Hosea 10:14 - BAIBLO ALOO NGMAMI KLƆUKLƆU Ɔ

¹⁴ Enɛ ɔ he ɔ, ta ma ba tua nyɛ, nɛ nyɛ mɔ ɔmɛ tsuo a hɛ mi ma kpata kaa bɔ nɛ Matsɛ Shalman kpata Betabel hɛ mi ngɛ ta mi ɔ. Jamɛ a ligbi ɔ, a nuu nyɛmɛ kɛ a bimɛ tsuo ngɔ fiaa si nɛ a gbe mɛ.

Hosea 10:14 ပူးပေါင်းရင်းမြစ်များ

Mose I, 32:11

I kpa mo pɛɛ nɛ o je mi kɛ je ye nyɛmi Esau dɛ mi. I ngɛ gbeye yee kaa e ma ba tua wɔ nɛ e ma kpata waa kɛ wa yi ɔmɛ, kɛ wa bimɛ ɔmɛ tsuo wa hɛ mi.

Matsɛmɛ II, 17:16

Mlaahi nɛ Yawɛ, a Mawu ɔ wo mɛ ɔ, a yi ekoeko nɔ; se mohu a ngɔ dade nɛ a sle kɛ pee na bi enyɔ kɛ ha a he. A pee Ashera, nɛ a ja hiɔwe níhi tsuo; a ja Baal hulɔ.

Matsɛmɛ II, 17:3

E ba mi kaa Asiria matsɛ, Shalmaneser ba tua lɛ, nɛ Hoshea ba pee e sɔmɔlɔ, nɛ e tsuɔ tó kɛ haa lɛ.

Matsɛmɛ II, 18:33

Anɛ je ma amɛ a mawu ɔmɛ eko nyɛ kpɔ e ma kɛ je Asiria dɛ mi hyɛ lo?

Yesaya 17:3

Israel be lɛ nitsɛ e he nyɛe ma fa hu, nɛ Damasko nɔ yemi ɔ se maa po. Siria bi nɛ a yi ma na wami ɔ, zo maa gbe mɛ kaa Israel bi ɔmɛ nɔuu. Imi, Yawɛ Tabohiatsɛ lɛ i de.”

Yesaya 33:14

Yayami peeli nɛ ngɛ Zion ɔ nu sawale, nɛ a he ngɛ doe blibliibli. Nɔ́ nɛ a ngɛ a he bie ji, “La nɛ ngɛ ní puɛe nɛ ɔ, wa ti mɛnɔ ma nyɛ nya maa da? La nɛ ngɛ tsoe nɛ gbo we gblegbleegble nɛ ɔ nɛ, wa ti mɛnɔ ma nyɛ nya maa da?”

Yeremia 13:14

Lɔ ɔ se ɔ, ma nuu tsɛmɛ kɛ bimɛ ngɔ fia a sibi, nɛ a ma gbo ngɔ pue si kaa tɔ nɛ ywia. Ma kpata a hɛ mi; ye tsui mi be mi sãe ngɛ a he, nɛ i be mɛ mɔbɔ nae.”

Yeremia 48:41

A maa ngɔ ma amɛ, kɛ mɔ ɔmɛ. Jamɛ a ligbi ɔ, sawale maa nu Moab ta buli ɔmɛ kaa yo nɛ nu kɔɔmi.

Hosea 10:15

Betel bi, nɔ́ nɛ maa ba nyɛ nɔ ji nɛ ɔ nɛ; ejakaa nyɛ pee yayami gbegbeegbe. A ma kpata Israel matsɛ ɔ hɛ mi pɛsɛpɛsɛ ngɛ ta mi.”

Hosea 13:16

A maa gbla Samaria tue, ejakaa e tsɔ ye hɛ mi atuã. Ta ma kpata ma a mi bi ɔmɛ a hɛ mi; a maa ngɔ a bimwɔwi ɔmɛ ngɔ fiaa si, nɛ a kɛ klaate ma fɛ yihɔyi ɔmɛ a mi mi.”

Amos 3:14

Ligbi ɔ nɛ ma gbla Israel tue ngɛ a yayami ɔmɛ a he ɔ, ma ywia bɔ sami la tɛ ɔmɛ ngɛ Betel ma a mi. Bɔ sami la tɛ ɔmɛ a he koli ɔmɛ nɛ a saa we ngɛ a he ɔ, ma ku mɛ tsuo ngɔ pue si.

Amos 3:8

Ke jata ngɛ huãe ɔ, mɛnɔ lɛ e tsui pui? Ke Yawɛ ngɛ munyu tue ɔ, mɛnɔ ma kua ke e be e sɛ gbi ɔ fiɛe? Nɔ ko nɔ ko be!

Amos 9:5

Nyɔmtsɛ Yawɛ Tabohiatsɛ ɔ, ke e ta zugba a he pɛ kɛkɛ zugba a sile, nɛ nɔ tsuaa nɔ maa ye kɔmɔ. Zugba a tsuo maa ya hiɔwe nɛ e maa ba si kaa bɔ nɛ Nilo pa a nɛ ngɛ Egipt ɔ hyiɔ nɛ e faa a.

Mika 5:11

Ma kpata ma amɛ a hɛ mi ngɛ nyɛ zugba a nɔ, nɛ ma ku nyɛ mɔ ɔmɛ tsuo ngɔ pue si.

Nahum 3:10

Se kɛ̃ ɔ, a nuu Tebes bi ɔmɛ nyɔguɛ kɛ ho ma se ya. A fiaa jokuɛwi ɔmɛ ní nɛ a gbe ngɛ ma a mi blɔ ɔmɛ a kɔ nya amɛ tsuo. A nuu a ma nimeli ɔmɛ, nɛ a wo mɛ kɔsɔkɔsɔ kɛ ho. A dla mɛ ngɔ ha nihi nɛ ba nuu mɛ ɔ.

Nahum 3:12

O mɔ nguangua amɛ tsuo maa pee kaa ngmɔkɔ tsohi nɛ a nɔ yiblii fu. Nɔ ko nɛ huanya tso ɔ piɔ kaa yiblii ɔmɛ be tsɔe ba nɔ nɔ ɔ nya mi klom lo!

Habakuk 1:10

A yeɔ matsɛmɛ ɔmɛ a he fɛu, nɛ asafoatsɛmɛ ɔmɛ a he peeɔ mɛ muɔ. Mɔ nɛ he wa pi nɔ́ ko kulaa ngɛ a hɛ mi. A buaa zu nya glekugleku kɛ woɔ mɔ ɔ he, nɛ a ngɔɔ lɛ.