Hosea 12:11 - BAIBLO ALOO NGMAMI KLƆUKLƆU Ɔ

¹¹ Se kɛ̃, a ngɛ yayami pee kɛ mwɔɔ; a jaa amaga ngɛ Gilead, nɛ a kɛ na ku sãã bɔ ngɛ Gilgal. Lɔ ɔ he ɔ, ma kpata a hɛ mi; bɔ sami la tɛ ɔmɛ hu maa ywia, nɛ tɛ ɔmɛ ma pue si glekuu glekuu ngɛ ngmɔ ɔmɛ a mi.”

Hosea 12:11 ပူးပေါင်းရင်းမြစ်များ

Matsɛmɛ I, 17:1

Gbalɔ ko nɛ a tsɛɛ lɛ Eliya, nɛ je Tishbe ngɛ Gilead ɔ de Matsɛ Ahab ke, “Ina Yawɛ, Israel Mawu ɔ nɛ i jaa lɛ ɔ kaa bɔ́, aloo hiɔmi be nɛe ngɛ hiɛmɛ nɛ ɔ jeha enyɔ, loo etɛ kɛ yaa si be nɛ ma tsɔɔ.”

Matsɛmɛ II, 17:13

Yawɛ gu gbali, kɛ ní nali a nɔ nɛ e kɛ slɔ Israel kɛ Yuda ke, “Nyɛɛ kpale kɛ je nyɛ blɔ yayami ɔmɛ a nɔ. Nyɛɛ ye ye mlaa amɛ nɛ i wo nyɛ nɛmɛ ɔmɛ, kɛ blɔ nya tomi ɔmɛ a nɔ. I ngɔ ní nɛ ɔmɛ ngɔ ha nyɛ kɛ gu ye tsɔli gbali ɔmɛ a nɔ.”

Yeremia 10:15

Amaga amɛ ɔ, se nami ko be a he, muɔ ní kɛkɛ ji mɛ. Be mi nɛ Yawɛ ma ba gbla ma a tue ɔ, a we amaga amɛ hu a maa ku mɛ dukuduku.

Yeremia 10:8

Mɛ tsuo pɛpɛɛpɛ a biɛ, nɛ a jeɔ kuasia. Amagahi nɛ a kɛ tso pee ɔ, mɛni a ma nyɛ maa kase kɛ je a dɛ?

Yeremia 2:20

Nyɔmtsɛ Yawɛ ke, “Israel, blema lokoo lɛ o je o he kɛ je ye he wami sisi; o de ke o be mi jae hu fɛɛ. O kpla si ha amagahi ngɛ yoku tsuaa yoku nɛ ya hiɔwe nɔ, kɛ tso tsua tso nɛ bɔ kusuu sisi.

Yeremia 2:28

“Mawu ɔmɛ nɛ nyɛ pee ngɔ ha nyɛ he ɔ, jije a ngɛ? Ke haomi ba nyɛ nɔ ɔ, nyɛ ha nɛ a he nyɛ yi wami ke a ma nyɛ ɔ! Yuda, bɔ nɛ o ma amɛ hiɛ babauu ɔ, ja nɔuu lɛ o mawu ɔmɛ hu hiɛ.

Ezekiel 17:2

“Nɔmlɔ adesa, buu abɛ kɛ tsɔɔ Israel ma a,

Hosea 10:1

Israel ma a ngɛ kaa wai tso nɛ wo yiblii babauu. Ke a ná ní ɔ, kɛkɛ a puɛ bɔ sami la tɛhi fuu. Titimahi nɛ a puɛ nɛ a jaa a, a dlaa a he nɛ a he peeɔ fɛu.

Hosea 10:2

A yi Mawu anɔkuale, lɔ ɔ he ɔ, a maa gbla a tue ngɛ a yayami ɔmɛ a he. Yawɛ maa ku a bɔ sami la tɛ ɔmɛ, kɛ titima amɛ kɛ pue si.

Hosea 4:15

“Israel, nyɛ yi mi anɔkuale; nyɛɛ hyɛ nɛ hi nɛ Yuda ko ba pee kaa nyɛ. Nyɛ ko ya ja Mawu ngɛ Gilgal, loo Betaven; nɛ nyɛ kó ka kita ngɛ Yawɛ, Mawu hɛ kalɔ ɔ biɛ mi hulɔ.

Hosea 6:8

Yayami peeli, kɛ muɔ si pueli hiɛ tɔtɔɔtɔ ngɛ Gilead ma a mi.

Hosea 8:11

“Israel ma a puɛ bɔ sami la tɛ babauu nɛ a kɛ ma je a he yayami, se yayami mohu a ngɛ pee ngɛ lejɛ ɔmɛ tsuo.

Hosea 9:15

Yawɛ ke, “Israel ma a je a yayami peemi ɔ tsuo sisi ngɛ Gilgal, nɛ lejɛ ɔ a he bɔni mi tai peemi kɛ je. Yi wu tso níhi nɛ a pee ɔ a he ɔ, ma fie mɛ kɛ je zugba a nɔ. I be mɛ suɔe hu; Israel ma nimeli ɔmɛ tsuo tsɔ ye hɛ mi atuã.

Amos 4:4

Yawɛ Tabohiatsɛ ɔ ke, “Nyɛ Israel ma, nyɛ suɔ kaa nyɛ ba ja Mawu ngɛ Betel, nɛ ke nyɛ ba a, nyɛ ba peeɔ yayami! Nyɛ suɔ kaa nyɛ ya ja Mawu ngɛ Gilgal, nɛ ke nyɛ ya lejɛ ɔ, nyɛ ya peeɔ yayamihi babauu kɛ piɛɔ he! Ke nyɛ ngɔ lohwehi kɛ ma bɔ sami daa mɔtu ɔ, nyɛ peeɔ yayami! Daa ligbi etɛ, ke nyɛ ngɔ nyɛ níhi a mi dlami nyɔngmanyɔngma mi kakaaka kɛ ma a, nyɛ peeɔ yayami!

Amos 5:5

Nyɛ ko ya ja mi ngɛ Beersheba hu. Nyɛ ko ya hla mi ngɛ Betel hu, ejakaa Betel maa pee ma doku, kɛ mumi yayamihi a hi he. Nyɛ ko ya Gilgal, ejakaa a maa nuu Gilgal ma mi bi ɔmɛ nyɔguɛ kɛ je.

Yona 2:8

Nihi nɛ jaa amagahi, nɛ ji níhi nɛ a he be se nami ɔ, a ji nihi nɛ je a Mawu ɔ nɛ sa kaa a ja lɛ ɔ se.

Mose IV, 12:6

Yawɛ de mɛ ke, “Jehanɛ, nyɛɛ bu mi tue! Ke gbalɔ ko ngɛ nyɛ kpɛti ɔ, ní nami mi nɛ imi Yawɛ, i jeɔ ye he si kɛ tsɔɔ lɛ ngɛ. Nlami mi nɛ i kɛ lɛ tuɔ munyu ngɛ.