Hosea 12:7 - BAIBLO ALOO NGMAMI KLƆUKLƆU Ɔ

⁷ Yawɛ ke, “Jua yelɔ nɛ ngɔɔ lakpa sɛni kɛ e nɔ sɛni tɛ kɛ juaa ní ɔ, nɔ sisilɔ ji lɛ.

Hosea 12:7 ပူးပေါင်းရင်းမြစ်များ

Mose I, 49:18

“Yawɛ, i ngɛ mo blɔ hyɛe nɛ o ba kpɔ mi.

Abɛ Womi 11:1

Susumi ní yayahi nɛ a kɛ sisiɔ nɔ ɔ, Yawɛ sume. Nɔ́ nɛ e suɔ ji nɔ́ susumi ní kpakpahi.

Abɛ Womi 16:11

Yawɛ suɔ kaa jua yeli nɛ a ngɔ sɛni, kɛ sɛni tɛ kpakpahi kɛ jua ní, konɛ a ko sisi nɔ.

Yesaya 3:5

A maa wa a sibi yi mi. Nihewi maa hyɛ nikɔtɔma hɛ mi, nɛ nihi nɛ bu be a he maa wo a he ha nihi nɛ a hɛ mi ngɛ nyami.

Yesaya 56:1

Bɔ nɛ Yawɛ ngɛ e ma a dee ji nɛ ɔ nɛ: “Nyɛɛ pee nɔ́ nɛ da, kɛ nɔ́ nɛ sa, ejakaa e be kɛe kulaa nɛ ma ba he nyɛ yi wami.

Ezekiel 16:3

De Yerusalem ke bɔ nɛ Nyɔmtsɛ Yawɛ ngɛ lɛ dee ji nɛ ɔ nɛ: “Kanaan zugba a nɔ o je; lejɛ ɔ a fɔ mo ngɛ. Amor no ji o tsɛ, nɛ o nyɛ lɛɛ Hit no ji lɛ.

Ezekiel 22:29

Zugba a nɔ bi ɔmɛ tsuo yeɔ amimi, nɛ a haa níhi; a waa dɛgutsɛ, kɛ ohiatsɛmɛ yi mi. A yeɔ nubwɔ amimi wawɛɛ nitsɛ nɛ a yɛ se.

Ezekiel 28:5

O ngɛ jua yemi he juɛmi saminya, nɛ o ná ní babauu. Lɔ ɔ he ɔ, o wo o he nɔ gojoo ke niatsɛ ji mo!

Hosea 14:2

Nyɛɛ kpale kɛ ba Yawɛ, nyɛ Mawu ɔ ngɔ. Nyɛ ba fa kue ha lɛ, nɛ nyɛ de lɛ ke, “Ngɔɔ wa he yayami ɔmɛ kɛ pa wɔ; nɛ o bu wa kue fami ɔ tue, konɛ wa je o yi kaa bɔ nɛ wa wo si ɔ.

Yoel 2:12

Yawɛ ke, “Nyɛ tsake nyɛ tsui anɔkuale mi, nɛ nyɛɛ kpale kɛ ba ye ngɔ nɔuu. Nyɛɛ ha hwɔ; nyɛɛ wo yana, nɛ nyɛɛ ye kɔmɔ.

Amos 2:7

Nyɛ niatsɛmɛ ɔmɛ hlaa kaa a ye ohiatsɛmɛ amimi daa; ke ohiatsɛ ngɛ amanehlu mi, kɛkɛ niatsɛ bua jɔ. Nɔ kɛ e tsɛ po kɛ nyɔguɛ yo kake naa bɔmi, nɛ a kɛ nɔ́ nɛ ɔ peemi bleɔ ye biɛ klɔuklɔu ɔ.

Amos 3:9

Mawu de gbalɔ ɔ ke e tsɔ nɛ a ya de nihi nɛ a ngɛ mɔ nguanguahi a mi ngɛ Egipt kɛ Ashdod ke, “Nyɛ ya bua nyɛ he nya ngɛ yo ɔmɛ nɛ bɔle Samaria a nɔ, nɛ́ nyɛɛ hyɛ yayamihi nɛ a ngɛ pee ngɛ lejɛ ɔ, kɛ bɔ nɛ lejɛ ɔ pee basabasa ha.”

Amos 4:1

Amos ya nɔ nɛ e de ke, “Nyɛ Samaria yihi nɛ nyɛ plɔke pee tɔfutɔfu kaa Bashan nahi nɛ a je blɔ lɛ mɛ, nyɛɛ bu tue! Nyɛ nɛ nyɛ waa ohiatsɛmɛ yi mi, nɛ nyɛ sisiɔ dɛgutsɛmɛ, nɛ nyɛ nyɛɔ nyɛ hunomɛ a nɔ ke a ha nyɛ dã nɛ nyɛɛ nu!

