Hosea 11:8 - BAIBLO ALOO NGMAMI KLƆUKLƆU Ɔ

⁸ “Israel ma, kɛ maa pee kɛɛ nɛ ma ngmɛɛ nyɛ he? Kɛ maa pee kɛɛ nɛ ma kua nyɛ? Kɛ maa pee kɛɛ nɛ ma kpata nyɛ hɛ mi kaa bɔ nɛ i pee Adma a? Kɛ maa pee kɛɛ nɛ ma wa nyɛ yi mi kaa bɔ nɛ i pee Zeboyim ɔ? Ye tsui be mi blɔ ngmɛe kaa ma pee jã! Suɔmi nɛ i ngɛ kɛ ha nyɛ ɔ nya wa tsɔ!

Hosea 11:8 ပူးပေါင်းရင်းမြစ်များ

Mose I, 14:8

Kɛkɛ nɛ Sodom, Gomora, Adma, Zeboiim, kɛ Bela matsɛmɛ ɔmɛ ya bua a ta buli ɔmɛ a nya ngɛ Sidim Kɔ̃ ɔ mi,

Samuel II, 24:16

Benɛ Mawu bɔfo ɔ maa ho Yerusalem hɛ mi kpatami ya a, Yawɛ tsake e yi mi nɛ e to kaa e maa gbla ni ɔmɛ a tue ɔ, nɛ e de bɔfo ɔ nɛ ngɛ ma a hɛ mi kpatae ɔ ke, “E hiɛ. Mo kpa!” Jamɛ a be ɔ, Yawɛ bɔfo ɔ ngɛ Yebus no, Arauna ngma gbeemi he ɔ kasa nya.

Matsɛmɛ I, 3:26

Kɛkɛ nɛ nɔ tutuutu nɛ ji bi nɛ hɛ ngɛ ɔ nyɛ ɔ tsui mi sã lɛ ngɛ e bi ɔ he, nɛ e de matsɛ ɔ ke, “Nɛnɛ, i kpa mo pɛɛ, koo gbe jokuɛ ɔ. Ngɔɔ lɛ ngɔ ha yo ɔ kɛkɛ.” Se yo kaketsɛ ɔ de ke, “Dɛbi! E be ye nɔ́ pee, nɛ e be mo hu o nɔ́ pee; a dla e mi enyɔ.”

Matsɛmɛ II, 13:23

se kɛ̃ ɔ, Yawɛ dloomi kɛ e mɔbɔ nami ngɛ a nɔ. Somi ɔ nɛ Yawɛ kɛ Abraham, kɛ Isak, kɛ Yakob so ɔ he je ɔ, e piɛ a he, nɛ e ha we nɛ a hɛ mi nɛ kpata; nɛ kɛ ba si mwɔnɛ ɔ hu e hɛ ji e ma a nɔ.

Kronika II, 36:15

Se kɛ̃ ɔ, Yawɛ, a nɛmɛ a Mawu ɔ ngmɛɛ we e ma a he. Daa nɛ ɔ, e tsɔɔ e gbali ɔmɛ nɛ a ya bɔɔ mɛ kɔkɔ, ejakaa e sume kaa e ma a, loo Yerusalem hɛ mi nɛ kpata.

La 106:45

E kai somi nɛ e kɛ mɛ so ɔ, nɛ e suɔmi babauu ɔ he je ɔ, e ngɔ a he kɛ ke mɛ.

Yesaya 16:11

I ngɛ ya foe kɛ ngɛ kɔmɔ yee ha Moab; nɛ ye tsui ngɛ yee ngɛ Kir Heres he.

Yesaya 63:15

Yawɛ, moo hyɛ wɔ kɛ je hiɔwe ngɛ o hi he klɔuklɔu he nɛ hɛ mi nyami bɔle mo ngɛ ɔ. O hɛdɔ, kɛ o he wami kpetekpleenyɛ ɔ, jije e ngɛ? O tsui mi sami, kɛ suɔmi babauu ɔ hu a se po.

Yeremia 18:8

nɛ jamɛ a je ma a ma kpa a ní yayami ɔmɛ peemi ɔ, imi hu ma kpale ye nya se; yayami nɛ i to ke ma pee mɛ ɔ, i be pee hu.

Yeremia 3:12

E ke ma ya de Israel ke, “Israel, yaholɔ, moo kpale kɛ ba ye ngɔ ekohu; ejakaa mɔbɔ nalɔ ji mi, nɛ i be ye hɛ mi tue kɛ wo mo. Ye mi mi be fue kɛ wo mo kɛ ya neneene.

Yeremia 31:20

“Israel, mo ji ye bi nɛ i suɔ saminya; mo ji bi nɛ i suɔ pe bimɛ ɔmɛ tsuo. Be tsuaa be nɛ ma de nɔ́ ko kɛ si mo ɔ, ja i kɛ suɔmi kai mo kɛ̃. Ye hɛ jaa ngɛ o he, lɔ ɔ he ɔ, ma na mo mɔbɔ kɛ̃.

