Hiob 9:26 - BAIBLO ALOO NGMAMI KLƆUKLƆU Ɔ

²⁶ Ye ligbi ɔmɛ ngɛ bee kɛ fo kaa lɛ nɛ he sɔɔ saminya; aloo kaa kɔle nɛ maa ho lohwe sami ya.

Hiob 9:26 ပူးပေါင်းရင်းမြစ်များ

Samuel II, 1:23

“Saul kɛ Yonatan a he ngɛ bua jɔmi; a suɔ mɛ saminya. Wami mi jio, gbenɔ mi jio, a mi gba we. A he sɔɔ pe kɔle; nɛ a he wa pe jata.

Abɛ Womi 23:5

Hɛngmɛfia pɛ sika a ma nyɛ laa mo; e maa pee kɔɔhiɔ nɛ e maa laa tlukaa kaa kɔle tee kɛ yaa hiɔwe.

Yesaya 18:2

A tsɔ nihi kɛ je jamɛ a zugba a nɔ kɛ ma. A hi lɛhi nɛ a kɛ ngɔwu pee a mi kɛ gu Nilo pa a nɔ kɛ ma. Nyɛ tsɔli nɛ nyɛ he sɔɔ, nyɛɛ ngɔ sɛ gbi nɛ ɔ kɛ ya nyɛ zugba kɛ e mi pahi babauu ɔ nɔ. Nyɛɛ ngɔ kɛ ya ha nyɛ ma kɛ e mi katsɛmɛ, nimli gagaagahi kɛ a he womi nɔ tlotlootlo nɛ je ɔ tsuo yee mɛ gbeye ɔ.

Yeremia 4:13

Hyɛ, he nyɛli ɔmɛ ngɛ fo nɔ kɛ ma kaa bɔku. A ta zugba lɛ ɔmɛ hia kɛ ma kaa lasiogblee, nɛ a we okpɔngɔ ɔmɛ a he sɔɔ kulaa pe kɔlehi. Akuanyɛ! Wa yi ta pɛ!

Kɔmɔ Yemi 4:19

He nyɛli ɔmɛ nyɛɛ wa se kɛ fo. A he sɔɔ pe kɔlehi ngɛ kɔɔhiɔ mi. A nyɛɛ wa se kɛ gu yo ɔmɛ a nɔ, nɛ a wo wɔ ka ngɛ nga kplanaa a nɔ.

Habakuk 1:8

“A we okpɔngɔ ɔmɛ a he sɔɔ pe ngatsɛhi, nɛ a hɛ mi ngɛ klamaklama pe ogbeteehi nɛ hwɔ ngɛ mɛ yee. A we okpɔngɔ nɔ hili ɔmɛ jeɔ ma se lokoo kɛ baa, nɛ okpɔngɔ ɔmɛ a nane hii si sie glɛi glɛi glɛi! A ba yuɔ nɔ nɔ kaa bɔ nɛ kɔlehi peeɔ kɛ saa lohwehi nɛ a ya yeɔ ɔ.

Mose V, 28:49

Yawɛ ma ha je ma ko nɛ nyɛ nui a gbi maa je zugba a nyagbe he ɔmɛ nɛ a kɛ nyɛ ba hwu. A ma ba tua nyɛ tlukaa kaa bɔ nɛ kɔle gblɔɔ nɔ́ ɔ.