Hiob 9:17 - BAIBLO ALOO NGMAMI KLƆUKLƆU Ɔ

¹⁷ E haa nɛ kɔɔhiɔ nɛ nya wa fiaa mi basabasa yaka gu, nɛ i plaa wawɛɛ nitsɛ.

Hiob 9:17 ပူးပေါင်းရင်းမြစ်များ

Hiob 10:8

O ninehi nɛ o kɛ bɔ mi ɔ, amlɔ nɛ ɔ, o ngɔ jamɛ a nine ɔmɛ nɔuu kɛ ngɛ ye hɛ mi kpatae.

Hiob 16:12

Jinɛ i ngɛ he mi jɔmi, se Mawu tsɔtslɔɔ ye mi. Mawu nu ye kuɛ, nɛ e ku mi dukuduku. E je hɛ pi mi kaa nɔ́ ko nɛ e kɛ maa kase dɛ nya dami.

Hiob 16:14

E he sɔɔ kɛ ba tuaa mi nɔtonɔto, nɛ e plaa mi kaa tatsɛ nɛ hɛ dɔ.

Hiob 16:17

Se i yi nɔ ko amimi; i faa kue haa Mawu kɛ jeɔ ye tsui mi.

Hiob 2:13

Kɛkɛ nɛ a ba hi si ngɛ e kasa nya ngɛ zugba nyɔ kɛ pia ligbi kpaago sɔuu. Nɔ ko nɔ ko kɛ lɛ tu we munyu jamɛ a be ɔ tsuo, ejakaa a na kaa e ngɛ nɔ́ nae wawɛɛ nitsɛ.

Hiob 2:3

Yawɛ bi lɛ ke, “Anɛ o to ye tsɔlɔ Hiob he hɛ kaa nɔ ko be je ɔ mi nɛ da, nɛ yeɔ anɔkuale kɛ lɛ sɔ lo? E jaa mi, nɛ e pee we nɔ́ nɛ dɛ blɔ kɔkɔɔkɔ. O ba nyɛ ye nɔ ke ma ha mo blɔ nɛ o ya hao lɛ, be mi nɛ e pee we yayami ko kulaa. Se kɛ ba si piɔ ɔ, Hiob ngɛ anɔkuale yee kɛ mwɔɔ.”

Hiob 2:7

Kɛkɛ nɛ Satan si Yawɛ, nɛ e ya ha nɛ tslɔɔ fuu Hiob nɔmlɔ tso ɔ tsuo, kɛ je e nane sisi kɛ ya si e yi mi.

Hiob 30:22

O wo ye nɔ nɛ o fɔ mi kɛ ya kɔɔhiɔ mi. Kɔɔhiɔ nɛ nya wa a fia mi kɛ ya kɛ ba.

Hiob 33:10

Se kɛ̃, Mawu bu mi kaa e he nyɛlɔ, nɛ e ngɛ tɔmihi hlae ngɛ ye he.

Hiob 34:6

E ke e pee we nɔ́ ko nɛ dɛ blɔ, se a bu lɛ lakpatsɛ. E ngɛ mi kaa a plaa lɛ yeyee mohu, se e le kaa e pee we yayami ko.

Hiob 9:16

Ke i tsɛ lɛ nɛ e he nɔ pohu, i he we yi kaa ke i tu munyu nɛ e maa bu mi tue.

La 25:3

Nihi nɛ ngɔ a hɛ kɛ fɔ o nɔ ɔ, ko ha nɛ zo nɛ gbe mɛ. Ha nɛ nimli yayamihi, kɛ yakayaka nimli mohu a hɛ mi nɛ pue si.

La 29:5

Yawɛ gbi ɔ kuɔ seda tsohi. Ee, Lebanon seda tsohi po Yawɛ kuɔ mɛ.

La 83:15

nyɛɛ a se ja nɔuu kɛ o we ahumi ɔ, nɛ o ngɔ o kɔɔhiɔ nɛ nya wa a kɛ wo a he gbeye.

Yesaya 28:17

Ma ngɔ dami sane yemi kɛ pee susumi kpa.” Ahumi kɛ gbiɛ ngo ngu maa bɛɛ lakpa amɛ tsuo kɛ ho, nɛ pahi maa je a hi he ɔmɛ.

Yeremia 23:19

Nyɛɛ hyɛ! Yawɛ mi mi fumi ɔ ngɛ kaa ahumi. E ngɛ kaa lasiogblee nɛ maa fia vuguvugu kɛ bɔle yayami peeli a yi he.

Ezekiel 13:13

Lɔ ɔ he ɔ, bɔ nɛ Nyɔmtsɛ Yawɛ ngɛ dee ji nɛ ɔ nɛ: “Ye mi mi ma fu wawɛɛ. Ma ha ahumi maa fia, nɛ hiɔmi maa nɛ; gbiɛ ngo ngu agbohi ma pue si, nɛ gbogbo ɔ maa hule.

Mateo 12:20

E kɛ nihi nɛ gbɔjɔ ɔ maa hi si ngɛ he jɔmi mi. E maa na dɛgutsɛmɛ mɔbɔ. E ma tsu ní nɛ ɔ hluu kɛ yaa si e ma ha nɛ dami sane yemi ma he si.

Mateo 7:27

Hiɔmi ba nɛ, nɛ pahi hia, nɛ kɔɔhiɔ fia wawɛɛ kɛ si tsu ɔ. Nɛ e hule kɛ pue si butuu nɛ nɔ́ ko piɛ.”

Yohane 15:25

Lɔ ɔ he ɔ, e sa nɛ e ba jã, konɛ nɔ́ nɛ a ngma ngɛ a mlaa a mi ke, ‘A nyɛ mi yaka gu’ ɔ nɛ ba mi.

Yohane 9:3

Yesu he nɔ ke, “Nɔmlɔ nɛ hɛ yu nɛ ɔ, pi lɛ nitsɛ nɛ pee yayami, nɛ pi e fɔli hulɔ. Mohu ɔ, e hɛ yu, bɔ nɛ pee nɛ a gu e nɔ kɛ tsɔɔ bɔ nɛ Mawu he wami ɔ tsuɔ ní ha.