Hosea 12:6 - BAIBLO ALOO NGMAMI KLƆUKLƆU Ɔ

⁶ Lɔ ɔ he ɔ, Yakob nina, nyɛɛ ngɔ nyɛ hɛ ngɔ fɔ nyɛ Mawu ɔ nɔ, nɛ nyɛɛ kpale kɛ ba e ngɔ. Nyɛɛ suɔ lɛ anɔkuale mi, nɛ́ nyɛɛ ye dami sane. Nyɛɛ to nyɛ tsui si, nɛ́ nyɛɛ hyɛ nyɛ Mawu ɔ blɔ.

Hosea 12:6 ပူးပေါင်းရင်းမြစ်များ

Mose I, 49:18

“Yawɛ, i ngɛ mo blɔ hyɛe nɛ o ba kpɔ mi.

La 123:2

O nɛ, bɔ nɛ tsɔli hyɛɛ a nyɔmtsɛ blɔ, nɛ mawayo hu hyɛɛ e wenyɛ blɔ ɔ, ja nɔuu wɔ hu wa ngɛ Yawɛ, wa Mawu ɔ blɔ hyɛe kɛ yaa su be nɛ e maa na wɔ mɔbɔ.

La 27:14

Ngɔɔ o hɛ kɛ fɔ Yawɛ nɔ. Na tsui; o kɔni mi ko jɔ̃, nɛ e maa wo mo he wami. Ee, ngɔɔ o hɛ kɛ fɔ Yawɛ nɔ.

La 37:7

Pee dii ngɛ Yawɛ hɛ mi; too o tsui si, nɛ o hyɛ lɛ blɔ. Koo ye o tsui ngɛ nihi nɛ ná a he ɔ a he; nihi nɛ pee yayami nɛ a kɛ ná a he ɔ, koo ye o tsui ngɛ a he.

Mose II, 3:15

Mawu de Mose ekohu ke, “Mo de Israel bi ɔmɛ ke, Yawɛ, nyɛ nɛmɛ Abraham, Isak, kɛ Yakob a Mawu ɔ, lɛ nɛ e tsɔ mi nyɛ ngɔ. Biɛ nɛ ɔ ji ye biɛ kɛ yaa neneene, nɛ yi nɔhi nɛ maa ba a, mɛ hu a ma tsɛ mi jã.

Abɛ Womi 1:23

Nyɛɛ bu tue nɛ ma ka nyɛ hɛ mi. Ma wo nyɛ ga kpakpa, nɛ i kɛ nyɛ maa tu nile munyu.

Abɛ Womi 21:3

Pee nɔ́ nɛ sa, kɛ nɔ́ nɛ da; lɔ ɔ saa Yawɛ hɛ mi pe nɔ nɛ a maa sã bɔ ha lɛ.

Yesaya 1:16

Nyɛɛ du nyɛ he, konɛ nyɛ he nɛ tsɔ. Nyɛ kpa yayami nɛ nyɛ ngɛ pee nɛ ɔ nɛ ma jɔɔ hyɛmi. Ee, nyɛ kpa yayami peemi,

Yesaya 30:18

Se kɛ̃ ɔ, Yawɛ ngɛ mlɛe kaa e maa na nyɛ mɔbɔ; ejakaa nɔ́ nɛ da pɛ e peeɔ daa. Nihi nɛ ngɔɔ a hɛ ngɔ fɔɔ Yawɛ nɔ ɔ, a naa bua jɔmi.

Yesaya 31:6

Yawɛ ke, “Israel ma, nyɛ pee yayami kɛ si mi, nɛ nyɛ tsɔ atuã. Se jehanɛ lɛɛ, nyɛɛ kpale kɛ ba ye ngɔ!

Yesaya 40:31

Se ni nɛmɛ nɛ ngɔɔ a hɛ ngɔ fɔɔ Yawɛ nɔ ɔ, a naa he wami he kaa kɔle nɛ ngɛ tee; a tuɔ fo, nɛ pɔ tɔɛ mɛ, a nyɛɛɔ, nɛ a gbɔjɔɔ we.

Yesaya 58:6

“Hwɔ hami nɛ maa sa ye hɛ mi ji nɛ ɔ nɛ. Nyɛ kpa yi wu tso ní peemi, nɛ nyɛɛ ye dami sane. Nyɛ kplɔ kuɛpã tso ngɛ ni nɛmɛ nɛ nyɛ ngɛ mɛ yi mi wae ɔ a kuɛ, nɛ nyɛɛ ku mɛ dukuduku, konɛ ni ɔmɛ nɛ a ye a he.