Yeremia 42:10

‘Ke nyɛ maa hi zugba nɛ ɔ nɔ ɔ, lɛɛ ma gbaa nyɛ, nɛ i be nyɛ hɛ mi kpatae; ma to nyɛ si, nɛ i be nyɛ hiae hu. E dɔ mi babauu kaa i gbla nyɛ tue kaa kikɛ nɛ ɔ.

Yeremia 9:6

A peeɔ yi wu tso níhi nɔtonɔto; jã kɛ̃ nɛ a sisiɔ nɔ. Yawɛ ke e ma mi bi ɔmɛ kua lɛ.

Yeremia 9:7

Enɛ ɔmɛ a he je ɔ, Yawɛ Tabohiatsɛ ɔ ke, “Ma gbla a tue, nɛ ma ha nɛ a tsake a je mi babɛ kaa bɔ nɛ sika galɔ tsuɔ sika he ɔ. Ye ma mi bi ɔmɛ pee yayami. Anɛ nɔ́ kpa ko pa ngɛ nɛ ma pee mɛ lo?

Kɔmɔ Yemi 1:20

“Yawɛ lee, hyɛ bɔ nɛ i ngɛ haoe ha; i ngɛ he hiami mi wawɛɛ, nɛ ye tsui ngɛ mi yee. I tsɔ o hɛ mi atuã. A ngɛ nihi gbee ngɛ gbɛjegbɛ ɔmɛ a nɔ; jã kɛ̃ nihi ngɛ gboe ngɛ we ɔmɛ a mi hulɔ.

Kɔmɔ Yemi 3:32

Eko ɔ, e ma ha nɛ wa maa ye aywilɛho lɛɛ, se kɛ̃, e maa na wɔ mɔbɔ, ejakaa e suɔmi ɔ kle, nɛ e ngɛ daa.

Kɔmɔ Yemi 3:33

E pee we lɛ bua jɔmi kaa e ma ha nɛ waa ye aywilɛho, loo waa na amanehlu.

Ezekiel 33:11

De mɛ ke imi Nyɔmtsɛ Yawɛ, i ngɛ ye he kita kae ke i na we yayami peelɔ gbenɔ he bua jɔmi, se mohu i suɔ kaa e kpa yayami peemi, konɛ e yi nɛ na wami. Israel, nyɛ kpa yayami nɛ nyɛ ngɛ pee ɔ. Mɛni he je nyɛ suɔ mohu kaa nyɛ ma gbo ɔ?

Ezekiel 6:9

a maa nuu mɛ nyɔguɛ kɛ ho ma se ya. A ma kai mi ngɛ lejɛ ɔ; nɛ a maa le kaa imi nitsɛ lɛ i gbla a tue, nɛ i pue a hɛ mi si ɔ nɛ. Ejakaa a yi mi anɔkuale kɛ ji a tsui mi; se a kua mi, nɛ a ya ja amagahi mohu. Jehanɛ lɛɛ, mɛ nitsɛmɛ a he mi maa nyɛɛ mɛ ngɛ yayamihi, kɛ ni hiemi níhi tsuo nɛ a pee ɔ a he.

Hosea 6:4

Se Yawɛ ke, “Israel kɛ Yuda, kɛ ma pee nyɛ kɛɛ? Suɔmi nɛ nyɛ ngɛ kɛ ha mi ɔ ngɛ kaa afua nɛ wo mɔtu, loo bɔ́ nɛ́ nɛ; bɔɔ kɛkɛ e se po.

Hosea 7:1

“Be tsuaa be nɛ i hla kaa ma tsa ye ma Israel hiɔ ɔ, yi wu tso ní peemi, kɛ ní yayahi sɔuu i naa ngɛ Samaria. A sisiɔ a sibi, a sɛɛ wehi a mi ya juɔ, nɛ a yeɔ ojo ngɛ blɔ ɔmɛ a nɔ.

Amos 4:11

“I kpata nyɛ ti ni komɛ a hɛ mi kaa bɔ nɛ i pee Sodom kɛ Gomora ma amɛ ɔ. Ni nɛmɛ nɛ a he je mi ɔ ngɛ kaa la tso nɛ a hia kɛ je la mi. Se loloolo ɔ, nyɛ kpale we kɛ bɛ ye ngɔ.” Yawɛ lɛ de.

Amos 7:3

Kɛkɛ nɛ Yawɛ tsake e yi mi tomi ɔ, nɛ e de ke, “Dɛbi, nɔ́ nɛ o na a be mi bae.”

Amos 7:6

Kɛkɛ nɛ Yawɛ tsake e yi mi tomi ɔ, nɛ e de ke, “Enɛ ɔ hu be mi bae!”

