Hiob 8:3 - BAIBLO ALOO NGMAMI KLƆUKLƆU Ɔ

³ Anɛ Mawu plɛɔ sane hɛ mi ngɔ buɔ si lo? Mawu Ope ɔ, anɛ e tsakeɔ nɔ́ nɛ da kɛ peeɔ nɔ́ nɛ dɛ lo?

Hiob 8:3 ပူးပေါင်းရင်းမြစ်များ

Kronika II, 19:7

Nyɛɛ ye Yawɛ gbeye, nɛ nyɛɛ pee nyɛ níhi ngɛ blɔ nɛ da nɔ; ejakaa Yawɛ, wa Mawu ɔ sume kaa a plɛ dami sane hɛ mi ngɔ bu si, aloo a hyɛ nɔ hɛ mi, aloo a he nyɔ mi ní.”

Mose V, 32:4

“Yawɛ ji nyɛ yi baalɔ nɛ se be; e hi kɛ pi si, nɛ e da ngɛ blɔ tsuaa blɔ nɔ. Nyɛ Mawu ɔ yeɔ e siwo nɔ; yayami ko be e he; nɔ́ nɛ da, kɛ nɔ́ nɛ sa pɛ e peeɔ.

Mose I, 18:25

Dɛbi, e ko ba mi kaa o maa pee nɔ́ nɛ ɔ, kaa o maa gbe dali kɛ nimli yayamihi kɛ bla. Ke o pee ja a, kɛkɛ o gbla dali kɛ nimli yayamihi tsuo a tue kɛ bla. Dɛbi, e ko ba mi ja; je ɔ tsuo kojolɔ ɔ, e sa kaa e yeɔ dami sane.”

Daniel 9:14

Mo Yawɛ, wa Mawu, o to o yi mi kaa o maa gbla wa tue, nɛ ja ji bɔ nɛ o pee nɛ ɔ nɛ; ejakaa moo lɛɛ nɔ́ nɛ da lɛ o peeɔ. Se wa bui mo tue.

Kpojemi 16:7

Kɛkɛ nɛ i nu nɛ gbi ko pɛ kɛ je bɔ sami la tɛ ɔ he de ke, “Nyɔmtsɛ Mawu Ope! O yeɔ dami sane, nɛ o gblaa nɔ tue bɔ nɛ sa!”

Kpojemi 15:3

Nɛ a ngɛ Mawu tsɔlɔ Mose la a, kɛ To bi ɔ la a lae ke, “Nyɔmtsɛ Mawu Ope, O ní tsumi ɔmɛ kle, nɛ a ngɛ nyakpɛ! Je ma amɛ a matsɛ, o ní peemi ní ɔmɛ tsuo da, anɔkuale sɔuu!

Romabi 2:5

Se akɛnɛ o kplii o tsui, nɛ o pia we o he ɔ, kojomi ligbi ɔ nɛ Mawu mi mi ma fu, nɛ e maa kojo kɛ dami sane yemi ɔ, o tue gblami ɔ maa pe nine.

Ezekiel 33:20

Se kɛ̃ ɔ, Israel ma, nyɛ ke nɔ́ nɛ i peeɔ ɔ dɛ. Nɔ́ nɛ nyɛ ti nɔ tsuaa nɔ peeɔ ɔ, lɔ ɔ nɔ ma da kɛ kojo lɛ.”

Ezekiel 33:17

“Se o ma a mi bi ɔmɛ ke nɔ́ nɛ i peeɔ ɔ dɛ! Dɛbi, mɛ mohu lɛ a ní peepee ɔmɛ dɛ!

Ezekiel 18:25

“Nyɛ deɔ ke, ‘Nɔ́ nɛ Nyɔmtsɛ ɔ pee ɔ dɛ.’ Israel bi, nyɛɛ bu mi tue. Nyɛ susuɔ kaa bɔ nɛ i peeɔ níhi ɔ dɛ lo? Anɛ pi nyɛ mohu nɛ nyɛ ní peepee ɔmɛ dɛ lo?

La 99:4

Matsɛ kpetekpleenyɛ, mo nɛ o suɔ nɔ́ nɛ da! O to anɔkuale, kɛ dami sane yemi si ngɛ Israel.

La 89:14

O matsɛ yemi ɔ, dami sane yemi nɔ a to lɛ sisi kɛ fɔ. Suɔmi kɛ anɔkuale yemi jeɔ kpo ngɛ o nɔ́ tsuaa nɔ́ peemi mi.

Hiob 40:8

Anɛ o ngɛ hlae nɛ o bu mi fɔ kaa i yi dami sane, konɛ moo lɛɛ o wo o he nguɔ kaa o nɔ́ da lo?

Hiob 35:13

Niinɛ, Mawu bui yaka ngmlaa tue; Mawu Ope ɔ bui he akɔtaa.

Hiob 34:5

Hiob ngɛ tsɔɔe kaa dalɔ ji lɛ, se Mawu mohu lɛ yi dami sane ha lɛ.

Hiob 21:20

Ha nɛ yayami peeli ɔmɛ nitsɛmɛ nɛ a ná a tue gblami ɔ. Ha nɛ Mawu Ope ɔ we abofu ɔ nɛ kple mɛ nitsɛmɛ a nɔ.

Hiob 21:15

A biɔ ke, “Mɛnɔ ji Ope ɔ nɛ saa kaa wa sɔmɔɔ lɛ ɔ? Ke wa fa kue ha lɛ ɔ, mɛni se wa ma na?”

Hiob 19:7

Hyɛ, i kpaa ngmlaa nɛ i deɔ ke Mawu ngɛ mi awi yee, se nɔ ko nɔ ko he we nɔ. Ngmlaa nɛ i ngɛ kpae ke a ye dami sane ha mi ɔ, nɔ ko nɔ ko nui.

Hiob 10:3

Imi nɔmlɔ nɛ mo nitsɛ o bɔ ɔ, anɛ e da ha mo kaa o wa mi yi mi, nɛ o hie mi kikɛ nɛ ɔ, konɛ yiwutsotsɛmɛ a yi mi tomi yayami ɔmɛ lɛɛ o bua nɛ jɔ he lo?

Hiob 4:17

“Anɛ nɔmlɔ adesa maa da ngɛ Mawu hɛ mi lo? Anɛ nɔmlɔ adesa he ma tsɔ ngɛ e bɔlɔ ɔ hɛ mi lo?

Hiob 36:3

Ma ngɔ ye nile nɛ hiɛ babauu ɔ kɛ tsɔɔ mo kaa Mawu nɛ bɔ mi ɔ, dalɔ ji lɛ.

Hiob 36:23

Mɛnɔ lɛ maa tsɔɔ Mawu nɔ́ nɛ sa nɛ e pee? Mɛnɔ lɛ maa po e nya ke e pee yayami?

Hiob 37:23

Mawu Ope ɔ loo, wa be nyɛe maa su e he. E ngɛ he wami, e yeɔ dami sane, nɛ e pee we nɔ́ nɛ dɛ kɔkɔɔkɔ.

Hiob 19:6

Se nyɛ li kaa Mawu lɛ pee nɔ́ nɛ ɔ lo? Lɛ nɛ tsɔ klama kɛ bɔle mi kɛ kpe.