Yesaya 8:17

Yawɛ ngɔ e hɛ mi ngɔ laa e ma a, se imi lɛɛ i heɔ yeɔ, nɛ i ngɔ ye hɛ ngɔ fɔ e nɔ.

Yeremia 22:15

Ke o ngɔ seda kɛ po we saminyayoo nɛ ngɛ fɛu pe ni kpahi a wehi ɔ, anɛ lɔ ɔ peeɔ mo matsɛ slɔɔto ko lo? O tsɛ hi si saminya, nɛ nɔ́ tsuaa nɔ́ hi ha lɛ; e ye je mi ngɔɔmi nɛ e fiɛ e yi nɔ bɔ nɛ sa. Ejakaa e ye dami sane ngɛ nɔ́ tsuaa nɔ́ mi.

Ezekiel 18:30

“Lɔ ɔ he ɔ, imi Nyɔmtsɛ Yawɛ nitsɛ ma kojo Israel ma a tsuo; nɔ tsuaa nɔ ɔ, bɔ nɛ e ba e je mi ha a nɔ ma da kɛ kojo lɛ. Nyɛ kpa yayami ɔmɛ tsuo nɛ nyɛ ngɛ pee ɔ mɔ, konɛ nyɛ yayami ɔmɛ ko kpata nyɛ hɛ mi.

Hosea 10:12

I de ke, ‘Nyɛɛ ye dami sane, konɛ ma suɔ nyɛ, nɛ ma gbaa nyɛ. Nyɛ tsake nyɛ tsui; ejakaa be ɔ su nɛ nyɛ ma hla imi Yawɛ, ye se blɔ. Kɛkɛ ɔ, ma ha dami sane yemi ma he si kaa bɔ nɛ hiɔmi nɛɛ ɔ.’

Hosea 14:1

Israel ma, nyɛɛ kpale kɛ ba Yawɛ, nyɛ Mawu ɔ ngɔ. Nyɛ yayami ɔmɛ ha nɛ nyɛ pee kaa ni komɛ nɛ tɛ nɔ́ nɛ a nɔɔ si.

Hosea 4:1

Nyɛ Israel bi, nyɛɛ bu nɔ́ nɛ Yawɛ ngɛ dee ɔ tue. Yawɛ ke Israel ma a tɔ̃ e nɔ. E ke, “Anɔkuale yemi ta zugba a nɔ; suɔmi be, nɛ imi Mawu nitsɛ hu a li mi.

Yoel 2:12

Yawɛ ke, “Nyɛ tsake nyɛ tsui anɔkuale mi, nɛ nyɛɛ kpale kɛ ba ye ngɔ nɔuu. Nyɛɛ ha hwɔ; nyɛɛ wo yana, nɛ nyɛɛ ye kɔmɔ.

Yoel 2:13

Nyɛ ha nɛ e hao nyɛ ngɛ nyɛ tsui mi; se pi kaa nyɛ ma hía nyɛ tadehi ngɛ nyɛ he kɛkɛ.” Nyɛɛ kpale kɛ ba Yawɛ, nyɛ Mawu ɔ ngɔ, ejakaa e mi mi jɔ, nɛ e naa mɔbɔ; e toɔ e tsui si; e yeɔ e siwo nɔ; e mi mi fu we mla, se mohu e kɛ nɔ́ paa.

Amos 4:13

Mawu lɛ puɛ yo ɔmɛ. Lɛ nɛ e pee kɔɔhiɔ, nɛ e haa nɛ nɔmlɔ adesa leɔ e yi mi tomi; Mawu haa nɛ piani peeɔ nyɔ mi. Lɛ nɛ e yeɔ je ɔ tsuo nɔ. E biɛ ji Yawɛ Tabohiatsɛ!

Amos 5:24

Se mohu ɔ, nyɛɛ ye dami sane daa nɛ nyɛ ko kpa kaa bɔ nɛ pa nguaa ko hii bee nɛ e se pui gblee ɔ; nyɛɛ pee nɔ́ nɛ da be tsuaa be, nɛ nyɛɛ hi kaa pa nɛ nyu tɛ mi gblee.

