Hiob 9:5 - BAIBLO ALOO NGMAMI KLƆUKLƆU Ɔ

⁵ E hiaa yohi tlukaa nɛ e wui nɔ ko si; nɛ ke e mi mi fu ɔ, e kpataa a hɛ mi.

Hiob 9:5 ပူးပေါင်းရင်းမြစ်များ

Hiob 26:6

Gbeje fɔɔ si paa ngɛ Mawu hɛ mi. He hami nɔ́ be he nɛ maa tsi lɛ blɔ.

Hiob 28:9

Nimli adesahi tsuaa tɛ sahi nɛ a he wa, a hiaa yokuhi kɛ jeɔ a hi hehi.

Hiob 34:25

Akɛnɛ Mawu le nɔ́ nɛ a tsuɔ he je ɔ, e ba tuaa mɛ nyɔ mi, nɛ e kpataa a hɛ mi.

Hiob 40:11

Hyɛ he woli! O mi mi nɛ fu mɛ nɛ o ba mɛ si.

Hiob 41:11

Mɛnɔ lɛ e kɛ nyaka ya kpe kunɔ hyɛ nɛ e he je mi? Dɛbi! Je ɔ mi tsuo ɔ, nɔ ko nɔ ko be!

La 114:6

Nyɛ yohi, mɛni ba nɛ nyɛ ngɛ tuue kaa agbosuhi ɔ? Nyɛ yokuhi, mɛni ha nɛ nyɛ ngɛ tuue kaa jijɔhi ɔ?

La 46:2

Lɔ ɔ he ɔ, ke zugba mimiɛ, nɛ yohi hia kɛ ya pue wo mi po, wa be gbeye yee.

La 68:8

mo Yawɛ Israel Mawu ɔ, o ha zugba mimiɛ, nɛ hiɔmi nɛ ngɛ mo Mawu ɔ o hɛ mi. Sinai yo ɔ tete mimiɛ ngɛ mo Mawu, Israel Mawu ɔ, o hɛ mi.

Yesaya 40:12

Mɛnɔ lɛ hɛɛ nyu tsuo nɛ ngɛ wo mi ɔ ngɛ e dɛ kɔkɔ mi hyɛ? Mɛnɔ lɛ ngɔ e nine mi blimi kɛ susu hiɔwe hyɛ? Mɛnɔ lɛ ngɔ je nɛ ɔ mi tabo zu tsuo kɛ wo kplu mi hyɛ? Loo e ngmɛ yo ɔmɛ, kɛ yoku ɔmɛ ngɛ sɛni nɔ hyɛ?

Nahum 1:5

Yoku mimiɛɔ ngɛ Yawɛ hɛ mi; nɛ yokuhi sileɔ ngɛ e hɛ mi. Ke Yawɛ je e he kpo ɔ, zugba a mimiɛɔ; nɛ je ɔ, kɛ e mi nimli ɔmɛ tsuo a he doɔ blibliibli.

Nahum 1:6

Ke e mi mi fu ɔ, mɛnɔ ma nyɛ maa da nya? Ke e hɛ dɔ wawɛɛ ɔ, mɛnɔ yi ma na wami? Ke e je e mi mi la glegleegle ɔ kpo ɔ, tɛ sahi peeɔ wɔtsɔwɔtsɔ kaa bunyuku ngɛ e hɛ mi.

Habakuk 3:10

Benɛ yo ɔmɛ na mo ɔ, a he do blibliibli; hiɔmi nɛ pue si piapiaapia. Muɔ voo ɔ wo gbi, nɛ oslɔke fluku.

Habakuk 3:6

Ke e da si ɔ, zugba a mimiɛɔ, ke e wo e hɛ mi nɔ kikɛ nɛ ɔ, ma amɛ a he doɔ blibliibli. E ywia blema yo ɔmɛ; e ba yoku ɔmɛ nɛ ngɛ daa a si; yo nɛ ɔmɛ a nɔ e nyɛɛ blema a nɛ.

Zakaria 4:7

Mo yo gagaa, mɛni kulaa ji mo ngɛ Zerubabel hɛ mi? E maa ba mo si, nɛ o maa pee kaa nga kplanaa. Be nɛ o kɛ nyagbe tɛ ɔ maa ma e blɔ he ngɛ tsu ɔ yi mi ɔ, ma a tsuo ma he ose ke, ‘Afɛu nɔ oo, afɛu nɔ!’ ”

Mateo 21:21

Yesu he nɔ ke, “Niinɛ, i ngɛ nyɛ dee ke, ke nyɛ ngɛ hemi kɛ yemi nɛ nyɛ ji nɔ́ ɔ, pi nɔ́ nɛ a pee ngmɔkɔ tso nɛ ɔ kɛkɛ nɛ nyɛ ma nyɛ pee. Ke nyɛ de yo nɛ ɔ tete po ke, ‘Hiaa, nɛ o ya nɔ wo mi ɔ,’ e maa ba mi ja.

Mateo 27:51

Tlukaa a, tsu mi pomi bo nɛ ngɛ sɔlemi we ɔ mi gba enyɔ kɛ je hiɔwe kɛ ba ma si. Zugba mimiɛ, nɛ tɛ sahi a mi gba,

Luka 21:11

Zugba ma mimiɛ; hwɔ, kɛ gbenɔ hiɔ maa ba ngɛ he tsuaa he; nɛ gbeye níhi, kɛ nyakpɛ ní nguahi maa ba hiɔwe.

1 Korintobi 13:2

Ke a dloo mi he wami nɛ a kɛ fiɛɔ Mawu sɛ gbi ɔ, ke i le nɔ́ tsuaa nɔ́, nɛ i nuɔ laami sanehi tsuo a sisi, ke i ngɛ hemi kɛ yemi nɛ nya wa ngɛ Mawu mi, nɛ ma nyɛ ma hia yohi, se i be suɔmi ɔ, ye he be se nami ko kulaa.

Kpojemi 11:13

Jamɛ a be ɔ nɔuu ɔ, zugba mimiɛ wawɛɛ; ma a mi dlami nyɔngma mi kake hɛ mi kpata, nimli akpe kpaago gbo, nɛ ni nɛmɛ nɛ piɛ ɔ ye gbeye, nɛ a wo Mawu nɛ ngɛ hiɔwe ɔ hɛ mi nyami.

Kpojemi 6:14

Hiɔwe hɛ lɛ kɛ ho kaa womi kpo nɛ a hluɛ̃, nɛ yohi, kɛ zugba kpɔhi nɛ wo bɔle mɛ kɛ kpe tsuo hia kɛ je a blɔ hehi.