Hiob 9:31 - BAIBLO ALOO NGMAMI KLƆUKLƆU Ɔ

³¹ Mawu ma sake mi kɛ wo muɔ mi, nɛ ye he zo maa pee imi nitsɛ ye tadehi.

Hiob 9:31 ပူးပေါင်းရင်းမြစ်များ

Hiob 14:17

O kɛ ye he yayami ɔmɛ maa pa mi, nɛ o maa ngmɛɛ he kulaa. Tɔmihi babauu nɛ i pee ɔ, o maa gbe lɛ tsuo pɛpɛɛpɛ.

Hiob 15:6

Mo nitsɛ o nya mi munyu ngɛ mo fɔ bue; mo nitsɛ o lilɛ ngɛ odase yee kɛ ngɛ mo sie, se pi imi.

Hiob 35:3

E sɛ po kaa o biɔ Mawu ke, “Ke i pee yayami ɔ, mɛni lɔ ɔ kɔɔ ngɛ o he? Mɛni se i naa kaa i pee we yayami ko?”

Hiob 9:20

Ke i ke dalɔ ji mi ɔ, imi nitsɛ ye nya mi munyu maa bu mi fɔ. Ke i ke tɔmi ko be ye he ɔ, e maa tsɔɔ mi kaa i yeɔ fɔ.

Hiob 9:30

Jale ko jale ko be nɛ ma nyɛ ma fɔ ye he yayami ɔmɛ.

Hiob 9:32

Nɔmlɔ adesa ji Mawu kaa imi jinɛ i ko ha lɛ heto, jinɛ i kɛ lɛ ko ya kojomi he ɔ nɛ wa ya hla munyu ɔ mi.

Yesaya 64:6

Wɔ tsuo wa pee yayami, nɛ wa plɛ pee nihi nɛ a he tsɔ we. Kpakpa nɛ wa peeɔ ɔ po ngɛ kaa tade sɛmusɛmu ngɛ o hɛ mi. Wa yayami ɔmɛ ha wɔ tsuo wa pee kaa ba gbigbli nɛ kɔɔhiɔ muɔ kɛ yaa.

Yeremia 2:22

Ke o du o he kɛ jale nɛ nya wa tete po, ma na o tɔmi ɔmɛ kaa so ko nɛ mɛtɛ o he.

Nahum 3:6

Ma pue o hɛ mi si, nɛ o maa pee kaa nɔ ko nɛ a plɛ níhi nɛ a hiee ngɔ pue e nɔ. Nihi maa hyɛ mo gaa, nɛ a maa ye gbeye.