Amos 5:11

I le kaa nyɛ peeɔ yayami agboagbohi babauu. Nyɛ waa nimli kpakpahi yi mi. Nyɛ heɔ nyɔ mi ní. Nyɛ sisiɔ ohiatsɛmɛ, nɛ nyɛ plɛɔ dami sane hɛ mi ngɔ buɔ si. Enɛ ɔmɛ a he je ɔ, mɔ kpakpahi nɛ nyɛɛ kɛ tɛ ma a, nyɛ be a mi hie. Jehanɛ se hu, wai ngmɔ saminyawiiwi nɛ nyɛ pee ɔ, nyɛ be a mi dã nue.

Mika 2:1

Musu tloo nihi nɛ soɔ yi wu tso níhi, nɛ a toɔ yayami peemi he ga nyɔ mi ngɛ sa mi. Ke je na nɛ a na he blɔ pɛ, a peeɔ yayami nɛ a to he ga a.

Mika 7:2

Anɔkualetsɛmɛ ta zugba a nɔ; dalɔ kake ngmelu po be. Nɔ tsuaa nɔ ngɛ blɔ ko hlae nɛ e kɛ pue muɔ si; nɔ tsuaa nɔ ngɛ lɛ nitsɛ e nyɛmi klama tsɔe.

Zakaria 14:21

Buɛhi tsuo nɛ ngɛ Yerusalem, kɛ Yuda zugba a nɔ ɔ maa pee klɔuklɔu ha Yawɛ Tabohiatsɛ ɔ. Nihi nɛ ma ba sã bɔ ɔ, ma ba ngɔ buɛ nɛ ɔmɛ, nɛ a maa hoo lohwe nɛ a kɛ sã bɔ ɔ ngɛ mi. Jamɛ a be ɔ, jua yelɔ ko jua yelɔ ko be Yawɛ, Tabohiatsɛ ɔ we ɔ mi hie hu.

Zakaria 5:8

Bɔfo ɔ de ke, “Yo nɛ ɔ daa si ha yi wu tso ní peemi.” Kɛkɛ nɛ e nyɛ yo ɔ nɔ kɛ wo kusii ɔ mi, nɛ e ngɔ nya nɔ́ ɔ kɛ bu nya.

Zakaria 7:9

“Blema lokoo ɔ, i wo ye ma a mlaa nɛ ɔmɛ ke, ‘Nyɛɛ hyɛ nɛ a ye dami sane; nyɛ mi mi nɛ jɔ, nɛ nyɛɛ na nyɛ sibi mɔbɔ.

Malaki 3:5

Yawɛ Tabohiatsɛ ɔ ke, “Ma ba nyɛ ngɔ nɛ ma ba kojo, nɛ ma gbla nimli nɛ ɔmɛ a tue amlɔ: kunya yeli, gba puɛli, lakpa odase yeli, nihi nɛ sisiɔ ní tsuli nɛ a wui mɛ hiɔ susui, kɛ ni nɛmɛ nɛ waa yalɔyihi, awusahi, kɛ nibwɔhi yi mi. Ee, ma gbla nɔ tsuaa nɔ nɛ bui mi ɔ tue.” Yawɛ Tabohiatsɛ ɔ lɛ de.

Yohane 2:16

Nihi nɛ ngɛ lahuɛhi juae ɔ, e de mɛ ke, “Nyɛ je ní nɛ ɔmɛ kɛ je hiɛ ɔ esɔ! Tsaatsɛ we ɔ, nyɛ ko ngɔ kɛ pee jua nɔ.”

Yakobo 5:4

Apaa yeli nɛ hu nyɛ ngmɔ ɔmɛ ha nyɛ ɔ, nyɛ wui mɛ hiɔ. Nyɛɛ hyɛ bɔ nɛ a ngɛ ngmlaa kpae boboobo ha! Ní kpali nɛ bua nyɛ ngmɔ ní nya a a ngmlaa a ya su Nyɔmtsɛ Tabohiatsɛ ɔ tue mi tɔɔ.

Samuel I, 12:3

Imi ji nɛ ɔ nɛ. Ke i pee nɔ́ ko nɛ dɛ ɔ, nyɛɛ po ye nya ngɛ Yawɛ, kɛ nɔ nɛ a wo lɛ matsɛ ɔ a hɛ mi. Anɛ i kpɔ nɔ ko na, loo nɔ ko teji? Anɛ i ye nɔ ko amimi, aloo i wa nɔ ko yi mi? Anɛ i he nyɔ mi ní ngɛ nɔ ko dɛ bɔ nɛ pee nɛ ma ye e sane ɔ ha lɛ lo? Nyɛ de, konɛ ma to nyɛ nane mi.”