Hosea 11:1 - BAIBLO ALOO NGMAMI KLƆUKLƆU Ɔ

¹ Benɛ Israel bi ɔmɛ ngɛ kaa jokuɛwi ɔ, i suɔ a sane, nɛ i je mɛ kɛ je Egipt.

Hosea 11:1 ပူးပေါင်းရင်းမြစ်များ

Mateo 2:15

ya hi lejɛ ɔ kɛ ya su be nɛ Herode gbo. A pee nɔ́ nɛ ɔ, konɛ nɔ́ nɛ Nyɔmtsɛ ɔ de kɛ gu gbalɔ ɔ nɔ ɔ nɛ ba mi ke, “Egipt nɛ i tsɛ ye bi ɔ kɛ je.”

Mose II, 4:22

Bɔ nɛ o ma de Farao ɔ ji, Yawɛ ke, ‘Israel ɔ, ye binyumu ji lɛ; ee ye bitɛte ji lɛ!

Hosea 13:4

Yawɛ ke, “Imi ji Yawɛ, nyɛ Mawu ɔ nɛ je nyɛ kɛ je Egipt ɔ nɛ. Imi pɛ ji nyɛ Mawu. Imi nɔ kake too pɛ ji nyɛ kpɔlɔ.

Hosea 2:15

Ma ngɔ wai abɔɔ ɔmɛ kɛ ha lɛ ekohu. Haomi Kɔ̃ ɔ ma plɛ pee he ko nɛ e ma ná ní kpakpahi ngɛ. E kɛ mi maa hi si saminya kaa bɔ nɛ e pee ngɛ e yihe mi, benɛ e je Egipt kɛ ba a.

Yeremia 2:2

ma fiɛ ha nɔ tsuaa nɔ ngɛ Yerusalem ke, “I kai kaa be nɛ nyɛ ngɛ nihe mi ɔ, nyɛ ye mi anɔkuale, nɛ nyɛ je nyɛ suɔmi kpo kɛ tsɔɔ mi kaa bɔ nɛ ayɛflo suɔ e huno ɔ; nyɛ nyɛɛ ye se kɛ ya gu nga kplanaa nɔ ngɛ zugba nɛ a du we ní ngɛ nɔ ɔ nɔ.

Malaki 1:2

Bɔ nɛ Yawɛ ngɛ e ma a dee ji nɛ ɔ nɛ: “I suɔ nyɛ sane saminya.” Se a bi lɛ ke, “Mɛni lɛ o peeɔ kɛ tsɔɔ kaa o suɔ wɔ?” Yawɛ he nɔ ke, “Anɛ Esau kɛ Yakob ɔ, pi nyɛmimɛ ji mɛ lo? Se kɛ̃ ɔ, i je suɔmi kpo kɛ tsɔɔ Yakob kɛ e nina,

Hosea 12:13

Yawɛ ha nɛ gbalɔ ko ya je e ma Israel kɛ je Egipt. Gbalɔ nɛ ɔ tsɔɔ mɛ blɔ, nɛ e hyɛ a nɔ.

Ezekiel 16:6

“Benɛ i ba gu o kasa nya kɛ bee nɛ i na mo ɔ, o ngɛ si wue ngɛ o muɔ ɔ mi. I de mo jamɛ a be ɔ mi lokoo ke, ‘O yi nɛ na wami,

Mose V, 7:7

“Pi hiɛmi nɛ nyɛ he hiɛ pe ma kpa amɛ he je nɛ Yawɛ suɔ nyɛ nɛ e hla nyɛ ɔ; nyɛ mohu ji nihi nɛ a he pi pe kulaa ngɛ ma amɛ a kpɛti.

Hosea 12:9

Imi ji Yawɛ, nyɛ Mawu ɔ nɛ. Imi nɛ i je nyɛ kɛ je Egipt zugba a nɔ. Ma ha nyɛ maa hi bo tsuhi a mi ekohu kaa bɔ nɛ nyɛ hi si be ko ngɛ nga kplanaa a nɔ ɔ.

Mose II, 4:23

I de mo ke o ha nɛ ye bi ɔ nɛ ya nɛ e ya ja mi, se o kplɛɛ we. Lɔ ɔ he ɔ, ma gbe o binyumu ɔ, o bitɛte ɔ!’ ”

La 129:1

Israel, jehanɛ de, “Kɛ je ye jokuɛwi a si tɔɔ ɔ, ye he nyɛli wa mi yi mi wawɛɛ nitsɛ!”

Yeremia 12:7

Yawɛ ke, “I ngmɛɛ Israel he; ye ma nɛ i je blɔ hla a, i kua mɛ. I ngɔ nimli nɛ i suɔ mɛ saminya a kɛ wo a he nyɛli a dɛ mi.

Hosea 10:15

Betel bi, nɔ́ nɛ maa ba nyɛ nɔ ji nɛ ɔ nɛ; ejakaa nyɛ pee yayami gbegbeegbe. A ma kpata Israel matsɛ ɔ hɛ mi pɛsɛpɛsɛ ngɛ ta mi.”

Mose II, 19:4

“Nyɛ nitsɛmɛ nyɛ na nɔ́ nɛ i pee Egipt bi ɔmɛ, kɛ bɔ nɛ i kɛ he wami je nyɛ kɛ je Egipt kaa nɔ́ nɛ kɔle pɛli nɔ nɛ nyɛ hii si ngɛ, nɛ i ngɔ nyɛ kɛ ba imi nitsɛ ye ngɔ.

Mose V, 33:3

Yawɛ suɔ e ma a; nihi nɛ ji e ni klɔuklɔu ɔmɛ ɔ, e baa a yi. Lɔ ɔ he ɔ, wa kplaa si ngɛ e nane nya; wa jaa lɛ, nɛ wa yeɔ e mlaa amɛ a nɔ.

Yesaya 43:4

Akɛnɛ o he jua wa ha mi, akɛnɛ o hɛ mi ba nyami, nɛ i suɔ mo he je ɔ, ma ngmɛɛ je mahi kɛ a mi bi ɔmɛ a he ngɔ ha, konɛ ma he o yi wami.

Ezekiel 16:22

Benɛ o ngɛ ní hiemi ní nɛ ɔmɛ tsuo pee, nɛ́ o ngɛ ajuama bɔe basaa a, o kaii we gblee kaa o yihe be mi ɔ, o hɛɛɔ o he gu pasaa kɛ hii si wue ngɛ o muɔ mi.”