Hosea 1:7 - BAIBLO ALOO NGMAMI KLƆUKLƆU Ɔ

⁷ Se Yuda ma a lɛɛ, ma suɔ a sane. Imi Yawɛ, a Mawu ɔ, ma he a yi wami. Pi ta nga nɔ nɛ ma pee nɔ́ nɛ ɔ ngɛ; pi klaate, loo kɛ̃ɛ̃ kɛ kɛ̃ɛ̃ mi bi, loo okpɔngɔhi kɛ a nɔ hili nɛ ma ngɔ kɛ tsu nɔ́ nɛ ɔ.”

Hosea 1:7 ပူးပေါင်းရင်းမြစ်များ

Matsɛmɛ II, 19:29

Jehanɛ, Yesaya de Matsɛ Hezekia ke, “Enɛ ɔ maa pee okadi ha mo: jeha nɛ ɔ mi ɔ, nyɛ maa ye níhi nɛ mɛ nitsɛmɛ a puɛ, níhi nɛ nɔ ko du we. Jeha enyɔne ɔ mi ɔ, nyɛ maa ye níhi nɛ puɛ ngɛ lɔ ɔmɛ a se. Jeha nɛ ji etɛ ɔ mi ɔ lɛɛ nyɛ ma du ní nɛ nyɛ ma kpa ní; nyɛ maa pee wai ngmɔhi nɛ nyɛ maa ye a yiblii ɔmɛ.

Matsɛmɛ II, 19:34

Ngɛ ye biɛ ɔ he, kɛ si nɛ i wo ye tsɔlɔ David he je ɔ, ma bu ma nɛ ɔ he; nɛ nɔ́ ko nɔ́ ko be a he sae.’ ”

Matsɛmɛ II, 19:35

Jamɛ a nyɔ ɔ mi nɔuu ɔ, Yawɛ bɔfo ko ya gbe ta buli akpe lafa kɛ nyingmi kpaanyɔ kɛ enuɔ ngɛ Asiria ta a mi. E nɔ jena makɛ ɔ, ne mɛ nɛ a gbo kɛ pueɔ si.

Matsɛmɛ II, 6:18

Benɛ Siria bi ɔmɛ ba tua Elisha a, e fa kue ha Yawɛ ke, “I kpa mo pɛɛ, ha nɛ nimli nɛ ɔmɛ a hɛ nɛ yu!” Yawɛ bu e kue fami ɔ tue, nɛ e ha a hɛ yu.

La 33:16

Pi ta buli babauu nɛ haa matsɛ yeɔ kunimi; ta bulɔ be nyɛe maa ngɔ e kã kɛ he lɛ nitsɛ e yi wami.

La 44:7

Se mohu, mo ji nɔ nɛ he wa yi wami. O he wa yi wami kɛ je wa he nyɛli a dɛ mi, nɛ o ha nɛ zo gbe ni nɛmɛ nɛ sume wɔ ɔ.

Mose II, 14:13

Se Mose de ma a ke, “Nyɛ ko je fɔ̃, nyɛɛ da si kaa nyumuhi, nɛ nyɛ maa na bɔ nɛ Yawɛ maa pee kɛ he nyɛ yi wami mwɔnɛ ɔ. Egipt bi ɔmɛ nɛ nyɛ ngɛ mɛ hyɛe mwɔnɛ ɔ, nyɛ be mɛ nae hu gblegbleegble.

Mose II, 14:30

Bɔ nɛ Yawɛ pee kɛ kpɔ Israel bi ɔmɛ kɛ je Egipt bi ɔmɛ a dɛ jamɛ a ligbi ɔ ji nɛ ɔ nɛ. Israel bi ɔmɛ na Egipt bi ɔmɛ nɛ a gbo kɛ pueɔ si ngɛ wo ɔ nya.

Yesaya 12:2

Mawu ji ye yi wami helɔ; ma ngɔ ye hɛ ngɔ fɔ e nɔ, nɛ i be gbeye yee. Yawɛ Mawu ɔ ji nɔ nɛ haa mi he wami kɛ nyɛmi, lɛ nɔuu ji ye yi wami helɔ.

