Hiob 9:32 - BAIBLO ALOO NGMAMI KLƆUKLƆU Ɔ

³² Nɔmlɔ adesa ji Mawu kaa imi jinɛ i ko ha lɛ heto, jinɛ i kɛ lɛ ko ya kojomi he ɔ nɛ wa ya hla munyu ɔ mi.

Hiob 9:32 ပူးပေါင်းရင်းမြစ်များ

Romabi 9:20

Se mo nɔmlɔ adesa, mɛnɔ ji mo nɛ o ma de Mawu ke nɔ́ nɛ e de ɔ dɛ? Anɛ buɛ ma de nɔ nɛ puɛ lɛ ɔ ke, “Mɛni he je o puɛ mi kaa kikɛ nɛ ɔ?”

Fiɛlɔ 6:10

Nɔ́ tsuaa nɔ́ nɛ ba a, a de to momo. Wɔ tsuo wa le kaa nɔmlɔ nɛ ngɛ nɛ ɔ, nɔ nɛ he wa pe lɛ ɔ, e kɛ lɛ nɔɛ kunɔ.

La 143:2

O kɛ imi, o tsɔlɔ ɔ kó ye sane; ejakaa nɔmlɔ adesa ko adesa ko be nguɔ yee ngɛ o hɛ mi.

Mose IV, 23:19

Mawu ɔ, pi nɔmlɔ ji lɛ nɛ e ngɔɔ nya, pi nɔmlɔ ji lɛ nɛ e tsakeɔ e yi mi tomi. Anɛ ke e de nɔ́ ko ɔ, e pee we lo? Aloo e woɔ si nɛ e yi nɔ lo?

1 Yohane 3:20

Se ke wa he nile buɔ wɔ fɔ ɔ, wa le kaa Mawu kle pe wa he nile ɔ, nɛ e le nɔ́ tsuaa nɔ́ hulɔ.

Yeremia 49:19

Kaa bɔ nɛ jata hiaa kpo vlai kɛ jeɔ pu mi ngɛ Yordan pa a he kɛ baa lohwehi a ní yemi he ɔ, ja ma ba tlukaa, nɛ ma ba fie Edom bi ɔmɛ kɛ je a zugba a nɔ kɛ fo. Kɛkɛ ɔ, hɛ mi nyɛɛlɔ ɔ nɛ ma hla a, lɛ ji nɔ nɛ maa ye ma a nɔ. Mɛnɔ lɛ e kɛ mi sɔ? Mɛnɔ ma nyɛ nɛ e kɛ mi maa to ní? Te nɔ yelɔ nɛ ma nyɛ ye hɛ mi maa da nɛɛ?

Yesaya 45:9

Musu tloo nɔmlɔ adesa nɛ e kɛ e bɔlɔ ɔ sãã nya. Adesa ngɛ kaa zu buɛ ngɛ buɛ puɛlɔ dɛ mi. Anɛ zu biɔ buɛ puɛlɔ ɔ ke, “Mɛni lɛ o ngɛ puɛe ɔ?” aloo “Nɔ́ nɛ o puɛ ɔ be nine lo?”

Hiob 33:12

Hyɛ, nɔ́ nɛ i ngɛ mo dee ji o nɔ́ be mi; Mawu kle pe nɔmlɔ adesa.

Samuel I, 16:7

Se Yawɛ de Samuel ke, “Koo hyɛ e kami, loo e he fɛu; i sume lɛ, ejakaa i hyɛ we nɔ́ kaa bɔ nɛ nɔmlɔ hyɛɛ nɔ́ ɔ. Nɔmlɔ lɛɛ nɔ hɛ mi e hyɛɛ; se imi Yawɛ lɛɛ tsui mi i hyɛɛ.”

Hiob 9:3

Mɛnɔ ma nyɛ nɛ e kɛ Mawu maa hua nɔ́ he? Ke Mawu bi lɛ munyu akpe ɔ, anɛ e ma nyɛ kake po heto ma ha lo?

Hiob 9:14

Lɛɛ jije ma na munyu ngɛ kɛ ha Mawu heto nɛ sa?

Hiob 9:31

Mawu ma sake mi kɛ wo muɔ mi, nɛ ye he zo maa pee imi nitsɛ ye tadehi.

Hiob 9:19

Ke a ngɛ nɔ nɛ he wa hlae ɔ, lɛ ji nɛ ɔ nɛ. Ke e ba lɛ dami sane yemi hu, mɛnɔ kɛ lɛ maa ba kojomi he ɔ?

Hiob 33:7

Lɔ ɔ he ɔ, koo ye mi gbeye; pi nɔmlɔ nɛ ke e daa si ngɛ o hɛ mi nɛ o tsui maa po ji mi.