Hosea 11:11 - BAIBLO ALOO NGMAMI KLƆUKLƆU Ɔ

¹¹ A maa je Egipt kɛ ba kɛ fo kaa lohwe pɛlitsɛmɛ. A maa je Asiria kɛ maa ba kaa lahuɛhi. Ma kpale mɛ kɛ ba a we ɔmɛ a mi ekohu. Imi Yawɛ lɛ i de.”

Hosea 11:11 ပူးပေါင်းရင်းမြစ်များ

Yesaya 11:11

Jamɛ a ligbi ɔ, Nyɔmtsɛ ɔ ma tsu ní kɛ he wami; e maa kpale e ma mi bi ɔmɛ nɛ piɛ ngɛ zugba nɛ ɔmɛ a nɔ ɔ kɛ maa ba we ekohu. A maa je Asiria, Egipt, Patros, Sudan, Elam, Babilonia, Hamat, kɛ mahi nɛ ngɛ wo nya a kɛ ba.

Yesaya 60:8

Mɛnihi nɛ a ngɛ fo nɔ kɛ ma kaa bɔku, loo kaa lahuɛhi nɛ kpale kɛ ma a saflɛhi a mi nɛ ɔ?

Yeremia 31:12

A ma ba la ngɛ Zion yo ɔ nɔ kɛ bua jɔmi, nɛ a bua maa jɔ ye nike ní ɔmɛ, blɛfo, wai, oliv nu, to, kɛ na a he. A maa pee kaa ngmɔ nɛ a pue e mi ní ɔmɛ a nɔ nyu; nɔ́ ko nɔ́ ko be mɛ hiae hu.

Ezekiel 34:27

Nga nɔ tso ɔmɛ maa wo yiblii, nɛ zugba a maa ba ní saminya; kɛkɛ ɔ, tue mi jɔmi maa ba zugba a nɔ. Ma kplɔ kɔsɔkɔsɔ ɔmɛ kɛ je a kuɛ mi, nɛ a ye a he kɛ je nyɔguɛ si himi mi. A ma ba hi mɛ nitsɛmɛ a zugba nɔ. Kɛkɛ ɔ, a maa le kaa imi ji Yawɛ.

Ezekiel 34:28

Je ma amɛ ba be mɛ haoe nɛ a ha a ní hu. Lohwe awi yeli ba be mɛ nue nɛ a ye hu. A maa hi si ngɛ tue mi jɔmi mi, nɛ nɔ ko nɔ ko be a he gbeye woe.

Ezekiel 37:21

De mɛ ke he tsuaa he nɛ ye ma a ngɛ ngɛ je ma amɛ a mi hehi nɛ a ho ɔ, imi Nyɔmtsɛ Yawɛ, ma bua a nya, nɛ ma kpale mɛ tsuo kɛ je lejɛ ɔmɛ kɛ ba mɛ nitsɛmɛ a zugba nɔ.

Ezekiel 37:25

A maa hi zugba nɛ i ngɔ ha ye tsɔlɔ Yakob ɔ nɔ. Lejɛ ɔ lɛ a nɛmɛ ɔmɛ hi, nɛ lejɛ ɔ a bimɛ, kɛ a nina tsuo maa hi kɛ maa ya neneene. Ye tsɔlɔ David maa ye ganɔ kɛ maa ya neneene.

Hosea 3:5

Se pee se ɔ, Israel bi ɔmɛ maa kpale kɛ ba a ma a mi ekohu; a ma ba hla Yawɛ, a Mawu ɔ, kɛ David nɛ ji matsɛ ɔ nina se blɔ ekohu. Jamɛ a be ɔ, a maa ye Yawɛ gbeye, nɛ a ma na nike ní kpakpahi kɛ je e dɛ mi.

Hosea 7:11

Israel ngɛ kaa beleku lahuɛ nɛ ngɛ tee kɛ ngɛ yae kɛ ngɛ bae; e be juɛmi. Ke o ke o hyɛɛ ɔ, Israel bi ji nɛ nɛ a yaa bi yemi kɛ buami ngɛ Egipt; pee se kɛkɛ a pue Asiria blɔ.

Obadia 1:17

“Se a ma he ni komɛ a yi wami ngɛ Zion yo ɔ nɔ, nɛ lejɛ ɔ maa pee klɔuklɔu. Yakob we ɔ nine maa su a blɔ fa mi ní ɔmɛ a nɔ ekohu.” Mawu lɛ de.

Zakaria 10:10

Ma kpale mɛ kɛ maa je Egipt, nɛ ma bua a nya kɛ maa je Asiria kɛ ba we, nɛ a ma ba hi mɛ nitsɛmɛ a zugba nɔ; Gilead kɛ ya pue Lebanon zugba amɛ tsuo po be mɛ kpe.

Zakaria 8:7

Yawɛ Tabohiatsɛ ɔ ke ma ya kpɔ ye ma a kɛ je beleku je, kɛ bonyoku je ma amɛ a mi.

Zakaria 8:8

Ma ya kpale mɛ kɛ ba Yerusalem, nɛ a maa pee ye ma, nɛ imi hu ma pee a Mawu. Ma ye mɛ anɔkuale, nɛ ma pee nɔ́ nɛ da.”