Hosea 11:2 - BAIBLO ALOO NGMAMI KLƆUKLƆU Ɔ

² Se ke i hla kaa ma gbla mɛ kɛ ba ye ngɔ, kɛkɛ a tsɔ atuã. A ya sãã bɔ kɛ haa Baalhi, nɛ a sãã tsopa kɛ e he via hu kɛ haa amaga kpahi.

Hosea 11:2 ပူးပေါင်းရင်းမြစ်များ

Matsɛmɛ I, 12:33

Nyɔhiɔ kpaanyɔne ɔ we ligbi nyɔngma kɛ enuɔ ɔ, Yeroboam yaa Betel ya sãã tsopa kɛ e he via ngɛ bɔ sami la tɛ nɛ e puɛ ɔ nɔ. Kikɛmɛ a ligbi nɛ ɔ ji ligbi nɛ lɛ nitsɛ e ngɔ kɛ pee nyami ligbi ha Israel ma a.

Matsɛmɛ I, 18:19

Lɔ ɔ he ɔ, moo tsɔ nɛ a ya bua Israel ma a tsuo nya nɛ a kɛ mi ba kpe ngɛ Karmel yo ɔ nɔ. Ngɔɔ Baal gbali lafa eywiɛ kɛ nyingmi enuɔ ɔmɛ, kɛ yo mawu Ashera gbali lafa eywiɛ ɔmɛ nɛ a nyɛɛɔ Manyɛ Yezebel se ɔ hu kɛ ba.”

Nehemia 9:30

O to o tsui si, nɛ o bɔ mɛ kɔkɔ jeha babauu. O ngɔ o mumi ɔ ngɔ wo o gbali ɔmɛ a mi, konɛ a tu munyu ngɔ tsɔɔ mɛ; se o ma a wa tue. Lɔ ɔ he ɔ, o ngmɛɛ a he ha ma kpahi nɛ a ye a nɔ.

Yesaya 65:7

ngɛ mɛ nitsɛmɛ, kɛ a nɛmɛ ɔmɛ a he yayami ɔmɛ tsuo a he. Ejakaa a ya sãã tsopa kɛ e he via ngɛ yo ɔmɛ a nɔ. A tuɔ munyu hu kɛ siɔ mi ngɛ yoku ɔmɛ a nɔ. Enɛ ɔmɛ tsuo a he ɔ, ma gbla a tue sisiisi bɔ nɛ sa.”

Yeremia 18:15

Se ye ma a lɛɛ, a hɛ je ye nɔ; a sãã tsopa kɛ e he via kɛ haa amagahi. A je blema blɔ kpakpa amɛ a nɔ, nɛ a ya ngɛ lakpa blɔhi a nɔ nyɛɛe. A nyɛɛ we gbɛjegbɛ ɔmɛ a nɔ hu; nane blɔhi a nɔ mohu lɛ a ngɛ nyɛɛe.

Yeremia 44:5

Se nyɛ bui tue. Nyɛ yaa nɔ nɛ nyɛ sãã tsopa kɛ e he via kɛ haa mawu kpahi, nɛ nyɛ kpale we kɛ ji nyɛ blɔ yayami ɔmɛ a nɔ.

Hosea 11:7

Ye ma a fia pɛɛ si kaa a ma kua mi; enɛ ɔ he je ɔ, ma gbla a tue, nɛ nɔ ko nɔ ko be nyɛe maa je ngmlaa ha mɛ.

Hosea 2:13

Ma gbla Gomer tue ngɛ níhi nɛ e pee be ko ɔ a he. Ke pee ɔ, Gomer ma dla e he saminyayoo kɛ nguɛ ní, kɛ june kpakpa, nɛ e ma ya sã tsopa kɛ e he via ha Baal. E ma dla e he saminyayoo kikɛ nɛ ɔ, nɛ e ma ya hi e pla amɛ a nɔ kpae; kɛkɛ ɔ, e hɛ maa je ye nɔ pɛsɛpɛsɛ. Ma gbla e tue ngɛ ní nɛ ɔmɛ a he. Yawɛ lɛ de.

Hosea 4:13

A ya sã bɔ ngɛ yohi a yi mi, nɛ a sã tsopa kɛ e he via hu ngɛ tso gagaahi nɛ bɔ kusuu a sisi, ngɛ yokuhi a yi mi, ejakaa lejɛ ɔ hɔ̃ ɔ mi jɔ. “Enɛ ɔ lɛ ha nɛ nyɛ biyi ɔmɛ ya peeɔ a he yaholi, nɛ nyɛ yigbayi ɔmɛ hu puɛɔ gba a nɛ.

Hosea 4:17

Israel ma a ke e ma ja amaga! É ya nɔ nɛ e pee nɔ́ nɛ e tsui suɔ.

Zakaria 1:4

Nyɛ ko pee kaa nyɛ nɛmɛ ɔmɛ. Blema lokoo nɛ gbali ɔmɛ ngɔ ye sɛ gbi ngɔ ha mɛ ke a kpa yayami peemi, nɛ́ a ba a je mi bɔ nɛ sa; se a bui mi tue fɛɛ, nɛ a yi ye munyu ɔmɛ a nɔ hulɔ.

Zakaria 7:11

“Se ye ma a bui mi tue fɛɛ; a si a konɔ wo mi, nɛ a tsi a tue, konɛ a ko nu nɔ́ nɛ i ngɛ mɛ dee ɔ.

Luka 13:34

“Yerusalem Yerusalem! O gbe gbali ɔmɛ, nɛ nihi nɛ a tsɔ mɛ o ngɔ ɔ, o fia mɛ tɛ! Hyɛ si abɔ nɛ i hla kaa ma bua o bimɛ ɔmɛ tsuo a nya kaa bɔ nɛ kungwɔ buaa e bimɛ a nya ngɔ woɔ e pɛli sisi; se nyɛ kplɛɛ we!

Yohane 3:19

Nɔ́ nɛ nɔ nɛ a da kɛ bu mɛ fɔ ji nɛ ɔ nɛ: la a ba je ɔ mi, se adesa suɔ diblii ɔ mohu pe la a, ejakaa a peeɔ yayami.

Ni Tsumi 7:51

Stefano ya nɔ nɛ e de ke, “Nyɛ kuɛ wa kaa amaga jali, nɛ nyɛ tsui, kɛ nyɛ tue wa kaa nɔ́ ko! Nyɛ ngɛ kaa nyɛ nɛmɛ ɔmɛ pɛ! Nyɛ hu nyɛ kplɛɛ we nɛ Mumi Klɔuklɔu ɔ nɛ tsu nyɛ he ní.

Manyadali 10:6

Israel ma a pee yayami kɛ si Yawɛ ekohu. A ya sɔmɔ Baalhi, Ashtarot, kɛ Siria, Sidon, Moab, Amon, kɛ Filisti bi ɔmɛ a mawu ɔmɛ. Se Yawɛ nitsɛ lɛɛ a kua lɛ, nɛ a kpa lɛ sɔmɔmi.

Manyadali 2:13

Akɛnɛ a je Yawɛ se, nɛ a ya sɔmɔ Baal kɛ Ashtarot he je ɔ,

Manyadali 3:7

Israel bi ɔmɛ a hɛ je Yawɛ, a Mawu ɔ nɔ; a pee yayami kɛ si lɛ, nɛ a ya sɔmɔ Baalhi kɛ Ashera.