Mika 5:3

Lɔ ɔ he ɔ, Yawɛ maa ngmɛɛ e ma a he kɛ yaa si be nɛ nɔ nɛ nu kɔɔmi ɔ ma fɔ e bi ɔ. Lɔ ɔ se ɔ, bi nɛ ɔ nyɛmimɛ nɛ piɛ ɔ, maa kpale kɛ ba a nyɛmimɛ Israel bi ɔmɛ a ngɔ ekohu.

Zefania 2:9

Lɔ ɔ he ɔ, ligbi abɔ nɛ imi, Yawɛ Israel Mawu ɔ, ye hɛ ngɛ ɔ, i ngɛ kita kae ke ja a kpata Moab kɛ Amon ma amɛ a hɛ mi kaa bɔ nɛ a pee Sodom kɛ Gomora a. Moab kɛ Amon maa pee ma dokuhi; ma amɛ a mi maa hɛ kɛ hu, nɛ zugba a maa pee kaa nɔ́ nɛ a kɛ ngo pue lejɛ ɔ. Ye ma mi bi ɔmɛ nɛ a yi ma na wami ɔ maa ha a níhi, nɛ a maa ngɔ a zugba a.”

Mateo 23:37

“Yerusalem! Yerusalem! Mo nɛ o gbee gbali ɔmɛ, nɛ nihi nɛ Mawu tsɔ mɛ o ngɔ ɔ, o fiaa mɛ tɛ! Hyɛ kaa jinɛ i hla si abɔ kaa ma bua o bimɛ ɔmɛ tsuo a nya kaa bɔ nɛ kungwɔ buaa e bimɛ a nya kɛ woɔ e pɛli sisi ɔ. Se o kplɛɛ we!

Mose V, 29:22

“Hwɔɔ se yi nɔ bi nɛ ji nyɛ nina, kɛ nibwɔhi nɛ je ma se zugbahi a nɔ tsuo maa na haomihi, kɛ amanehluhi nɛ Yawɛ kɛ ba nyɛ zugba a nɔ ɔ.

Mose V, 29:23

La zu, kɛ ngo maa ha ngmɔ ɔmɛ tsuo a nɔ. Nɔ́ ko nɔ́ ko be hie dumi ngɛ nɔ hu, nɛ nga po be puɛe ngɛ nɔ. Nyɛ zugba a maa pee kaa Sodom kɛ Gomora, kɛ Adma kɛ Zeboiim nɛ Yawɛ kpata a hɛ mi benɛ e mi mi fu wawɛɛ ɔ.

Mose V, 32:36

Yawɛ ma kpɔ e ma a kɛ je he nyɛli a dɛ mi be mi nɛ e na kaa a he wami tsuo ta. Nihi nɛ sɔmɔɔ lɛ ɔ lɛɛ ke e na bɔ nɛ peepee ta a he ha a, e maa na mɛ mɔbɔ.

2 Petro 2:6

Mawu gbla Sodom kɛ Gomora ma amɛ a tue. E ngɔ la kɛ kpata ma nɛ ɔmɛ a hɛ mi ngɔ to okadi kɛ tsɔɔ nɔ́ nɛ maa ba yayami peeli a nɔ.

Yuda 1:7

Nyɛ kai Sodom kɛ Gomora, kɛ mahi nɛ bɔle mɛ kɛ kpe ɔ. Ma nɛ ɔmɛ a mi bi ɔmɛ fiɛ yo kɛ nyumu yakayaka fiɛmi, nɛ a ya nyɛɛ akɔnɔ yayahi a se kaa bɔ nɛ jamɛ a bɔfo ɔmɛ pee ɔ nɔuu. Nimli nɛ ɔmɛ a tue gblami ji kaa a ngɔ mɛ ngɔ wo la nɛ gbo we mi, konɛ a pee okadi kɛ ha nihi tsuo.

Kpojemi 11:8

nɛ a gbogboe ɔmɛ ma pue si ngɛ magbɛ nɔ, ngɛ ma nguaa a nɛ a sɛu a Nyɔmtsɛ ɔ ngɛ mi ɔ mi. A tsɛɛ jamɛ a ma a ngɛ abɛ gbi mi ke Sodom, loo Egipt.

Kpojemi 18:18

Nɛ benɛ a sã ma a, nɛ a na la su ku nɛ je ɔ, a kpa ngmlaa, nɛ a de ke, “Ma ko ma ko be nɛ kle kaa ma kpetekpleenyɛ nɛ ɔ!”

Manyadali 10:16

Lɔ ɔ he ɔ, a je mawu kpa amɛ kɛ je a kpɛti, nɛ a sɔmɔ Yawɛ. Amanehlu nɛ Israel bi ɔmɛ ngɛ nae ɔ hao Yawɛ.