngɛ yae kɛ ngɛ bae.

Yeremia 2:35

nyɛ deɔ ke, ‘Oo, i tsa pee we yayami ko kɛ wui Mawu mi mi la; e mi mi tsa fu we mi pohu.’ Se imi Yawɛ, ma gbla nyɛ tue kɛ̃, ejakaa nyɛ ye lakpa ke nyɛ pee we yayami ko.

Yeremia 5:27

Ju níhi hyi a wehi a mi tɔ kaa lohwe pɛlitsɛmɛ nɛ a nuu kɛ wo kusii mi. Enɛ ɔmɛ a he je ɔ, a na ní, nɛ a pee nimli nguahi.

Ezekiel 28:5

O ngɛ jua yemi he juɛmi saminya, nɛ o ná ní babauu. Lɔ ɔ he ɔ, o wo o he nɔ gojoo ke niatsɛ ji mo!

Hosea 13:6

Se benɛ nyɛ ye ní nɛ nyɛ tɔ saminya a, nyɛ wo nyɛ he nɔ, nɛ nyɛ hɛ je ye nɔ.

Hosea 14:1

Israel ma, nyɛɛ kpale kɛ ba Yawɛ, nyɛ Mawu ɔ ngɔ. Nyɛ yayami ɔmɛ ha nɛ nyɛ pee kaa ni komɛ nɛ tɛ nɔ́ nɛ a nɔɔ si.

Hosea 4:8

Nyɛ náá ní babauu kɛ jee yayami nɛ ma a ngɛ pee ɔ mi. Lɔ ɔ he ɔ, nyɛ suɔ kaa ma a nɛ ya nɔ nɛ a hi yayami pee kpamisa.

Amos 8:5

Nyɛ biɔ nyɛ sibi ke, “Mɛni be Nyɔhiɔhe nyami be ɔ maa ta nɛ waa jua blɛfo? Mɛni be Hejɔɔmi ligbi ɔ maa be, nɛ wa bɔni ngma juami ekohu?” Nyɛ yaa nɔ nɛ nyɛ deɔ ke, “Wa ma tsake wa sɛni tɛ ɔmɛ, kɛ ní juami ní kpa amɛ, nɛ wa maa sisi ni nɛmɛ nɛ waa kɛ mɛ yeɔ jua a.

Habakuk 1:16

A jaa a ya amɛ, nɛ a sãã bɔhi haa mɛ, ejakaa a ya amɛ haa mɛ ní kpakpahi.

Zakaria 11:5

Totsɛmɛ ɔmɛ juaa to ɔmɛ, nɛ a deɔ ke, ‘Wa ná ní. Nyɛ ha wa je Yawɛ yi.’ Nihi nɛ heɔ to ɔmɛ ɔ, ya gbee mɛ nɛ nɔ ko gbla we a tue. To hyɛli ɔmɛ nitsɛmɛ lɛɛ, to ɔmɛ a he mɔbɔ ko kulaa pee we mɛ.”

Malaki 2:17

Nyɛɛ kɛ nyɛ munyu babauu ɔ woɔ Yawɛ pɔtɔ. Se nyɛ biɔ ke, “Kɛ wa peeɔ kɛ woɔ lɛ pɔtɔ kɛɛ?” Ɛ̃ɛ̃, bɔ nɛ nyɛ peeɔ ji kaa nyɛ deɔ ke, “Nɔ tsuaa nɔ nɛ peeɔ yayami ɔ, e hi, nɛ Yawɛ suɔ lɛ.” Jehanɛ hu, nyɛ biɔ ke, “Jije Mawu nɛ yeɔ dami sane ɔ ngɛ?”

Malaki 3:13

Yawɛ ke, “Nyɛ tuɔ munyuhi nɛ a he wa kɛ siɔ mi. Se nyɛ biɔ ke, ‘Kɛ wa plɛ kɛ tu munyu kɛ si mo kɛɛ?’

Luka 10:29

Se mlaa tsɔɔlɔ ɔ hla kaa e maa bu e he bemi, lɔ ɔ he ɔ, e bi Yesu ke, “Mɛnɔ ji ye nyɛmi?”

Luka 12:19

Kɛkɛ ɔ, ma de ye klaa ke, o he ngɛ ní loo! O ngɛ ní babauu nɛ a ngɔ to ha mo jehahi fuu. Fiɛ o yi nɔ bɔɔ! Yé ní, nɛ o nu ní, nɛ o na bua jɔmi!’

Luka 16:13

“Sɔmɔlɔ ko be nyɛe ma sɔmɔ nyɔmtsɛmɛ enyɔ; e maa suɔ nɔ kake pe nɔ kake; e maa nyɛ nɔ kake, nɛ e maa suɔ nɔ kake; aloo e maa pee nɔ kake suɔmi nya ní, nɛ nɔ kake ɔ lɛɛ e be lɛ bue fɛɛ. Nɔ ko be nyɛe ma sɔmɔ Mawu kɛ sika tsuo.”

Luka 16:15

Yesu de mɛ ke, “Nyɛ peeɔ nyɛ he nimli kpakpahi ngɛ nimli a hɛ mi, se Mawu lɛɛ e le nyɛ tsui mi. Ejakaa níhi nɛ adesa buu kaa a he jua wa a, Mawu hɛ mi lɛɛ a pi nɔ́ ko kulaa.

Mose V, 8:17

E pee ja, konɛ nyɛ ko susu kaa nyɛ nitsɛmɛ nyɛ he wami nya nɛ nyɛ na ní nɛ ɔmɛ tsuo.

1 Timoteo 6:17

Niatsɛmɛ nɛ ngɛ nyɛ kpɛti ɔ, nyɛɛ a nɔ nɛ a ko wo a he nɔ. Á ko ngɔ a hɛ ngɔ fɔ ní nɛ a na a nɔ, ejakaa ní nami se maa po. Á ngɔ a hɛ ngɔ fɔ Mawu mohu nɔ. Lɛ nɛ e haa wɔ ní kpakpahi babauu nɛ wa yeɔ faa.

1 Timoteo 6:5

nɛ a sãã nya be tsuaa be. A juɛmi be tutuutu, nɛ a li nɔ nɛ ji anɔkuale hu. E peeɔ mɛ kaa Mawu jami ji blɔ ko nɛ a guu nɔ kɛ naa ní kpɔtɔɔ.

Kpojemi 3:17

O deɔ ke, ‘I na ní kpɔtɔɔ; i plɔke, nɛ nɔ́ ko nɔ́ ko hia we mi!’ Se o li tete kaa o ngɛ dengme mi, nɛ o ní ngɛ mɔbɔ! O li kaa ohiatsɛ ji mo! O li kaa o hɛɛ o he gu, nɛ o hɛngmɛ hu yu!