Hosea 1:1 - BAIBLO ALOO NGMAMI KLƆUKLƆU Ɔ

¹ Yawɛ ha Beeri bi Hosea sɛ gbi nɛ ɔ ngɛ Yuda matsɛmɛ, Uzia, Yotam, Ahaz, kɛ Hezekia a yi nɔ. Jamɛ a be ɔ, Yohoash bi Yeroboam ngɛ tsɛ yee ngɛ Israel.

Hosea 1:1 ပူးပေါင်းရင်းမြစ်များ

Matsɛmɛ II, 13:13

Yehoash ba gbo, nɛ a pu lɛ ngɛ Israel matsɛmɛ ɔmɛ a yɔkɔ ɔ mi ngɛ Samaria, nɛ Yeroboam ba ye e se.

Matsɛmɛ II, 14:16

Yehoash ba gbo nɛ a pu lɛ ngɛ Israel matsɛmɛ ɔmɛ a yɔkɔ ɔ mi ngɛ Samaria; nɛ e binyumu Yeroboam ba ye e se.

Matsɛmɛ II, 14:23

Yuda matsɛ, Amazia, Yoash binyumu ɔ yi nɔ jeha nɛ ji nyɔngma kɛ enuɔ ɔ, Israel matsɛ, Yehoash binyumu Yeroboam bɔni tsɛ yemi ngɛ Israel ma a nɔ. E hi Samaria kɛ ye matsɛ jeha nyingmi eywiɛ kɛ kake.

Matsɛmɛ II, 15:32

Israel matsɛ, Peka, Remalia binyumu ɔ yi nɔ jeha enyɔne ɔ mi ɔ, Uzia binyumu Yotam ba bɔni tsɛ yemi ngɛ Yuda ma a nɔ.

Matsɛmɛ II, 15:5

Yawɛ ha nɛ matsɛ ɔ nu he womi nɔ hiɔ yaya; nɛ hiɔ nɛ ɔ ngɛ e he kɛ ya si e gbenɔ ligbi. Enɛ ɔ he je ɔ, e klɛ̃ kɛ ya hi we kpa mi, nɛ e binyumu Yotam ba hi matsɛ we ɔ, nɛ e kɛ hyɛ ma a nɔ.

Matsɛmɛ II, 15:7

Uzia ba gbo, nɛ a pu lɛ ngɛ matsɛmɛ ɔmɛ a yɔkɔ ɔ mi ngɛ David ma a mi; nɛ e binyumu Yotam ba ye matsɛ ngɛ e se.

Kronika II, 27:1

Yotam bɔni tsɛ yemi ngɛ Yuda ma a nɔ benɛ e ye jeha nyingmi enyɔ kɛ enuɔ, nɛ e hi Yerusalem kɛ ye matsɛ jeha nyɔngma kɛ ekpa. E nyɛ ji Zadok biyo Yerusha.

Kronika II, 28:1

Ahaz bɔni tsɛ yemi benɛ e ye jeha nyingmi enyɔ, nɛ e hi Yerusalem kɛ ye matsɛ jeha nyɔngma kɛ ekpa. E pee we Yawɛ suɔmi nya ní kaa bɔ nɛ e nɛ̃ David lɛɛ e pee ɔ.

Kronika II, 29:33

Enɛ ɔmɛ a se ɔ, a ngɔ na ku lafa ekpa, kɛ jijɔ akpe etɛ kɛ ba kaa bɔhi nɛ a gbaa a nɔ ha ma a nɛ a ye.

Yesaya 1:1

Sɛ gbihi nɛ kɔɔ Yuda kɛ Yerusalem a he nɛ a ngma ngɛ womi nɛ ɔ mi. Mawu je nina nɛ ɔmɛ kpo kɛ tsɔɔ Yesaya, Amoz bi ɔ, ngɛ Yuda matsɛmɛ, Uzia, Yotam, Ahaz, kɛ Hezekia a yi nɔ.

Yesaya 7:1

Ta ba te si benɛ Uzia bibi Ahaz, Yotam bi ɔ ngɛ matsɛ yee ngɛ Yuda a. Lɔ ɔ ji kaa Siria matsɛ, Rezin kɛ Remalia bi Peka, Israel matsɛ ɔ, ba tua Yerusalem; se a nyɛ we nɛ a ngɔ ma a.

Yeremia 1:2

Yuda matsɛ Yosia, Amon binyumu ɔ yi nɔ jeha nyɔngma kɛ etɛne ɔ mi ɔ, Yawɛ kɛ Yeremia tu munyu.

Yeremia 1:4

Yawɛ de mi ke,

Ezekiel 1:3

Yawɛ tu munyu, nɛ i nu. Yawɛ he wami ba ye nɔ ngɛ Kebar pa a nya ngɛ Babilonia.

Yoel 1:1

Yawɛ sɛ gbi nɛ e kɛ ha Petuel binyumu Yoel, ji nɛ ɔ nɛ.

Amos 1:1

To hyɛlɔ ɔ nɛ a tsɛɛ lɛ Amos, nɛ je Tekoa ma a mi ɔ, e munyuhi ji nɛ ɔmɛ nɛ. Jeha enyɔ loko zugba mimiɛ ɔ, benɛ Uzia ngɛ tsɛ yee ngɛ Yuda zugba a nɔ, nɛ Yehoash bi Yeroboam ngɛ tsɛ yee ngɛ Israel zugba a nɔ ɔ, Mawu je ní nɛ ɔmɛ tsuo ngɔ tsɔɔ Amos ngɛ Israel he.

Yona 1:1

Ligbi ko ɔ, Yawɛ kɛ Yona, Amitai bi ɔ tu munyu, nɛ e de lɛ ke,

Mika 1:1

Yuda matsɛmɛ, Yotam, Ahaz, kɛ Hezekia a yi nɔ ɔ, Yawɛ kɛ sɛ gbi nɛ ɔ ha Mika nɛ je Moreshet ɔ. Yawɛ je ní nɛ ɔmɛ nɛ kɔɔ Samaria kɛ Yerusalem ma amɛ a he ɔ ngɔ tsɔɔ Mika.

Zakaria 1:1

Persia matsɛ, Darius tsɛ yemi be ɔ jeha enyɔne ɔ, nyɔhiɔ kpaanyɔne ɔ we kekleekle ligbi ɔ, Yawɛ ngɔ e sɛ gbi ngɔ ha Ido bibi gbalɔ Zakaria, Berekia bi ɔ ke,

Yohane 10:35

Wa le kaa nɔ nɛ ngmami ɔ deɔ ɔ, anɔkuale sisiisi nɛ́ ngɛ kɛ yaa neneene. Nimli adesahi nɛ Mawu tsɔ nɛ a ngɔ e sɛ gbi ɔ ba ha mɛ ɔ po Mawu tsɛ mɛ ke mawuhi.

Romabi 9:25

Bɔ nɛ Mawu de ngɛ Hosea womi ɔ mi ji nɛ ɔ nɛ: “Nihi nɛ a tsɛɔ mɛ ‘Piyemajinyɛ’ ɔ, ma de mɛ ke ‘Ye ma ji nyɛ.’ Nɛ nɔ́ nɛ a tsɛɔ lɛ ‘Asumemo’ ɔ ma je suɔmi kpo ha lɛ.”

2 Petro 1:21

Ejakaa gbami sɛ gbi ko bɛ hyɛ nɛ adesa po de kɛkɛ ngɛ lɛ nitsɛ e suɔmi nya. Se mohu Mumi Klɔuklɔu ɔ lɛ baa nihi a nɔ nɛ a tuɔ munyu kɛ jeɔ Mawu ngɔ.