Mika 6:8

Dɛbi! Yawɛ tsɔɔ wɔ nɔ́ nɛ hi. Nɔ́ nɛ e ngɛ hlae ngɛ wa dɛ kɛkɛ ji kaa waa ye dami sane, nɛ waa na mɔbɔ, nɛ waa ba wa he si ha wa Mawu ɔ.

Mika 7:7

Se imi lɛɛ, ma hyɛ Yawɛ blɔ. I kɛ ye hɛ maa fɔ Mawu nɔ, ejakaa lɛ ji nɔ nɛ ma he ye yi wami. Ye Mawu ɔ maa bu mi tue.

Habakuk 2:3

Ngmaa kɛ to; ejakaa be nɛ a ma tsu nɔ́ nɛ ɔ sui lolo. Se kɛ̃ ɔ, be ɔ ma, nɛ e be kɛe, nɛ nɔ́ nɛ ma je ngɔ tsɔɔ mo ɔ maa ba mi kokooko. E maa pee kaa nɔ́ nɛ e ma blɛuu tsɔ, se kɛ̃ ɔ, hyɛ́ blɔ. Ejakaa e maa ba mi kokooko, nɛ e be kɛe.

Zefania 3:8

Yawɛ ke, “Lɔ ɔ he ɔ, nyɛɛ mlɛ keii kɛ yaa si ligbi ɔ nɛ ma te si nɛ ma po je ma amɛ a nya. I to ye yi mi kaa ma bua je ma amɛ, kɛ nɔ yemi he ɔmɛ a nya, nɛ ma je ye mi mi la nɛ nya wa a kpo kɛ tsɔɔ mɛ. Ejakaa ye mi mi la nɛ ɔ ma kpata je ɔ tsuo hɛ mi.

Zakaria 1:3

se jehanɛ lɛɛ i ngɛ nyɛ dee ke, nyɛɛ kpale kɛ ba ye ngɔ, nɛ imi hu ma ná nyɛ he tsui ekohu.

Zakaria 7:9

“Blema lokoo ɔ, i wo ye ma a mlaa nɛ ɔmɛ ke, ‘Nyɛɛ hyɛ nɛ a ye dami sane; nyɛ mi mi nɛ jɔ, nɛ nyɛɛ na nyɛ sibi mɔbɔ.

Zakaria 8:16

Níhi nɛ sa kaa nyɛɛ pee ji nɛ ɔmɛ: nyɛɛ ye nyɛ sibi anɔkuale; nyɛɛ kɛ juɛmi kpakpa nɛ ye dami sane ngɛ nyɛ kojomi he ɔmɛ, konɛ tue mi jɔmi nɛ ba.

Ni Tsumi 2:38

Petro de mɛ ke, “Nyɛ tsake nyɛ tsui, nɛ nyɛ ti nɔ tsuaa nɔ nɛ ha nɛ a sɔle lɛ ngɛ Yesu Kristo biɛ mi, kɛkɛ, a maa ngɔ nyɛ he yayami ɔmɛ ngɔ pa nyɛ, nɛ nyɛ ma na Mawu nɔke nɔ́ nɛ ji Mumi Klɔuklɔu ɔ.

Ni Tsumi 26:20

I fiɛ ha ni ɔmɛ tsuo ke a tsake a tsui, nɛ a kpale kɛ ba Mawu ngɔ, nɛ a pee níhi nɛ tsɔɔ kaa a tsake a tsui niinɛ. I je fiɛmi nɛ ɔ sisi kɛ je Damasko kɛ ya gu Yerusalem kɛ ya muɔ Yudea zugba a, kɛ ya su ma je li ɔmɛ a ngɔ.

Yakobo 1:27

Bɔ nɛ nɔ ko ma ja Mawu nɛ maa sa Tsɛ Mawu ɔ nitsɛ hɛ mi ji nɛ ɔ nɛ: awusahi kɛ yalɔyihi nɛ e fi mɛ ɔ, e hyɛ a nɔ. Jehanɛ e hyɛ lɛ nitsɛ e he nɔ saminya, konɛ je mi akɔnɔ yaya ko tɔtɔ e nane.

Yakobo 2:13

Ejakaa nɔ nɛ nɛ́ mɔbɔ ɔ, benɛ a maa kojo lɛ ɔ, Mawu be lɛ mɔbɔ nae; se ke o naa mɔbɔ ɔ, Mawu be mo fɔ bue.