Hiob 9:15 - BAIBLO ALOO NGMAMI KLƆUKLƆU Ɔ

¹⁵ E ngɛ mi kaa i pee we yayami ko lɛɛ, se i be nyɛe nɛ ma ha Mawu heto. Pɛɛ kɛkɛ lɛ ma kpa Mawu, ye kojolɔ ɔ, konɛ e na mi mɔbɔ.

Hiob 9:15 ပူးပေါင်းရင်းမြစ်များ

Kronika II, 33:13

Mawu bu Manase kue fami ɔ tue, nɛ e ha nɛ e kpale kɛ ya Yerusalem ya ye matsɛ ekohu. Nɔ́ nɛ ɔ ha nɛ Manase na kaa Yawɛ ɔ, Mawu ji lɛ niinɛ.

Hiob 10:15

Ke i pee yayami ɔ, musu tloo mi. Ke i pee nɔ́ nɛ da tete po, haomi kɛ zo ha we nɛ ma nyɛ ma wo ye yi nɔ.

Hiob 10:2

Mawu, koo bu mi fɔ. Mɛni i pee, loko o kɛ mi ngɛ sane yee kikɛ nɛ ɔ?

Hiob 22:27

Ke o fa kue ha lɛ ɔ, e ma he nɔ, nɛ o maa ye o siwo ɔ nɔ.

Hiob 23:7

Anɔkualetsɛ ji mi; i kɛ Mawu ma hla níhi a nya; nyagbe ɔ, e maa wo mi nguɔ kɛ̃.

Hiob 40:5

I tu munyu pe bɔ nɛ sa nɛ ma tu; i pa be nɔ́ ko dee hu.

Hiob 5:8

Imi ji mo jinɛ i ko hla Mawu se blɔ, nɛ ma tu ye sane ɔ kɛ wo e dɛ mi.

Hiob 8:5

Lɛɛ mo nitsɛ mo hla Mawu Ope ɔ se blɔ nɛ o fa kue ha lɛ.

Hiob 9:16

Ke i tsɛ lɛ nɛ e he nɔ pohu, i he we yi kaa ke i tu munyu nɛ e maa bu mi tue.

Hiob 9:20

Ke i ke dalɔ ji mi ɔ, imi nitsɛ ye nya mi munyu maa bu mi fɔ. Ke i ke tɔmi ko be ye he ɔ, e maa tsɔɔ mi kaa i yeɔ fɔ.

Hiob 9:21

Ke i yeɔ nguɔ kulaa po, e hia we kaa ma susu lɔ ɔ he; ye wami si himi pee we mi akɔnɔ hu.

Yeremia 31:9

Ma kpale mɛ kɛ ba kɛ a hɛ mi ya, kɛ kue fami. Ma kpaka mɛ kɛ nyɛɛ pahi a tue ngɛ blɔ tlɔmɔɔ nɔ, konɛ a ko tɛ nɔ. I ngɛ kaa tsɛ kɛ ha Israel, nɛ Efraim ji ye kekleekle bi.”

Daniel 9:18

Ye Mawu lee, wa kpa mo pɛɛ nɛ o bu wɔ tue. Hyɛ haomi mi nɛ wa ngɛ, kɛ bɔ nɛ ma a nɛ a kɛ o biɛ wo lɛ ɔ pee ma doku ha. Wa ngɛ kue fae ha mo, ejakaa mɔbɔ nalɔ ji mo, se pi kaa wa pee nɔ́ nɛ da.

Daniel 9:3

Enɛ ɔ he je ɔ, i fa kue wawɛɛ ha Nyɔmtsɛ Mawu, nɛ i kpa lɛ pɛɛ ha ma a. I ha hwɔ, nɛ i ha kpekpe ya bo, nɛ i kɛ la zu pue ye nɔ.

1 Korintobi 4:4

Ye he nile tete bui mi fɔ, se enɛ ɔ tsɔɔ we kaa lɔ ɔ he ɔ, i yeɔ nguɔ. Nyɔmtsɛ ɔ ji nɔ nɛ kojoɔ mi.

1 Petro 2:23

Benɛ a ngɛ lɛ jɛe ɔ, lɛɛ e jɛ we nɔ ngɔ to we nane mi. Benɛ e ngɛ amanehlu nae ɔ, e gbíɛ nɔ ko; se mohu e ngɔ e he ngɔ ha Mawu, kojolɔ ɔ nɛ yeɔ dami sane ɔ.