Hiob 9:4 - BAIBLO ALOO NGMAMI KLƆUKLƆU Ɔ

⁴ Mawu ɔ, e le ní, nɛ e he wa. Mɛnɔ lɛ te si kɛ si Mawu hyɛ nɛ e hi ha lɛ?

Hiob 9:4 ပူးပေါင်းရင်းမြစ်များ

Kronika II, 13:12

Mawu nitsɛ ji wa hɛ mi nyɛɛlɔ. E we osɔfo ɔmɛ ngɛ hiɛ ɔ kɛ a titimati ɔmɛ. Ke a kpa titimati ɔmɛ pɛ kɛkɛ pe wa he ose kɛ gba ta kɛ wo nyɛ ɔ nɛ. Nyɛ Israel ma, nyɛ ko gba ta kɛ wo Yawɛ, nyɛ nɛmɛ a Mawu ɔ! Nyɛ be kunimi yee!”

Kronika II, 20:6

nɛ e fa kue ke, “Yawɛ, wa nɛmɛ a Mawu lee, mo pɛ ji Mawu ngɛ hiɔwe, nɛ o yeɔ je ma amɛ tsuo a nɔ. O kle agbo; o ngɛ he wami, nɛ nɔ ko be nyɛe maa da o hɛ mi.

Hiob 11:6

Jinɛ Mawu maa tu mo nile mi laami munyuhi; e ma de mo ke níhi babauu ngɛ je mi nɛ nɔmlɔ adesa juɛmi sui he. Na nɛ o le kaa Mawu gbla we o tue bɔ nɛ sa mo; o yayami ɔmɛ hiɛ kulaa pe tue gblami ɔ.

Hiob 12:13

Se Mawu lɛɛ e nɔ́ ji nile, kɛ he wami; e ngɛ juɛmi, kɛ nɔ́ sisi numi.

Hiob 15:13

Mɛni he je o mi mi fu Mawu, nɛ o ha nɛ munyuhi kaa kikɛ nɛ ɔ je o nya mi?

Hiob 23:6

Anɛ Mawu kɛ mi maa to ní ngɛ e he wami kpetekpleenyɛ ɔ nya lo? Dɛbi, e maa bu mi tue kɛ̃.

Hiob 24:22

Se kɛ̃ ɔ, Mawu kɛ e he wami haa nɛ nɔmlɔ nɛ he wa a yaa nɔ. E tee si be mi nɛ e hɛ be wami ko nɔ hu.

Hiob 28:23

He nɛ nile ngɛ, kɛ blɔ nɛ a maa gu kɛ ya na lɛ ɔ, Mawu pɛ lɛ le.

Hiob 36:5

Mawu kle! E nyɛ́ nɔ. Nɔ́ ko nɔ́ ko be nɛ e juɛmi sui he.

Hiob 37:23

Mawu Ope ɔ loo, wa be nyɛe maa su e he. E ngɛ he wami, e yeɔ dami sane, nɛ e pee we nɔ́ nɛ dɛ kɔkɔɔkɔ.

Hiob 38:36

Mɛnɔ lɛ ha nɔmlɔ adesa nile? Mɛnɔ kɛ juɛmi wo nɔmlɔ yi mi?

Hiob 38:37

Mɛnɔ lɛ le ní bɔ nɛ sa nɛ e ma nyɛ maa kane bɔkuhi ngɛ hiɔwe? Mɛnɔ ma nyɛ ma plɛ nyu buɛ mi bɔku ɔmɛ a nya ngɔ ka si,

Hiob 40:9

Anɛ o ngɛ he wami kaa imi Mawu ɔ lo? Anɛ o ma nyɛ maa wo gbi kaa imi lo?

Hiob 41:2

Anɛ o ma nyɛ maa ngɔ tangme kɛ wo e gugwɔ mi lo? Anɛ o ma nyɛ maa ngɔ gbowe kɛ wo e tsitsa mi lo?

Hiob 6:10

Jinɛ ma hlu kɛ bua jɔmi, nɛ i be haomi ɔ nitsɛ po he nue. Mawu Nɔ Klɔuklɔu ɔ mlaa amɛ ɔ, i tɔ̃ we a nɔ hyɛ.

Hiob 9:19

Ke a ngɛ nɔ nɛ he wa hlae ɔ, lɛ ji nɛ ɔ nɛ. Ke e ba lɛ dami sane yemi hu, mɛnɔ kɛ lɛ maa ba kojomi he ɔ?

