Hosea 10:11 - BAIBLO ALOO NGMAMI KLƆUKLƆU Ɔ

¹¹ “Sa a, Israel ngɛ kaa na yiheyo nɛ a tsɔse lɛ saminya. Be tsuaa be ɔ, e suɔ kaa e gblɛ ngma. Se i pee ye yi mi kaa ma wo e kuɛ saminyayoo ɔ kuɛpã tso, konɛ e tsu ní kpakpataa. I ha Yuda gbla na kpakplaa tso ɔ, nɛ Israel hɛɛ ngmɔ nɔ dlami nɔ́ ɔ mi.

Hosea 10:11 ပူးပေါင်းရင်းမြစ်များ

Yesaya 28:24

Ngmɔ hulɔ ɔ, anɛ humi kɛkɛ e hii hue daa nɛ, nɛ e du we ní lo? Pe e hii zugba a tsuae kpamisa, nɛ e hii hɛ mi dlae kɛkɛ lo?

Yeremia 28:14

Yawɛ Tabohiatsɛ, Israel Mawu ɔ ke e kɛ dade kuɛpã tso maa fɔ je ma nɛ ɔmɛ tsuo a kuɛ, nɛ a ma ba sɔmɔ Babilonia matsɛ, Nebukadnezar. Yawɛ ke e ma ha nɛ pu mi lohwehi po ma sɔmɔ Nebukadnezar.”

Yeremia 46:20

Egipt ngɛ kaa na yo saminyayoo nɛ pwɔlwɛ je omleyi je ba kɔ lɛ.

Yeremia 50:11

Bɔ nɛ Yawɛ de ji nɛ ɔ nɛ: “Babilonia bi, nyɛ kpata ye zugba a hɛ mi. Nyɛ kle tɔfutɔfu kaa na yihi nɛ ye niye ní kpakpa, nɛ nyɛ kpaa ngmlaa kɛ he wami kaa okpɔngɔ. Nyɛ bua jɔɔ nyɛ he, nɛ nyɛ nyaa.

Hosea 11:4

Kaa bɔ nɛ nɔ ko maa wo na ku nɛ e suɔ saminya a kuɛ kpa, nɛ e ma kpaka lɛ ɔ, ja i ngɔ suɔmi nɛ nya wa kɛ hɛɛ Israel ma a. I kɛ mɛ hi si ngɛ he jɔmi mi, nɛ imi nitsɛ lɛ i ha mɛ niye ní.

Hosea 3:1

Yawɛ de mi ekohu ke, “Yaa nɛ o ya hla yo gba puɛlɔ, nɛ o suɔ lɛ, kaa bɔ nɛ imi hu i suɔ ye ma Israel ɔ. Ye ma Israel kua mi; a ya ngɛ mawu kpahi a se nyɛɛe, nɛ a kɛ wai yiblii gbigbli sãã bɔ kɛ haa mɛ lɛɛ, se kɛ̃, i suɔ mɛ.”

Hosea 4:16

Israel ma a tue mi ti kaa bɔ nɛ teji okpɔngɔ tue mi ti ɔ. Kɛ ma pee kɛɛ nɛ ma lɛ mɛ ngɛ nga nɔ kaa bɔ nɛ a lɛɛ to ɔ?

Hosea 9:1

Israel ma, nyɛ kpa nyami kaa bɔ nɛ je ma amɛ peeɔ ɔ. Nyɛ je nyɛ Mawu ɔ se, nɛ nyɛ yi lɛ anɔkuale. Nyɛ ngɔ nyɛ he ya mɛtɛ mawu ɔ nɛ a tsɛɛ lɛ Baal ɔ he ngɛ zugba a nɔ tsuo kaa yaholi. Ke blɛfo nya je ɔ, nyɛ ya sãã bɔ ha lɛ, nɛ nyɛ naa lɛ si.

Mika 4:13

Yawɛ ke, “Nyɛ Yerusalem bi, nyɛɛ ya nɛ nyɛ ya gbla nyɛ he nyɛli ɔmɛ a tue! Ma ha nyɛ dade tso nyɛ, kɛ dade tso mi bihi nɛ nyɛɛ kɛ maa gbee je mahi babauu. Nyɛ ma kpata a hɛ mi, nɛ níhi nɛ a kpɔ pani nya ngɛ nihi a dɛ ɔ, nyɛ maa ngɔ kɛ ba ha imi, je ɔ tsuo Nyɔmtsɛ ɔ.” Mawu lɛ de.

Romabi 16:18

Ejakaa nimli kaa kikɛ nɛ ɔ, pi Kristo, wa Nyɔmtsɛ ɔ nɛ a ngɛ sɔmɔe. Se mɛ nitsɛmɛ a muklii mohu he mɔde nɛ a ngɛ bɔe. A kɛ munyu dɔkɔɔ gbeɔ nihi nɛ a juɛmi se ti we ɔ a yi mi, nɛ a sisiɔ mɛ.

Mose V, 25:4

“Na nɛ ngɛ ngma gblɛe ha mo ɔ, koo fi e nya.