Hosea 11:5 - BAIBLO ALOO NGMAMI KLƆUKLƆU Ɔ

⁵ “Akɛnɛ a kua ye ngɔ bami ɔ, a maa kpale kɛ ho Egipt ya, nɛ Asiria maa ye a nɔ.

Hosea 11:5 ပူးပေါင်းရင်းမြစ်များ

Hosea 7:16

A je ye se, nɛ mawu nɛ be he wami ko he wami ko ɔ, lɔ ɔ se a ngɛ nyɛɛe. A ngɛ kaa kɛ̃ɛ̃ nɛ kpɛ̃. A ma kpata a ma nimeli ɔmɛ a hɛ mi, ejakaa a tuɔ munyu puu; nɛ Egipt bi kɛ nɔ́ nɛ ɔ maa ye a he fɛu.”

Hosea 8:13

A gbeɔ lohwehi kɛ sãã bɔ kɛ haa mi, nɛ lo ɔ nɛ a kɛ ba sã bɔ ɔ lɛɛ mɛ nitsɛmɛ a yeɔ. Se imi Yawɛ, ye bua jɔɛ a he. Ma kai a he yayami ɔmɛ, nɛ ma gbla a tue kokooko ngɛ he; ma kpale mɛ kɛ ho Egipt ya!

Hosea 10:6

Niinɛ, amaga a nitsɛ lɛɛ a maa ngɔ kɛ ya Asiria kɛ ya ke matsɛ ngua a. Israel bi a hɛ mi ma pue si, nɛ zo maa gbe mɛ saminya ngɛ amaga nɛ a puɛ ɔ he.

Hosea 9:3

Israel be zugba nɛ ɔ nɔ hie daa. A maa kpale kɛ ho Egipt ya, nɛ niye ní nɛ he tsɔ we ɔ, lɔ ɔ a ma ya ye ngɛ Asiria.

Amos 5:27

nɛ ma ngɔ nyɛ kaa nyɔguɛhi kɛ maa ya Damasko se tsitsaa a.” Yawɛ Tabohiatsɛ Mawu ɔ lɛ de.

Amos 4:6

“Imi lɛ i ha nɛ hwɔ ba nyɛ ma amɛ tsuo a mi ɔ nɛ; se kɛ̃ ɔ, nyɛ kpale we kɛ bɛ ye ngɔ.” Yawɛ lɛ de.

Hosea 9:6

Ke Asiria bi ba nuu mɛ nyɔguɛ nɛ a gbɛ fĩa a, Egipt bi ma bua a nya; ee, a ma bua a nya ya pu mɛ ngɛ Memfis! Mio tso, kɛ pú maa bɔ kɛ pue a wehi, kɛ a sika hiɔ níhi nɛ he jua waa tsuo a nɔ.

Hosea 6:1

Ma a ma de ke, “Nyɛ ha nɛ waa kpale kɛ ba Yawɛ ngɔ! E tsɔtslɔɔ wa mi, se e ma tsa wɔ kɛ̃. E plaa wɔ, se lɛ nɔuu lɛ e maa fi pa amɛ a nɔ ha wɔ!

Hosea 5:13

“Benɛ Israel na kaa e hiɔ ɔ nya ba wa, nɛ Yuda hu na kaa e plaa wawɛɛ nitsɛ ɔ, Israel ho Asiria matsɛ ɔ ngɔ ya ya bi yemi kɛ buami. Se e nyɛ we nɛ e tsa hiɔ ɔ ha Israel, nɛ pa amɛ hu e nyɛ we nɛ e pee nɔ́ ko ngɛ a he.

Matsɛmɛ II, 15:29

Israel matsɛ, Peka yi nɔ ɔ, Asiria matsɛ, Tiglat Pileser ba ngɔ Iyon, Abel Bet Maaka, Yanoa, Kedesh, Hazor, Gilead, kɛ Galilea-Naftali zugba a tsuo; nɛ e ngɔ nimli nɛ ɔmɛ nyɔguɛ kɛ ho Asiria ya.

Matsɛmɛ II, 15:19

Asiria matsɛ, Tiglat Pileser ba tua Israel; nɛ Menahem ha lɛ sika hiɔ kilo akpe nyingmi etɛ kɛ eywiɛ, bɔ nɛ pee nɛ Tiglat Pileser nɛ e piɛ e he, nɛ e matsɛ yemi ɔ nɛ da si.

Mose V, 17:16

Matsɛ ɔ ko hi ta okpɔngɔhi babauu; nɛ e ko tsɔ kɛ ya he okpɔngɔhi ngɛ Egipt; ejakaa Yawɛ de ke e ma a ko kpale kɛ ya lejɛ ɔ gblegbleegble.

Amos 4:11

“I kpata nyɛ ti ni komɛ a hɛ mi kaa bɔ nɛ i pee Sodom kɛ Gomora ma amɛ ɔ. Ni nɛmɛ nɛ a he je mi ɔ ngɛ kaa la tso nɛ a hia kɛ je la mi. Se loloolo ɔ, nyɛ kpale we kɛ bɛ ye ngɔ.” Yawɛ lɛ de.