La 104:24

Yawɛ, hyɛ kaa o pee níhi babauu! Nile o kɛ pee lɛ tsuo pɛpɛɛpɛ. O nibɔ níhi hyi je ɔ mi tɔ.

La 136:5

Lɛ nɛ e ngɔ nile kɛ pee hiɔwe kɛ zugba; ejakaa e suɔmi ɔ ngɛ kɛ yaa neneene!

Mose II, 15:7

O kɛ o we agboje tsɛ̃ o he nyɛli ɔmɛ kɛ pue si. Nɛ o mi mi la a tso gegeege nɛ e sã mɛ kaa dwɔmi.

Mose II, 9:7

Nɛ benɛ Farao ɔ tsɔ nɛ a ya hyɛ ɔ, a na kaa Israel bi ɔmɛ a lohwe kake po gbo we. Se Farao ɔ kplii e tsui, nɛ e ha we nɛ Israel bi ɔmɛ nɛ a ya.

Abɛ Womi 28:14

A gbaa nɔ nɛ yeɔ Yawɛ gbeye daa. Se nɔmlɔ nɛ tue wa a, lɛɛ haomi maa ba e nɔ.

Abɛ Womi 29:1

Nɔ nɛ ke a ka e hɛ mi, nɛ e waa tue kɛ mwɔɔ ɔ, e maa ku kɛ pue si tlukaa, nɛ e be hie tsami.

Yesaya 45:9

Musu tloo nɔmlɔ adesa nɛ e kɛ e bɔlɔ ɔ sãã nya. Adesa ngɛ kaa zu buɛ ngɛ buɛ puɛlɔ dɛ mi. Anɛ zu biɔ buɛ puɛlɔ ɔ ke, “Mɛni lɛ o ngɛ puɛe ɔ?” aloo “Nɔ́ nɛ o puɛ ɔ be nine lo?”

Yeremia 50:24

Babilonia, o kɛ imi, Yawɛ hwu ta. Nɛ klama nɛ i tsɔ mo ɔ, o du klama a; ejakaa o li tete kaa i tsɔ mo klama ko.

Daniel 2:20

Daniel de ke, “A je Mawu yi kɛ ya neneene, ejakaa ní lelɔ ji lɛ, nɛ e ngɛ he wami hulɔ.

Nahum 1:3

Yawɛ mi mi fu we mla, se kɛ̃ ɔ, e we abofu nya wa wawɛɛ nitsɛ; e ngmɛ́ blɔ nɛ nɔ tɔli yeɔ a he kɔkɔɔkɔ. Yawɛ jeɔ e he wami kpo ngɛ lasiogblee kɛ ahumi mi; nɛ bɔku ngɛ kaa e nane se bunyuku!

Romabi 11:33

Niatsɛ mi niatsɛ ji Mawu! Hyɛ bɔ nɛ e nile, kɛ juɛmi hiɛ ha! Mɛnɔ le bɔ nɛ e toɔ e yi mi ha? Blɔ nɔ nɛ e guu kɛ tsuɔ ní ɔ, mɛnɔ le?

1 Korintobi 10:22

Pe wa ngɛ hlae nɛ waa wo Nyɔmtsɛ ɔ mi mi la nɛ e je hunga lo? Anɛ wa he wa pe lɛ lo?

Efesobi 1:19

Jehanɛ ɔ hu nyɛ ma yɔse kaa Mawu he wami kpetekpleenyɛ nɛ ngɛ ní tsue ngɛ wɔ nihi nɛ wa heɔ yeɔ ɔ wa mi ɔ,

Efesobi 1:8

Niinɛ, e ha wɔ kɛ be nɔ po! Mawu ngɔ e nile, kɛ e juɛmi

Efesobi 3:10

E pee enɛ ɔ, konɛ jehanɛ lɛɛ nɔ yeli tsuo, kɛ nihi nɛ ngɛ tsɛ yee ngɛ hiɔwe ɔ nɛ a na bɔ nɛ Mawu juɛmi mi kuɔ, kɛ bɔ nɛ asafo ɔ ngɛ ní tsue nɛ Mawu yi mi tomi ɔ nɛ ba mi.

Efesobi 3:20

Mawu kɛ he wami kpetekpleenyɛ tsuɔ ní ngɛ wa mi, nɛ e peeɔ níhi nɛ hiɛ babauu kɛ be nɔ kɛ haa wɔ, níhi nɛ wa be nyɛe ma bi, kɛ ní nɛmɛ nɛ wa juɛmi sui he po.