Hosea 1:2 - BAIBLO ALOO NGMAMI KLƆUKLƆU Ɔ

² Kekleekle nɛ Yawɛ kɛ Israel tu munyu kɛ gu Hosea nɔ ɔ, e de Hosea ke, “Yaa nɛ o ya ngɔ yo; yo ɔ maa pee e he yakayaka nɔmlɔ, nɛ e bimɛ maa hi kaa lɛ pɛ. Ja pɛpɛɛpɛ ye ma a pee ɔ nɛ; ye ma a kua mi; a yi mi anɔkuale.”

Hosea 1:2 ပူးပေါင်းရင်းမြစ်များ

Kronika II, 21:13

Mohu ɔ, o ya wo Israel matsɛmɛ ɔmɛ a nane, nɛ o ha nɛ Yuda ma a, kɛ Yerusalem tsuo ja amagahi kaa bɔ nɛ Ahab, kɛ ni nɛmɛ nɛ nyɛɛ e se ɔ ha nɛ Israel ma a pee ɔ pɛpɛɛpɛ. O nyɛminyumuhi nɛ a hi pe mo ɔ hu, o gbe mɛ.

La 106:39

A kɛ a ní peemi ble mɛ nitsɛmɛ a he, nɛ Mawu hu a yi lɛ anɔkuale.

La 73:27

Nihi nɛ kua mo ɔ, a hɛ mi ma kpata. Ni nɛmɛ nɛ yi mo anɔkuale ɔ, o ma kpata mɛ tsuo a hɛ mi.

Yeremia 2:13

Ejakaa yayami enyɔ lɛ ye ma a pee: imi, wami nyu vu ɔ, a kua mi, nɛ a ya kpɛ́ tɛ muɔhi ngɔ ha a he; pohu tɛ muɔ nɛ ɔmɛ ywia, nɛ nyu be a mi dae.

Yeremia 2:20

Nyɔmtsɛ Yawɛ ke, “Israel, blema lokoo lɛ o je o he kɛ je ye he wami sisi; o de ke o be mi jae hu fɛɛ. O kpla si ha amagahi ngɛ yoku tsuaa yoku nɛ ya hiɔwe nɔ, kɛ tso tsua tso nɛ bɔ kusuu sisi.

Yeremia 2:23

O ma de ke o ble we o he lo? O ma de ke o ja we Baalhi hyɛ lo? Hyɛ bɔ nɛ o pee yayami ngɛ kɔ̃ ɔ mi; hyɛ nɔ́ nɛ o pee. O pee kaa afukpɔngɔ yo nɛ he mi jɔɛ lɛ, nɛ ngɛ kpae kɛ ngɛ yae kɛ ngɛ bae.

Yeremia 3:9

E kɛ yahomi ble zugba a, nɛ nɔ́ nɛ ɔ si we lɛ kpu. E juɛmi ji ke e ya ja tso kɛ tɛ ɔ, tsa pi nɔ́ ko kulaa ji lɔ ɔ.

Ezekiel 6:9

a maa nuu mɛ nyɔguɛ kɛ ho ma se ya. A ma kai mi ngɛ lejɛ ɔ; nɛ a maa le kaa imi nitsɛ lɛ i gbla a tue, nɛ i pue a hɛ mi si ɔ nɛ. Ejakaa a yi mi anɔkuale kɛ ji a tsui mi; se a kua mi, nɛ a ya ja amagahi mohu. Jehanɛ lɛɛ, mɛ nitsɛmɛ a he mi maa nyɛɛ mɛ ngɛ yayamihi, kɛ ni hiemi níhi tsuo nɛ a pee ɔ a he.

Hosea 2:7

E ma ya hla e pla amɛ a se blɔ, se e nine be a nɔ sue. E ma hla mɛ hluu, se e be mɛ nae. Kɛkɛ ɔ, e ma de ke, “Ma kpale kɛ ya ye huno momo ɔ ngɔ. Benɛ i kɛ lɛ ngɛ ɔ, níhi a mi hi ha mi kulaa pe piɔ.”

Hosea 3:1

Yawɛ de mi ekohu ke, “Yaa nɛ o ya hla yo gba puɛlɔ, nɛ o suɔ lɛ, kaa bɔ nɛ imi hu i suɔ ye ma Israel ɔ. Ye ma Israel kua mi; a ya ngɛ mawu kpahi a se nyɛɛe, nɛ a kɛ wai yiblii gbigbli sãã bɔ kɛ haa mɛ lɛɛ, se kɛ̃, i suɔ mɛ.”

Hosea 5:3

Israel, i le bɔ nɛ o ngɛ ha; o be nyɛe maa laa ngɛ ye hɛ mi. O yi mi anɔkuale; lɔ ɔ he ɔ, o ble o he.”

Marko 1:1

Sane kpakpa a nɛ kɔɔ Yesu Kristo, Mawu Bi ɔ he ji nɛ ɔ nɛ.

Mose V, 31:16

Yawɛ de Mose ke, “E be kɛe nɛ o ma gbo; nɛ o gbenɔ se ɔ, Israel ma a be mi anɔkuale yee hu; a be somi nɛ i kɛ mɛ so ɔ nɔ yee. A maa je ye se ya ja ma se mawuhi nɛ ngɛ zugba a nɔ he nɛ a yaa a.

2 Petro 2:14

A hɛngmɛ hyɛ we nɔ́ kpa ko kaa ja yihi yaholi pɛ. Pɔ tɔɛ mɛ kɛ yayami peemi. A sisiɔ nihi nɛ gbɔjɔ, nɛ a naa a he blɔ. A kase jiklɔɔ peemi, nɛ a le saminya. Mawu gbiɛ mɛ pɛ!

Kpojemi 17:5

A ngma biɛ ko nɛ ji laami sane ngɛ e hɛ nya ke, “Babilon kpetekpleenyɛ, ajuamahi a nyɛ, kɛ níhi nɛ a hiee tsuo a je he.”