Hiob 8:22 - BAIBLO ALOO NGMAMI KLƆUKLƆU Ɔ

²² Ni nɛmɛ nɛ nyɛɛ mo ɔ, zo maa gbe mɛ; yiwutsotsɛmɛ ɔmɛ a wehi maa laa.

Hiob 8:22 ပူးပေါင်းရင်းမြစ်များ

La 132:18

Ma ha zo maa gbe e he nyɛli ɔmɛ kpɔtɔɔ, se e tsɛ yemi ɔ maa bɔ, nɛ e ma he biɛ saminya.”

La 109:29

Zo nɛ gbe ye he nyɛli ɔmɛ kpɔtɔɔ. Zo nɛ ha a he kaa bo.

La 35:26

Nihi nɛ hii nyae be mi nɛ i ngɛ nɔ́ nae ɔ, ha nɛ zo nɛ gbe mɛ, nɛ a pee basabasa. Ni nɛmɛ nɛ susuɔ kaa mɛɛ a hi pe mi ɔ, ha nɛ zo nɛ gbe mɛ kpɔtɔɔ, nɛ a hɛ mi nɛ pue si.

Hiob 18:14

E bo tsu ɔ nɛ e ngɔ e hɛ ngɔ fɔ nɔ ɔ, a maa gbla lɛ kɛ je lejɛ ɔ kɛ ba he ko nɛ ngɛ gbeyegbeye.

Hiob 8:18

Se ke a hɛ mi kpata kikɛ nɛ ɔ, nɔ ko nɔ ko be lee kaa a hi lejɛ ɔ hyɛ po.

Hiob 7:21

Mɛni he je o kɛ ye he yayami ɔmɛ pɛ mi ɔ? Mɛni he je o je we ye he yayami ɔmɛ kɛ ji o hɛ mi kɛ mwɔɔ ɔ? Jehanɛ lɛɛ tabo zu mi lɛ ma hwɔ; ke o ngɛ mi hlae ɔ, o be mi nae hu.

1 Petro 5:5

Ja nɔuu, nyɛ nihewi ɔmɛ hu, nyɛɛ ba nyɛ he si ha nikɔtɔma amɛ. Nyɛ tsuo pɛpɛɛpɛ nyɛ sɔmɔ nyɛ sibi kɛ he si bami. Ejakaa ngmami ɔ ke, “Nihi nɛ woɔ a he nɔ ɔ, Mawu kɛ mɛ toɔ ní; se nihi nɛ baa a he si ɔ, Mawu dlooɔ mɛ.”

Hiob 4:21

Ke a he e he wami tsuo ngɛ e dɛ ɔ, kɛkɛ ɔ, e gbo be mi nɛ e li nɔ́ ko.”

Hiob 8:15

A maa ngɔ a hɛ kɛ fɔ weku kɛ nina nɔ, se e be hie ha mɛ. A maa ngɔ a he kɛ mɛtɛ mɛ kpɛii, se nɔ́ kpakpa ko be mi jee.”

Hiob 9:1

Niinɛ, i le kaa e ngɛ mi ja. Se kɛ nɔmlɔ adesa maa pee kɛɛ nɛ e maa ye nguɔ ngɛ Mawu hɛ mi?

Hiob 15:34

Nimli nɛ li Mawu ɔ, a be ngmɛdu woe. Wehi nɛ a he nyɔ mi ní nɛ a kɛ ma mɛ ɔ, la maa sã mɛ pue si.

Hiob 21:28

Nyɛ biɔ ke, “Jehanɛ lɛɛ jije ganɔ ɔ we ɔ ngɛ? Jije yiwutsotsɛmɛ ɔmɛ a sihi he ɔmɛ ngɛ?”

Hiob 36:6

E ha we nɛ yayami peeli a se kɛɛ ngɛ je mi; e yeɔ ohiatsɛmɛ a sane kɛ haa mɛ.

Ezekiel 7:27

Matsɛ ɔ maa ye kɔmɔ; ganɔ ɔ nine mi maa je wu, sawale maa nu ma a, nɛ mɛ tsuo a he maa do blibliibli. Bɔ nɛ ma gbla nyɛ tue ngɛ níhi nɛ nyɛ pee ɔ a he ji nɛ ɔ nɛ. Bɔ nɛ nyɛ kojoɔ ni komɛ ɔ, jã imi hu ma kojo nyɛ. Kɛkɛ ɔ, nyɛ maa le kaa imi ji Yawɛ.”

Ezekiel 26:16

Ganɔ ɔmɛ tsuo nɛ ngɛ wo nya ma amɛ a mi ɔ ma kple si kɛ je a sɛ ɔmɛ a nɔ. A ma kpa a he bo ngɔ fɔ si; nɛ a ma je a tade ɔmɛ nɛ a lo ní ngɔ wo a mi ɔ ngɛ a he. A maa hi si ngɛ zugba, nɛ a he maa do blibliibli. Gbeye ma ha a he maa hi doe blibliibli be ɔ tsuo ngɛ nɔ́ nɛ ba o nɔ ɔ he.

Abɛ Womi 14:11

A maa ku yayami peeli a we kɛ pue si. Se ni kpakpahi lɛɛ a we maa bɔ.

Zakaria 5:4

Yawɛ Tabohiatsɛ ɔ ke e ma ha gbiɛmi nɛ ɔmɛ maa ba zugba a tsuo nɔ, nɛ we mi he nɛ nɔ ko maa ju ngɛ ɔ, a ma kpata we ɔ hɛ mi; nɛ we tsuaa we nɛ nɔ ko ma kã lakpa kita ngɛ mi ɔ, a ma kpata we ɔ hɛ mi kɛ e mi tso kɛ tɛ tsuo.”