Hiob 9:10 - BAIBLO ALOO NGMAMI KLƆUKLƆU Ɔ

¹⁰ E peeɔ ní nguahi nɛ nimli adesahi a juɛmi sui he. E nyakpɛ ní ɔmɛ hiɛ babauu nɛ a li nya.

Hiob 9:10 ပူးပေါင်းရင်းမြစ်များ

Hiob 5:9

Lɛ ji nɔ nɛ peeɔ ní nguanguahi nɛ wa juɛmi sui he, kɛ nyakpɛ ní hu babauu.

La 72:18

A je Yawɛ, Israel Mawu ɔ yi; lɛ nɔ kake too lɛ e peeɔ nyakpɛ níhi!

Romabi 11:33

Niatsɛ mi niatsɛ ji Mawu! Hyɛ bɔ nɛ e nile, kɛ juɛmi hiɛ ha! Mɛnɔ le bɔ nɛ e toɔ e yi mi ha? Blɔ nɔ nɛ e guu kɛ tsuɔ ní ɔ, mɛnɔ le?

Efesobi 3:20

Mawu kɛ he wami kpetekpleenyɛ tsuɔ ní ngɛ wa mi, nɛ e peeɔ níhi nɛ hiɛ babauu kɛ be nɔ kɛ haa wɔ, níhi nɛ wa be nyɛe ma bi, kɛ ní nɛmɛ nɛ wa juɛmi sui he po.

Fiɛlɔ 3:11

E peeɔ nɔ́ tsuaa nɔ́ saminyayoo ngɛ e be mi. E ha nɔmlɔ juɛmi nɛ e kɛ leɔ níhi nɛ be momo, kɛ níhi nɛ maa ba hwɔɔ se. Se kɛ̃ ɔ, lɛ Mawu ɔ ní tsumi kɛ je sisije kɛ ya si nyagbe ɔ, lɔ ɔ lɛɛ nɔmlɔ juɛmi sui he.

La 136:4

Lɛ nɔ kake too lɛ e peeɔ nyakpɛ ní; ejakaa e suɔmi ɔ ngɛ kɛ yaa neneene!

La 71:15

Ligbi mluku ɔ tsuo ma wo o ta kaa o yeɔ dami sane; ma de daa ke yi wami helɔ ji mo. Pohu níhi nɛ o peeɔ ɔ hiɛ babauu pe bɔ nɛ ye juɛmi maa su he hulɔ.

Hiob 37:23

Mawu Ope ɔ loo, wa be nyɛe maa su e he. E ngɛ he wami, e yeɔ dami sane, nɛ e pee we nɔ́ nɛ dɛ kɔkɔɔkɔ.

Mose II, 15:11

“Yawɛ lee, mɛnɔ ngɛ kaa mo? Mɛnɔ ngɛ kaa mo ngɛ mawu ɔmɛ a kpɛti? O je agbo; o he ngɛ gbeye; mo, mo nyakpɛ ní peelɔ.

La 145:3

Yawɛ kle, nɛ e sa kaa a je e yi wawɛɛ nitsɛ. E kle pe bɔ nɛ adesa juɛmi ma nyɛ maa su he.

Hiob 37:5

Ke Mawu wo gbi kikɛ nɛ ɔ, e peeɔ ní nguahi nɛ wa juɛmi sui he.