Yesaya 30:18

Se kɛ̃ ɔ, Yawɛ ngɛ mlɛe kaa e maa na nyɛ mɔbɔ; ejakaa nɔ́ nɛ da pɛ e peeɔ daa. Nihi nɛ ngɔɔ a hɛ ngɔ fɔɔ Yawɛ nɔ ɔ, a naa bua jɔmi.

Yesaya 49:6

Yawɛ de mi ke, “Ye tsɔlɔ, i ngɛ ní tsumi agbo ko ha mo; pi kaa o ma bua Israel bi nɛ a yi na wami ɔ a nya kɛ pee ma ekohu kaa sa a kɛkɛ, se mohu kaa o maa pee la kɛ ha je ma amɛ, bɔ nɛ pee nɛ a he je ɔ tsuo yi wami.”

Yesaya 7:14

Yoo, i nu. Nyɔmtsɛ ɔ nitsɛ ma ha nyɛ okadi ko; yiheyo ko maa ngɔ hɔ, nɛ e ma fɔ binyumu, nɛ e maa wo lɛ biɛ ke, ‘Yimanuel’.

Yeremia 25:5

A de nyɛ ke nyɛɛ kpale kɛ je nyɛ blɔ yayami ɔmɛ a nɔ, nɛ nyɛ kpa yayami peemi, konɛ zugba a nɛ Yawɛ ngɔ ha nyɛɛ kɛ nyɛ nɛmɛ ɔmɛ blema kaa nyɛ weto ní ɔ, nyɛɛ hi nɔ daa.

Yeremia 25:6

A de nyɛ ekohu ke nyɛ ko ya nyɛɛ mawu kpahi a se; nyɛ ko sɔmɔ mɛ, nɛ nyɛ ko ja mɛ. Jehanɛ se hu, nyɛ ko puɛ amagahi nɛ nyɛ kɛ ba wo Yawɛ mi mi la. E ji nyɛ bu Yawɛ tue jinɛ lɛ hu e ko gbla we nyɛ tue.

Yeremia 33:26

Ní nɛ ɔmɛ nɛ i nyɛ pee he je ɔ, somi nɛ i kɛ Yakob nina, kɛ ye tsɔlɔ David so ɔ hu ma ye nɔ sisiisi. Ma hla David nina ko nɛ e ye Abraham, Isak, kɛ Yakob a nina a nɔ. Ma na ye ma a mɔbɔ, nɛ ma ha nɛ a ma ná a he ekohu.”

Hosea 1:8

Benɛ Gomer tsɔ́ e biyo ɔ nyɔ ɔ, e ba na mi ekohu, nɛ e fɔ binyumuyo enyɔne.

Hosea 11:12

Yawɛ ke, “Lakpa sɔuu Israel ma a ngɛ yee, nɛ a ngɛ nihi sisie ngɛ ye hɛ mi paa. Se imi Mawu, i le bɔ nɛ Yuda hu ngɛ kɛ ba si amlɔ nɛ ɔ. Yuda ma a ngɛ imi Nɔ Klɔuklɔu ɔ anɔkuale yee kɛ mwɔɔ.

Zakaria 4:6

Mawu bɔfo ɔ de mi ke ma ngɔ Yawɛ sɛ gbi nɛ ɔ kɛ ya ha Zerubabel: “Pi o nyɛ́mi, loo o he wami nya; se ye mumi ɔ nɛ ma tsu enɛ ɔ. Yawɛ Tabohiatsɛ ɔ lɛ de.

Samuel I, 17:47

nɛ ma a nɛ bua ngɛ hiɛ ɔ hu maa le kaa pi klaate kɛ akplɔ nɛ Yawɛ kɛ heɔ nɔ yi wami. Yawɛ ye kunimi momo ngɛ ta a nya, nɛ e ma je nyɛ kɛ wo wa dɛ mi.”